ଓଡ଼ିଶାର ଖୋର୍ଦ୍ଧା ଜିଲ୍ଲାର ଜଟଣୀ ବ୍ଲକ ଅନ୍ତର୍ଗତ, ଜାମୁକୋଳି ଗ୍ରାମପଞ୍ଚାୟତର ମୁଣ୍ଡଳା ଗ୍ରାମରେ ଜଣେ କୃଷକଙ୍କ ପ୍ରଚେଷ୍ଟା ଆଜି କୃଷି ସଫଳତାର ଏକ ଅଭିନବ ପ୍ରେରଣାଦାୟକ କାହାଣୀରେ ପରିଣତ ହୋଇଛି | ଡିସେମ୍ବର 14, 1947 ରେ ଜନ୍ମଗ୍ରହଣ କରିଥିବା ଦୁଷାସନ ପ୍ରଧାନଙ୍କ ପୁତ୍ର ଉଲ୍ଲାଶ ଚନ୍ଦ୍ର ପ୍ରଧାନ ଏକ କ୍ଷୁଦ୍ର କୃଷି ସମ୍ପ୍ରଦାୟରେ ଜନ୍ମ ଗ୍ରହଣ କରିଥିଲେ । ଆଜି ତାଙ୍କୁ 77 ବର୍ଷ ବୟସ କିନ୍ତୁ ଉଲ୍ଲାଶ ଚନ୍ଦ୍ର ପ୍ରଧାନ ଆଜି ବି ଜଣେ ଧର୍ଯ୍ୟବାନ ବ୍ୟକ୍ତି, ଯିଏକି ଆଜି ନିଜର ଆତ୍ମବିସ୍ୱାଶ ବଳରେ ଆଜି ଓଡ଼ିଶାର ଜଣେ ବହୁ ପ୍ରତିଷ୍ଠିତ କଦଳୀ ଚାଷୀ ଭାବରେ ସମଗ୍ର ରାଜ୍ୟରେ ବହୁ ପ୍ରସଂଶିତ |
ଜଣେ କୃଷକର ପୁତ୍ର ଭାବରେ ସେ କଠିନ ପରିଶ୍ରମୀ, ଆରମ୍ଭରୁ ତାଙ୍କର ଦୃଢ଼ କର୍ମ ବିସ୍ଵାଶ ଏବଂ ମାଟି ପ୍ରତି ଗଭୀର ସମ୍ମାନର ମୂଲ୍ୟବୋଧ ଥିଲା । ଅବଶ୍ୟ, ପ୍ରାରମ୍ଭିକ ପର୍ଯ୍ୟାୟରେ ସେ ଚାଷ କରିବା ଆରମ୍ଭ କରିନଥିଲେ କିନ୍ତୁ ପରବର୍ତୀ ସମୟରେ ସେ କୃଷି ପ୍ରତି ଆକର୍ଷିତ ହୋଇଥିଲେ | ପୂର୍ବରୁ ସେ ଓଡ଼ିଶାରେ ବିଭିନ୍ନ କାରବାର, କଣ୍ଟ୍ରlକ୍ଟର ଭାବରେ ମଧ୍ୟ କାର୍ଯ୍ୟ କରିଛନ୍ତି l ଛୋଟ ବେଳୁ ମାଟି ସହିତ ରହିଥିବା ବେଶେଷ ପ୍ରେମ ଯୋଗୁଁ ସେ ଅନ୍ୟ ସବୁ ବ୍ୟବସାୟ ଛାଡ଼ି ନିଜ ଗ୍ରାମରେ କୃଷିକ୍ଷେତ୍ରରେ କାର୍ଯ୍ୟ କରିବା ପାଇଁ ମନ ବଳାଇଥିଲେ l ତେବେ କିପରି ସେ ଅନେକ ଅସୁବିଧା ସତ୍ୱେ ଚାଷ କାର୍ଯ୍ୟରେ ଏକ ଅନନ୍ୟ ଉଦାହରଣ ସୃଷ୍ଟି କରିଛନ୍ତି ଆସନ୍ତୁ ଜାଣିବା.....
1990 ରେ ସେ ପ୍ରଥମେ ଚାଷ କାର୍ଯ୍ୟ ଆରମ୍ଭ କଲେ | ନଡ଼ିଆ ଚାଷରୁ ନିଜର ଚାଷ ବ୍ୟବସାୟ ଆରମ୍ଭ କରିବା କଥା ସେ କୁହନ୍ତି l "ମୁଁ ପ୍ରଥମେ ନଡ଼ିଆ ଚାଷ ଆରମ୍ଭ କରିଥିଲି, ଗଛରେ ନଡ଼ିଆ ମଧ୍ୟ ଭଲ ଆସିଥିଲା କିନ୍ତୁ ଠିକ ଉତ୍ପାଦନର ସମୟ ଆସିଲା ବେଳକୁ ଓଡ଼ିଶାରେ ଆସିଥିବା ଧୂର୍ଣ୍ଣିବଳୟ ଯୋଗୁଁ 70 ରୁ 80 ପ୍ରତିଶତ ନଡ଼ିଆ ଗଛ ନଷ୍ଟ ହୋଇଯାଇଥିଲା, ବହୁ କ୍ଷତି ସହିବାକୁ ପଡିଲା, କିନ୍ତୁ ମୁଁ ହେଉଛି ଚାଷୀ ଘରର ପିଲା , ଏଥିରେ ଭାଙ୍ଗି ନ ଯାଇ ପୁଣି ଚାଷ କାର୍ଯ୍ୟକୁ ଫେରିବାକୁ ମନସ୍ଥ କଲି l ଧୀରେ ଧୀରେ କଦଳୀ ଚାଷରେ ଭଲ ଲାଭ ବୋଲି ଜାଣିବାକୁ ପାଇଲି ଏବଂ ଆମ ଗ୍ରାମ ପାଖରେ ଥିବା କୃଷି ବିଜ୍ଞାନ କେନ୍ଦ୍ର ସହିତ ସମ୍ପର୍କ କଲି l ତା ପରେ ପ୍ରଥମେ ଅଳ୍ପ କଦଳୀ ଚାରରୁ ନିଜର ପ୍ରଥମ କଦଳୀ ଚାଷ ଆରମ୍ଭ କଲି l ଏଥିରେ କ୍ରମାଗତ ଭାବରେ ଭଲ ଲାଭ ଦେଖି ମୁଁ ଉଦ୍ୟାନ ବିଭାଗର ସାହାଯ୍ୟରେ କଦଳୀ ଚାଷୀ ପ୍ରତି ଆଗ୍ରହ ଦେଖାଇଲି", ବୋଲି କହିଛନ୍ତି ଉଲ୍ଲାଶ ଚନ୍ଦ୍ର ପ୍ରଧାନ l
ଉଲ୍ଲେଖନୀୟ ବହୁମୁଖୀତା ପ୍ରଦର୍ଶନ କରି ସେ ସିଙ୍ଗାପୁର କଦଳୀ, ଚମ୍ପା କଦଳୀ, ଏବଂ ଟିସୁ ସଂସ୍କୃତି କଦଳୀ ( tissue culture banana ) ସହିତ ବିଭିନ୍ନ କଦଳୀ ଚାଷ କରିଥିଲେ | କଦଳୀ ଚାଷର ଚାରା ପାଇଁ ଓଡିଶା କୃଷି ବିଭାଗ ତରଫରୁ ବହୁ ସାହାର୍ଯ୍ୟ ମିଳିଥିଲା l ଆଜି ସେ ଖାଲି କଦଳୀ ଚାଷ କରୁନାହାନ୍ତି ଆମ୍ବ, ପଣସ, ସପୁରୀ, ହଳଦୀ ସାଙ୍ଗକୁ ଆମ୍ବ ଅଦା ମଧ୍ୟ ଚାଷ କରୁଛନ୍ତି l ଆମ୍ବ ଅଦା ଚାଷରେ ଭଲ ଲାଭ ମିଳିଥିବାର ସେ ଆମକୁ ଜଣାଇଥିଲେ l କିଲୋଗ୍ରାମ ପିଛା ବଜାରରେ 160 ରୁ 200 ଟଙ୍କା ପର୍ଯ୍ୟନ୍ତ ବିକ୍ରି କରୁଥିବାର ସେ କହିଛନ୍ତି l
ସବୁଠାରୁ ବଡ଼ କଥା ହେଉଛି ତାଙ୍କର ଚାଷ ପ୍ରଣାଳୀ l କୌଣସି ରାସୟାନିକ ସାର ବ୍ୟବହାର ନ କରି ଜିଆଖତ, ଜୈବିକ ସାର ମାଧ୍ୟ୍ୟମରେ ସେ ଆଜି ଏତେ ସଫଳତା ପାଇଛନ୍ତି l ସବୁବେଳେ ଜୈବିକ ଏବଂ ପ୍ରାକୃତିକ ଚାଷକୁ ସେ ପ୍ରୋତ୍ସାହିତ କରିଆସିଛନ୍ତି l କିପରି କମ ଖର୍ଚରେ, ରାସୟାନିକ ସାର ବ୍ୟବହାର ନକରି, ମାଟିର ଉର୍ବରତାକୁ ବଜାୟ ରଖିହେବ ସେଥି ପ୍ରତି ସେ ସଦା ସର୍ବଦା ପ୍ରଚେଷ୍ଟିତ l ନିଜେ ଜୈବିକ ପ୍ରଣାଳୀରେ ଚାଷ କରିବା ସହ ସେ ଅନେକ ଲୋକଙ୍କୁ ମଧ୍ୟ ଏଥି ସମ୍ପର୍କରେ ଅବଗତ କରାଇଥାନ୍ତି l ମାଟିର ଉର୍ବରତା ଠିକ ରହିଲେ ଆମେ ଖାଲି ଫସଲ ଉତ୍ପାଦନରେ ଉନ୍ନତି ନୁହଁ ପରିବେଶ ପ୍ରଦୂଷଣକୁ ରୋକିବା ଏବଂ ଆଗାମୀ ପିଢୀଙ୍କୁ ମଧ୍ୟ ଏକ ଉତ୍ତମ ଜୀବନ ଦଇପାରିବା ବୋଲି କହିଛନ୍ତି ଉଲ୍ଲାଶ ଚନ୍ଦ୍ର ପ୍ରଧାନ l
ଏହି ଅଭୂତ ପୂର୍ବ ସଫଳତା ପାଇଁ ଉଲ୍ଲାଶ ଚନ୍ଦ୍ର ପ୍ରଧାନଙ୍କ ଯାତ୍ରା ଏକାକୀ ନୁହେଁ। କୃଷି ବିଜ୍ଞାନ କେନ୍ଦ୍ର, OUAT, HO , ATMA, ଉଦ୍ୟାନ ବିଭାଗ ଏବଂ OUAT ର ଉଦ୍ଭିଦ ପାଥୋଲୋଜିଷ୍ଟ୍ ବିପିନ୍ କୁମାର ପ୍ରଧାନଙ୍କ ମାର୍ଗଦର୍ଶନରେ ସେ ଆଜି ଏତେ ବଡ଼ ସଫଳତା ପାଇଛନ୍ତି ବୋଲି ପ୍ରକାଶ କରିଛନ୍ତି | କୃଷି କ୍ଷେତ୍ରରେ ତାଙ୍କର ଉତ୍କର୍ଷତାକୁ ଓଡ଼ିଶା ସରକାର ସ୍ୱୀକୃତି ପ୍ରଦାନ କରିଥିଲେ, ସେଥିପାଇଁ ତାଙ୍କୁ ଉନ୍ନତ ଉଦ୍ୟାନ କୃଷି ଅଭ୍ୟାସରେ ଅବଦାନ ପାଇଁ ପୁରସ୍କୃତ କରାଯାଇଥିଲା ।
ଉଲ୍ଲାଶ ଚନ୍ଦ୍ର ପ୍ରଧାନଙ୍କ ସଫଳତା ବ୍ୟକ୍ତିଗତ ସଫଳତାଠାରୁ ଅଲଗା କାରଣ ସେ ଆଜି ଓଡିଶାର କୃଷକମାନଙ୍କ ପାଇଁ ପ୍ରେରଣା ଉତ୍ସ ଭାବରେ ଛିଡା ହୋଇଛନ୍ତି | ବିପର୍ଯ୍ୟୟରୁ ବିଜୟ ପର୍ଯ୍ୟନ୍ତ ତାଙ୍କର ଯାତ୍ରାରେ ସ୍ଥିରତା, ଅଭିନବତା ଏବଂ ଭୂମି ସହିତ ଏକ ଗଭୀର ସଂଯୋଗ ତାଙ୍କର ଚାଷପ୍ରତି ଥିବା ଆଗ୍ରହକୁ ପ୍ରତିପାଦିତ କରେ |
ବାସ୍ତବରେ ଉଲ୍ଲାଶ ଚନ୍ଦ୍ର ପ୍ରଧାନଙ୍କ କାହାଣୀ ହେଉଛି ନିରନ୍ତର ନିଷ୍ଠା, ଅନୁକୂଳତା ଏବଂ କୃଷି ପ୍ରତି ଏକ ଗଭୀର ପ୍ରେମ | ଓଡ଼ିଶାର ଛୋଟ ଗାଁ ରୁ ଆରମ୍ଭ କରି ସହର ପର୍ଯ୍ୟନ୍ତ ଯେଉଁମାନେ ପ୍ରତିକୂଳ ପରିସ୍ଥିତିକୁ ସୁଯୋଗରେ ପରିଣତ କରିବାକୁ ସ୍ୱପ୍ନ ଦେଖନ୍ତି ସେମାନଙ୍କ ପାଇଁ ଉଲ୍ଲାଶ ଚନ୍ଦ୍ର ପ୍ରଧାନଙ୍କ ଯାତ୍ରା ଏକ ଆଶାର ଆଲୋକ ଅଟେ | ଜଣେ କୃଷକ, ଉଦ୍ୟୋଗୀ ଏବଂ ସରକାରୀ ମାନ୍ୟତା ପ୍ରାପ୍ତ ବ୍ୟକ୍ତି ଭାବରେ ଉଲ୍ଲାଶ ଚନ୍ଦ୍ର ପ୍ରଧାନଙ୍କ ଉତ୍ତରାଧିକାରୀ ହେଉଛି କୃଷି କାର୍ଯ୍ୟରେ ତାଙ୍କର ଏହି ଅବିସ୍ମରଣୀୟ ଯାତ୍ରା। ତାଙ୍କର ଏହି ସଫଳତାର କାହାଣୀ ଓଡ଼ିଶାର ସବୁ ଯୁବ କୃଷକଙ୍କ ପାଇଁ ଅନନ୍ୟ ଉଦାହରଣ ସୃଷ୍ଟି କରିବ, ଏଥିରେ ତିଳେ ହେଲେ ସନ୍ଦେହ ନାହିଁ l