ଆଜି ବିଶ୍ବ ଶାକାହାରୀ ଦିବସ । ଶାକାହାରୀ ଭୋଜନକୁ ପ୍ରୋତ୍ସାହିତ କରିବା ତଥା ଶାକାହାରୀ ଜୀବନଶୈଳୀର ସ୍ବାସ୍ଥ୍ୟ ଉପରେ ଲାଭ ବିଷୟରେ ସଚେତନତା ବୃଦ୍ଧି ପାଇଁ ପ୍ରତ୍ୟେକ ବର୍ଷ ଅକ୍ଟୋବର 1ରେ ବିଶ୍ବ ଶାକାହାରୀ ଦିବସ ପାଳନ କରାଯାଏ । 1977ରେ ଉତ୍ତର ଆମେରିକୀୟ ଶାକାହାରୀ ସୋସାଇଟି ବିଶ୍ବ ଶାକାହାରୀ ଦିବସର ଘୋଷଣା କରିଥିଲା ।
ଶାକାହାରୀ ଭୋଜନର ଲାଭ ବିଷୟରେ ସଚେତନତା ବୃଦ୍ଧି ଓ ପ୍ରୋତ୍ସାହନ ପାଇଁ ଏହି ଦିବସ ଆରମ୍ଭ କରାଯାଇଥିଲା । ଅକ୍ଟୋବର ମାସ ଶୁଦ୍ଧ ଶାକାହାରୀ ଭୋଜନ କରୁଥିବା ବ୍ୟକ୍ତିଙ୍କୁ ସମର୍ପିତ ।
ଶାକାହାରୀ ଭୋଜନ କେବଳ ଶରୀର ପାଇଁ ଉପଯୋଗୀ ନୁହେଁ, ବରଂ ପର୍ଯ୍ୟାବରଣ ପାଇଁ ମଧ୍ୟ ଭଲ । ଶାକାହାରୀ ଭୋଜନ ସମ୍ପୂର୍ଣ୍ଣ ରୂପେ ଉଦ୍ଭିଦ ଆଧାରିତ ଅଟେ । ଏଥିରେ ଅନେକ ପୋଷତତ୍ତ୍ବ, ସ୍ବାସ୍ଥ୍ୟବର୍ଦ୍ଧକ ଓ ସ୍ବାଦିଷ୍ଟ ବିକଳ୍ପ ରହିଥାଏ ।
ଶାକାହାରୀ ଭୋଜନରେ ମାଂସ, ମାଛ, ସାମୁଦ୍ରିକ ଖାଦ୍ୟ ଇତ୍ୟାଦି ଅନ୍ତର୍ଭୂକ୍ତ ହୁଏ ନାହିଁ । ଏଥିରେ ଦୁଗ୍ଧ ସାମିଲ ରହିଥାଏ କରେ ।
ମାଂସ, ମାଛ ଶାକାହାରୀ ଖାଦ୍ୟରେ ଅନ୍ତର୍ଭୂକ୍ତ ନୁହେଁ, ତେଣୁ ଆପଣ ଉଚ୍ଚ କୋଲେଷ୍ଟ୍ରଲ୍ର ସମସ୍ୟାରୁ ରକ୍ଷା ପାଇପାରିବେ । ଶାକାହାରୀ ଖାଦ୍ୟ ମାଧ୍ୟମରେ ଆପଣ ଶରୀରରେ ଆବଶ୍ୟକ ପରିମାଣର କୋଲେଷ୍ଟ୍ରଲ ପୂରଣ କରିପାରିବେ । ଶରୀରରେ ଅଧିକ କୋଲେଷ୍ଟ୍ରଲ ଏବଂ ଚର୍ବି ରହିବା ଦ୍ୱାରା ମେଦବହୁଳତା, ହୃଦରୋଗ ହେବାର ଆଶଙ୍କା ବଢିଥାଏ ।
ଶାକାହାରୀ ଭୋଜନ ମଧ୍ୟ ଅନେକ ଉପାୟରେ ହାର୍ଟ ହେଲଥକୁ ବୁଷ୍ଟ କରିଥାଏ । ଶାକାହାରୀ ଖାଦ୍ୟରେ ଫାଇବର, ଅସନ୍ତୁଳିତ ଚର୍ବି କମ୍ ଥିବାରୁ ହୃଦୟ ସୁସ୍ଥ ରହିଥାଏ । ଶାକାହାରୀ ଖାଦ୍ୟ ଗ୍ରହଣ କଲେ ରକ୍ତଚାପ, ହୃଦ ରୋଗ ଏବଂ ଉଚ୍ଚ କୋଲେଷ୍ଟ୍ରଲ୍ର ଆଶଙ୍କା କମିଯାଏ। ଫାଇବର, ପୋଷକ ତତ୍ତ୍ୱ ରହିଥିବା ଖାଦ୍ୟ ଶରୀରରେ କୋଲେଷ୍ଟ୍ରଲ ପରିଚାଳନା କରେ । ମାଂସ ଭିତ୍ତିକ ଖାଦ୍ୟ ତୁଳନାରେ ଶାକାହାରୀ ଖାଦ୍ୟରେ ସନ୍ତୁଳିତ ଚର୍ବି , କୋଲେଷ୍ଟ୍ରଲ୍ର ପରିମାଣ ମଧ୍ୟ ବହୁତ କମ୍ ଅଟେ ।
ରପ୍ତାନି ଉପରେ କଟକଣା ସତ୍ତ୍ବେ ଦର ବୃଦ୍ଧି ଉପରେ ଲାଗୁନି ଲଗାମ, ଗୋଟିଏ ବର୍ଷରେ 19 % ବଢିଲାଣି ଅଟା ଦାମ