ରପ୍ତାନୀ ଉପରେ ରୋକ ସତ୍ତ୍ବେ କମୁନି ଗହମ ଦର

ଗହମ ରପ୍ତାନୀ(Wheat export)  ଉପରେ ମେ 13ରୁ ପ୍ରତିବନ୍ଧକ ଲଗାଇ ରଖିଛନ୍ତି କେନ୍ଦ୍ର ସରକାର । ଏହା ସତ୍ତ୍ବେ ଅନେକ ରାଜ୍ୟରେ ଗହମ ଦର କମିବାର ନାଁ ନେଉନାହିଁ । ରାଜଧାନୀ ଦିଲ୍ଲୀରେ ଗମହ ମୂଲ୍ୟ ପ୍ରତି କ୍ବିଣ୍ଟାଲ ପିଛା 2,270 ଟଙ୍କା ରହିଛି । ସେପଟେ କର୍ଣ୍ଣାଟକରେ ଏହି ଦର କ୍ବିଣ୍ଟାଲ ପିଛା 3200 ଟଙ୍କାରେ ପହଞ୍ଚିଯାଇଛି ।

କମୋଡିଟି ମାର୍କେଟ(comodity market) ବିଶେଷଜ୍ଞଙ୍କ କହିବାନୁଯୟୀ, ଖୋଲା ବଜାରରେ ଗହମ ଚାହିଦା ବଜାୟ ରହିବ । କାରଣ ଭାରତରେ ଉତ୍ପାଦନ କମିଛି ଓ ରପ୍ତାନୀ ଅଧିକ ହୋଇଛି । ଏଭଳିସ୍ଥିତିରେ ଏହାର ଦର 2500 ଟଙ୍କାରୁ ନେଇ 2600 ଟଙ୍କା ଯାଏଁ ରହିବ ।

ଅଷ୍ଟ୍ରେଲିଆ, ୟୁକ୍ରେନ ଓ ୟୁରୋପୀୟ ସଂଘ ଭଳି ଗହମ ଉତ୍ପାଦକ ଦେଶ ରେ ଉତ୍ପାଦନ କମ କାରଣରୁ ବିଦେଶୀ ବଜାରରେ ଗହମ ଯୋଗାଣରେ ବାଧା ଉପୁଜିଛି । ବର୍ତ୍ତମାନ କର୍ଣ୍ଣାଟକରେ ଗହମ ଦର(wheat price) ଅଧିକ ରହିଛି । ବିଦର ମଣ୍ଡରେ 20 ଜୁନରେ ଗହମର ସର୍ବନିମ୍ନ ଦର କ୍ବିଣ୍ଟାଲ ପିଛା 2500 ଟଙ୍କା ରହିଥିବାବେଳେ ସର୍ବାଧିକ ଦର 2800 ଟଙ୍କା ରହିଛି ।

ଗହମ ରପ୍ତାନିରେ ଭାରତର ବ୍ରେକ, ବିଶ୍ବରେ ହଇଚଇ

ଗହମ ଚାଷ ପାଇଁ କେନ୍ଦ୍ର ସରକାରଙ୍କ ଜରୁରୀ ସୂଚନା,ଜାଣନ୍ତୁ...

ଏଠାରେ ଏମଏସପିରେ ଗହମ ଦର ପ୍ରତି କ୍ବିଣ୍ଟାଲ ପିଛା 2015 ଟଙ୍କା ଅଛି । ଗହମ ଦର ବୃଦ୍ଧି ପଛରେ ଅଧିକ ଗରମ, ଭଣ୍ଡାରଣର ଅଭାବ କାରଣ ରହିଛି । ଜୁନ ପହିଲାସୁଦ୍ଧା କେନ୍ଦ୍ର ପାଖରେ 31.14 ମିଲିୟନ ମେଟ୍ରିକ ଟନ ଗହମ ଷ୍ଟକ ଥିଲା । ବାର୍ଷିକ ଆଧାରରେ ଏହା 48.3 ପ୍ରତିଶତ କମ ରହିଥିଲା ।

ଚଳିତ ବର୍ଷ ପ୍ରବଳ ଗ୍ରୀଷ୍ମପ୍ରବାହ କାରଣରୁ ଗହମ ଉତ୍ପାଦନ ପ୍ରଭାବିତ ହୋଇଛି । ଏହି କାରଣରୁ ହ୍ରାସ ପାଇଛି ଉତ୍ପାଦନ । ସରକାର ପୂର୍ବରୁ 111.32 ମିଲିୟନ ଟନ ଗହମ ଉତ୍ପାଦନର ଅନୁମାନ ଲଗାଇଥିଲେ । ହେଲେ ଏହାକୁ ପରେ କମ କରାଯାଇ 105 ମିଲିୟନ ଟନ କରିଦିଆଯାଇଥିଲା । ଦେଶରେ ଗହମ ଦର ବୃଦ୍ଧି ହେବାର ଏହା ମଧ୍ୟ ଏକ କାରଣ ହୋଇପାରେ । ଏହାସହିତ ଋଷ ଓ ୟୁକ୍ରେନ ଯୁଦ୍ଧ କାରଣରୁ ଆବଶ୍ୟକତାରୁ ଅଧିକ ରପ୍ତାନୀ କରାଯାଇଛି ।