ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଅନେକ ପ୍ରକାର ସୁବିଧା ପ୍ରଦାନ କରୁଛି ନିଜ ଗ୍ରାହକଙ୍କୁ l ଯେଉଁଥିପାଇଁ ଲୋକମାନେ ବହୁତ ଲାଭ ମଧ୍ୟ ପାଇଛନ୍ତି । ଶିଶୁ ଠାରୁ ଆରମ୍ଭ କରି ବୃଦ୍ଧ ବୃଦ୍ଧା ପର୍ଯ୍ୟନ୍ତ ସମସ୍ତଙ୍କ ପାଇଁ ରହିଛି ବିଭିନ୍ନ ପ୍ରକାର ସ୍କିମ l ଯାହାର ଫାଇଦା ଉଠାଉଛନ୍ତି ଗ୍ରାହକ l ତେବେ ଏହାରି ମଧ୍ୟରେ ଏହି ବ୍ୟାଙ୍କ ଦେଇଛି ଏକ ବଡ଼ ଖୁସି ଖବର l ଏଣିକି ଛାତ୍ରଛାତ୍ରୀଙ୍କୁ ସ୍କଲାରସିପ ପ୍ରଦାନ କରିବ ଏହି ବ୍ୟାଙ୍କ l
ତେବେ ଯଦି ଆପଣଙ୍କ ପରିବାରରେ କାହାର ପିଲା ଏସବିଆଇ ସହ ଜଡିତ ବିଦ୍ୟାଳୟରେ ପାଠ ପଢୁଛନ୍ତି, ତେବେ ଏହି ଖବରଟି ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ ପ୍ରମାଣିତ ହେବାକୁ ଯାଉଛି ।
ଟାଇମ୍ସ ବୁଲରେ ପ୍ରକାଶିତ ଏକ ଖବର ଅନୁସାରେ, ବର୍ତ୍ତମାନ ଛାତ୍ରମାନଙ୍କ ପାଇଁ SBI ଦ୍ୱାରା ଏକ ନୂତନ ଯୋଜନା ଆରମ୍ଭ କରାଯାଇଛି । ଯାହା ସେମାନଙ୍କୁ ଶିକ୍ଷା କ୍ଷେତ୍ରରେ ଆର୍ଥିକ ସହାୟତା ପ୍ରଦାନ କରିବ l ଏସବିଆଇ ସେମାନଙ୍କ ବିଦ୍ୟାଳୟରେ ପଢୁଥିବା ପ୍ରତିଜ୍ଞାକାରୀ ଛାତ୍ରମାନଙ୍କୁ ଛାତ୍ରବୃତ୍ତି ପ୍ରଦାନ କରିବାକୁ ଯାଉଛି । SBI ର ଏହି ଯୋଜନା ମାଧ୍ୟମରେ ପ୍ରତିବର୍ଷ ସ୍କୁଲ ଛାତ୍ରଛାତ୍ରୀଙ୍କୁ ୧୦,୦୦୦ ଟଙ୍କା ଅର୍ଥ ରାଶି ଯୋଗାଇ ଦିଆଯିବ । ଏସବିଆଇ ଅଭାବୀ ଛାତ୍ରମାନଙ୍କ ପାଇଁ ଛାତ୍ରବୃତ୍ତି ଯୋଜନା ଆରମ୍ଭ କରିଛି ଯେଉଁମାନେ ଅର୍ଥ କାରଣରୁ ପାଠ ପଢା ଠାରୁ ଦୁରେଇ ଅଛନ୍ତି । ତେବେ ଏହି ଯୋଜନା ମାଧ୍ୟମରେ ଷଷ୍ଠ ଏବଂ ଦ୍ୱାଦଶ ଶ୍ରେଣୀର ଛାତ୍ରମାନଙ୍କୁ ଛାତ୍ରବୃତ୍ତି ପ୍ରଦାନ କରାଯାଉଛି ବ୍ୟାଙ୍କ ଦ୍ୱାରା ।
ଯଦି ଆପଣଙ୍କର ସର୍ତ୍ତ ଠାରୁ ଆୟ ଅଧିକ ତେବେ ଆପଣଙ୍କ ପିଲା ଛାତ୍ରବୃତ୍ତିର ଲାଭ ପାଇପାରିବେ ନାହିଁ । ଆବେଦନ କରିବାକୁ ହେଲେ ଆପଣ ଅନଲାଇନ୍ ମୋଡ୍ ମାଧ୍ୟମରେ ଆବେଦନ କରିପାରିବେ । ଏସବିଆଇ ଛାତ୍ରବୃତ୍ତି ଯୋଜନାର ଲାଭ ପାଇବାକୁ ଆପଣଙ୍କୁ ଅନେକ କିଛି ନିୟମ ଅନୁସରଣ କରିବାକୁ ପଡିବ । ତେବେ ଛାତ୍ରବୃତ୍ତି ପାଇବାକୁ, ମନୋନୀତ ଛାତ୍ର ଶ୍ରେଣୀରେ ୭୫ ପ୍ରତିଶତ ମାର୍କ ରଖିଥିବା ଆବଶ୍ୟକ । ତେବେ ମନୋନୀତ ଛାତ୍ରଙ୍କୁ ଛାତ୍ରବୃତ୍ତି ଭାବରେ ଦଶ ହଜାର ଟଙ୍କା ଅର୍ଥ ରାଶି ପ୍ରଦାନ କରାଯିବ।
ଏଥିପାଇଁ ସାମ୍ପ୍ରତିକ ଭାବରେ ଏକାଡେମିକ୍ ଅଧିବେଶନ ଆଡମିଶନ ପାଇଁ ଫି ରସିଦ, ଆଡମିଟ୍ କାର୍ଡ, ପରିଚୟ ପତ୍ର, ସହିତ ଅନ୍ୟାନ୍ୟ ପ୍ରମାଣପତ୍ର ଇତ୍ୟାଦି ରହିବା ଆବଶ୍ୟକ । ଏହି ଯୋଜନାର ଲାଭ ଉଠାଇବାକୁ ହେଲେ ସମସ୍ତ ସର୍ତ୍ତ ମାନିବାକୁ ପଡ଼ିବ । ଯଦି ଆପଣ ଏଥିପାଇଁ ଯୋଗ୍ୟ ତେବେ ଆପଣ ଆବେଦନ କରିବାକୁ ଜନ ସୁବିଧା କେନ୍ଦ୍ରକୁ ଯାଇପାରିବେ ।