ହଜାରୀ ପ୍ରଜାତିର ଲେମ୍ବୁ ଚାଷ କରି ରୋଜଗାର କରନ୍ତୁ ଲକ୍ଷ ଲକ୍ଷ ଟଙ୍କା

Earn lakhs of rupees by cultivating hazari species of lemon

ଓଡିଶାରେ କଦଳୀ ପରେ ବାରମାସରେ ମିଳୁଥିବା ଫଳ ଭିତରେ ଲେମ୍ବୁ ହେଉଛି ଅନ୍ୟତମ । ଲେମ୍ବୁର ବ୍ୟବହାର ଆମ ସମାଜରେ ଏତେ ବେଶି ଯେ,ଏହାକୁ ପରିବା ସାଙ୍ଗରେ ପ୍ରତିଦିନ ମଧ୍ୟ କିଣାଯାଏ । ବହୁ ପୁରାତନ କାଳରୁ ଲେମ୍ବୁର ଉପକାରିତା ବିଷୟରେ ମୁନି ଋଷିମାନେ ଉପଲବ୍ଧି କରିଛନ୍ତି ଏବଂ ଏହାକୁ ଖାଦ୍ୟ ଓ ଔଷଧ ରୂପେ ଗ୍ରହଣ କରିଛନ୍ତି ।

ଲେମ୍ବୁ ଖାଦ୍ୟ ସହିତ ଖାଇବା ନିମନ୍ତେ ହିତକାରୀ, ସ୍ଵାଦିଷ୍ଟ ଓ ଔଷଧ ଦିଗରେ ମଧ୍ୟ ଯାବତୀୟ ରୋଗ ବିନାଶକ ଅଟେ । ଏହାର ରସରେ ବିଭିନ୍ନ ଯିବନିକା ବିଶେଷକରି ଜୀବନିକା-ଗ ଓ ଧାତବ ଲବଣ ଅଛି ( hazari species of lemon )  । ଏହାର ଚାଷ ଏକ ଲାଭଜନକ ବ୍ୟବସାୟ ।

ଖରାଦିନ ଆସିଲା ମାତ୍ରେ ସମସ୍ତଙ୍କ ଘରେ ଲେମ୍ବୁ ଆବଶ୍ୟକତା ଟିକେ ବଢ଼ିଯାଇଥାଏ କାରଣ ଏହା ଶରୀରରେ ଜଳୀୟ ଅଂଶ ବଜାୟ ରଖିବାରେ ସାହାଯ୍ୟ କରିଥାଏ l ଖରାଦିନରେ ଲେମ୍ବୁ ଦ୍ୱାରା ମଧ୍ୟ ବଢିଥାଏ ବଜାରରେ l ଆଉ ଏବେ ବଜାର ରେ ନୂଆ ନୂଆ କିସମର ଲେମ୍ବୁ ଦେଖିବାକୁ ମିଳୁଛି ଯାହା ବାସ୍ନା ସହିତ ଅଧିକ ରସ ମଧ୍ୟ ରହୁଛି ସେଥିରେ l ବର୍ତମାନ ବଜାରରେ ହଜାରୀ ପ୍ରକାରର ଲେମ୍ବୁର ବହୁତ ଚାହିଦା ଅଛି, ଆପଣ ଏବେ ଏହାକୁ ଚାଷ କରି ପ୍ରତିବର୍ଷ ସହଜରେ ଲକ୍ଷ ଲକ୍ଷ ରୋଜଗାର କରିପାରିବେ | ଅନେକ ଚାଷୀ ଏହା ଚାଷ କରି ମଧ୍ୟ ଲକ୍ଷ ଲକ୍ଷ ରୋଜଗାର କରୁଛନ୍ତି l ତେବେ ଆପଣ ମଧ୍ୟ ଏହି ଚାଷ କରି ଲାଭବାନ ହୋଇପାରିବେ l

ଲେମ୍ବୁ ଚାଷ କରିବା କୃଷକ ଭାଇମାନଙ୍କ ପାଇଁ ଏକ ଲାଭଦାୟକ କାରବାର ହୋଇପାରେ | ଆଉ ଏବେ ଚାଷୀ ଭାଇଭଉଣୀ ମାନେ ହଜାରୀ ପ୍ରଜାତିର ଲେମ୍ବୁ ଉଦ୍ଭିଦରୁ ବହୁତ ଭଲ ରୋଜଗାର କରୁଛନ୍ତି ମଧ୍ୟ ଯାହା ତାଙ୍କୁ ଆତ୍ମନିର୍ଭରଶୀଳ କରିବାରେ ସାହାଯ୍ୟ କରୁଛି | ବର୍ତ୍ତମାନ ବଜାରରେ ଏହାର ହାର ପ୍ରାୟ ୧୦୦ ଟଙ୍କା କିଲୋଗ୍ରାମ ପର୍ଯ୍ୟନ୍ତ ବିକ୍ରି ହେଉଛି ଏବଂ ଏହା ଦେଖିବାକୁ କମଳା ରଙ୍ଗର ଅଟେ | ସ୍ୱଳ୍ପ ମୂଲ୍ୟ ଏବଂ ଅଧିକ ଲାଭ ହେତୁ ଚାଷୀଙ୍କ ମଧ୍ୟରେ ଏହି ଲେମ୍ବୁ ଚାଷର ଧାରା ବୃଦ୍ଧି ପାଉଛି | ଅନେକ ଚାଷୀ ଭାଇ ଭଉଣୀ ମାନେ ଏବେ ଏହି ଲେମ୍ବୁ ଚାଷ ପ୍ରତି ନିଜ ଆଗ୍ରହ ପ୍ରକାଶ କରୁଛନ୍ତି l

ଏହି ଲେମ୍ବୁ ଅନ୍ୟମାନଙ୍କ ତୁଳନାରେ ଅଧିକ ଖଟା ଏବଂ ଏହା ଚା ଠାରୁ ଆରମ୍ଭ କରି ଜୁସ ତିଆରି ପର୍ଯ୍ୟନ୍ତ ସବୁକିଛିରେ ବ୍ୟବହୃତ ହୁଏ, ଯେଉଁ କାରଣରୁ ବଜାରରେ ଏହାର ଚାହିଦା ବହୁତ ଅଧିକ ରହିଛି  | ଏହି ଲେମ୍ବୁ ଚାଷ କରିବା ପୂର୍ବରୁ ଜମିକୁ ଭଲ ଭାବେ ହଳ କରି ଚାଷ ପାଇଁ ପ୍ରସ୍ତୁତ କରନ୍ତୁ | ଯେଉଁଠାରେ ଆପଣ ଉଦ୍ଭିଦ ଚାରା ରୋପଣ କରନ୍ତି ସେହି ସ୍ଥାନରେ ପ୍ରାୟ ଏକ ଫୁଟ ଗଭୀରରେ ଏକ ଗର୍ତ୍ତ ତିଆରି କରନ୍ତୁ, ତା’ପରେ ସେଥିରେ ପାଣି ଢାଳନ୍ତୁ ଏବଂ କିଛି ସମୟ ପର୍ଯ୍ୟନ୍ତ ଛାଡିଦିଅନ୍ତୁ ଏବଂ ଯେତେବେଳେ ଜଳ ଶୁଖିଯାଏ, ସେହି ସ୍ଥାନରେ ଉଦ୍ଭିଦ ଲଗାନ୍ତୁ ଏବଂ ଉପରେ ମାଟି ରଖନ୍ତୁ ଏବଂ ଉଦ୍ଭିଦ ଚାରିପାଖରେ ଏକ ହିଡ଼ ତିଆରି କରନ୍ତୁ |

ତେବେ ଚାରା ଲଗାଇବା ପ୍ରକ୍ରିୟା ଠିକ ହେବା ଉଚିତ କାରଣ ବେଳେବେଳେ ଚାରା ଠିକ ଭାବେ ନ ଲାଗିବ ଚାଷ କ୍ଷତି ହେବାର ସମ୍ଭାବନାକୁ ବଢାଇଥାଏ l  ଏହି ପ୍ରଜାତି ଲେମ୍ବୁକୁ ହାଲୁକା ବୃଷ୍ଟିପାତ ଥିବା ଅଞ୍ଚଳରେ ଚାଷ କରାଯାଏ | ଅଧିକ ବର୍ଷା ହୋଇଥିବା ଅଞ୍ଚଳରେ ଏହାକୁ ବର୍ଷା ଶେଷରେ ବୁଣିବା ଉଚିତ୍ କାରଣ ଜଳ ଜମି ରହିଲେ ଚାରା ନଷ୍ଟ ହେବାର ସମ୍ଭାବନା ଅଛି |

କୃଷକମାନେ ପ୍ରାୟ ସମସ୍ତ ପ୍ରକାରର ଲେମ୍ବୁ ଚାଷ କରନ୍ତି | ଏଥି ମଧ୍ୟରୁ ସବୁଠାରୁ ପ୍ରସିଦ୍ଧ ହେଉଛି କାଗଜ ଲେମ୍ବୁ, ଯାହା ବଜାରରେ ଅଧିକ ଚାହିଦା ରହିଛି | ଏହି ଲେମ୍ବୁ ବଦଳରେ ଏବେ କୃଷକମାନେ ହଜାରୀ ଲେମ୍ବୁ ଚାଷ କରିପାରିବେ, ଯାହା ଅନ୍ୟମାନଙ୍କ ତୁଳନାରେ ଅଧିକ ମହଙ୍ଗା ବିକ୍ରି ହୁଏ ଏବଂ କୃଷକମାନେ ଏହାକୁ ଚାଷ କରି ପ୍ରତିବର୍ଷ ଲକ୍ଷ ଲକ୍ଷ ଟଙ୍କା ଲାଭ ମଧ୍ୟ କରିପାରିବେ |

ପ୍ରାକୃତିକ ଚାଷରେ ବୈଜ୍ଞାନିକ ଅନୁସନ୍ଧାନ ବୃଦ୍ଧି କରିବେ ସରକାର

ବିକାଶ ପଥରେ ଆଖୁ ଚାଷୀ