ଭାରତର ମସଲାକୁ ବିଦେଶୀମାନେ ବହୁତ ପସନ୍ଦ କରୁଛନ୍ତି, ଗତ ୫ ବର୍ଷରେ ଭାରତରୁ ମସଲା ଉତ୍ପାଦଗୁଡିକ ରପ୍ତାନି ୨୦ ପ୍ରତିଶତ ବୃଦ୍ଧି ପାଇଛି । ଏହା ବିଷୟରେ ସ୍ପାଇସ ବୋର୍ଡ ଓଫ ଇଣ୍ଡିଆ ରିପୋର୍ଟ କହୁଛି ଯେ, ୨୦୧୫ ରୁ ୨୦୨୦ ପର୍ଯ୍ୟନ୍ତ ଭାରତରେ ତିଆରି ମସଲାର ଚାହିଦା ବିଦେଶରେ ବୃଦ୍ଧି ପାଇଛି ।
୨୦୧୭ ଠାରୁ ରପ୍ତାନିରେ ବୃଦ୍ଧି
ମସଲା ଉତ୍ପାଦ ରପ୍ତାନିରେ ପ୍ରଥମେ ୨୦୧୭-୨୦୧୮ରେ ବୃଦ୍ଧି ଆସିଥିଲା, ଯେତେ ବେଳେ ୭,୯୭,୧୪୫ ଟନ ମସଲା ରପ୍ତାନି ହୋଇଥିଲା, କୁହାଯାଉଛି କି ଏହି ରପ୍ତାନି ସାଧାରଣ ଅପେକ୍ଷା ୧୮ ପ୍ରତିଶତ ଅଧିକ ହୋଇଥିଲା । ୨୦୧୯-୨୦୨୦ରେ ରପ୍ତାନି ହ୍ରାସ ପାଇଥିଲା, ଯାହାର ମୁଖ୍ୟ କାରଣ ଲକଡାଉନ୍ଏବଂ ଆମଦାନୀ-ରପ୍ତାନି ପ୍ରତିବନ୍ଧକ ଥିଲା । ବିଶେଷଜ୍ଞଙ୍କ ଅନୁଯାୟୀ ଯଦି ଲକଡାଉନ୍ ପରିସ୍ଥିତି ନଥାନ୍ତା ତେବେ ଭାରତରୁ ମସଲା ରପ୍ତାନି ଅଧିକ ହୋଇଥାନ୍ତା ।
ଏହି ମସଲାଗୁଡ଼ିକର ଚାହିଦା ଅଧିକ ଥିଲା
ମିଳିଥିବା ସୂଚନା ଅନୁଯାୟୀ ବିଦେଶରେ ସର୍ବାଧିକ ଭାରତର ହେଙ୍ଗୁ, ଛୋଟ ଆଲେଇଚ, ଜୀରା ଏବଂ ରସୁଣ ରପ୍ତାନି ହୋଇଥିଲା । ଏହା ବ୍ୟତୀତ ଜୁଆଣି, ସୋରିଷ ଏବଂ କ୍ରୟ ବିକ୍ରୟ ବିଦେଶରେ ଜୋରଦାର ହୋଇଥିଲା ।
କିଛି ମସଲାର ରପ୍ତାନି ମୂଲ୍ୟ ବୃଦ୍ଧି
ମିଳିଥିବା ସୂଚନା ଅନୁଯାୟୀ, କିଛି ମସଲାର ରପ୍ତାନି ମୂଲ୍ୟ ମଧ୍ୟ ବୃଦ୍ଧି ପାଇଛି। ମୂଲ୍ୟ ଯୁକ୍ତ ଉତ୍ପାଦରେ ଭୃଶୁଙ୍ଗ ପତ୍ର, ପୋଦିନା ମସଲାର ତେଲ ଇତ୍ୟାଦି ରହିଲା । ସବୁଠାରୁ ଅଧିକ ଛୋଟ ଆଲେଇଚ ବିକ୍ରି ହୋଇଥିଲା ସବୁ ମସଲା ମଧ୍ୟରେ ଛୋଟ ଅଳେଇଚ ସବୁଠାରୁ ଅଧିକ ରପ୍ତାନି ରହିଥିଲା । ମୂଲ୍ୟ ଏବଂ ପରିମାଣ ଦୃଷ୍ଟିରୁ, ଏପ୍ରିଲରୁ ମାର୍ଚ୍ଚ ପର୍ଯ୍ୟନ୍ତ ୪୧୮୦ ଟନ ଛୋଟ ଆଲେଇଚ ରପ୍ତାନି କରାଯାଇଥିଲା ।
କରୋନା ସମୟରେ ବୃଦ୍ଧି ପାଇଲା ଔଷଧୀୟ ମସଲାର ଚାହିଦା
୨୦୨୦ ତଥ୍ୟ ଅନୁଯାୟୀ, ଭାରତୀୟ ମସଲା ରପ୍ତାନିରେ ୨୦୧୮ ତୁଳନାରେ ରପ୍ତାନିରେ ହ୍ରାସ ପାଇଛି, କିନ୍ତୁ ଔଷଧୀୟ ମସଲାର ଚାହିଦା ବୃଦ୍ଧି ପାଇଛି । ଏପ୍ରିଲ ରୁ ଜୁଲାଇ (୨୦୨୦) ରେ ୪.୩୩ ଲକ୍ଷ ଟନ ଔଷଧୀୟ ମସଲା ରପ୍ତାନି ଭାରତରୁ ହୋଇଥିଲା ଯାହାର ଆନୁମାନିକ ମୂଲ୍ୟ ୭୭୬୦ କୋଟି ଟଙ୍କା ଥିଲା ।
ଭାରତୀୟ ମସଲା ସ୍ୱାସ୍ଥ୍ୟ ଉପକାର ପାଇଁ ଜଣାଶୁଣା
ଆପଣମାନେ ଜାଣିରଖନ୍ତୁ ଯେ ଭାରତୀୟ ମସଲାଗୁଡ଼ିକ ସେଗୁଡ଼ିକର ପ୍ରାକୃତିକ ରୂପ, ଗୁଣ, ସ୍ୱାଦ ଏବଂ ସୁଗନ୍ଧ ପାଇଁ ଜଣାଶୁଣା । ବିଦେଶରେ ଏହା ଶୁଦ୍ଧତାର ପ୍ରତୀକ ଭାବରେ ଜଣାଯାଏ, ଯାହା ବ୍ୟବହାରରେ ଅତିରିକ୍ତ କ୍ୟାଲୋରୀ ବୃଦ୍ଧି ହୁଏ ନାହିଁ ।