ବୃଦ୍ଧି ପାଉଛି ଅଙ୍ଗୁର ଚାଷ, ଜାଣନ୍ତୁ ଚାଷର ସହଜ ଟିପ୍ସ...

make profit in grapes farming

ଦେଶରେ ଅଙ୍ଗୁର ଚାଷ ବୃଦ୍ଧି ପାଉଛି l ଚାଷୀମାନେ ଏହାକୁ ଚାଷ କରି ଭଲ ଆୟ ମଧ୍ୟ କରିପାରିବେ। ଅଧିକ ଅଙ୍ଗୁର ଉତ୍ପାଦନରେ ମହାରାଷ୍ଟ୍ର ହେଉଛି ଅଗ୍ରଣୀ ରାଜ୍ୟ। ୨୦୨୪ ମସିହାରେ APEDA ର ତଥ୍ୟ ଅନୁଯାୟୀ, ଅଙ୍ଗୁର ଚାଷର କ୍ଷେତ୍ରଫଳ ପ୍ରାୟ ୧.୭୫ ଲକ୍ଷ ହେକ୍ଟର ରହିଥିଲା। ପ୍ରମୁଖ ଉତ୍ପାଦନକାରୀ ରାଜ୍ୟଗୁଡ଼ିକ ହେଉଛି ମହାରାଷ୍ଟ୍ର, କର୍ଣ୍ଣାଟକ, ତାମିଲନାଡୁ ଏବଂ ମିଜୋରାମ। ୨୦୨୩-୨୪ ମସିହାରେ ମହାରାଷ୍ଟ୍ର ମୋଟ ଉତ୍ପାଦନର ୬୭% ରୁ ଅଧିକ ଉତ୍ପାଦନ କରିଥିଲା ଏବଂ ଦେଶରେ ସର୍ବାଧିକ ଉତ୍ପାଦକତା ଏହି ରାଜ୍ୟରେ ରହିଛି । ଏହା ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ରପ୍ରଦେଶ ଏବଂ ତାମିଲନାଡୁ ଭଳି ଅଞ୍ଚଳରେ ଅଧିକ ମିଳେ l କିନ୍ତୁ ଏହା ବ୍ୟତୀତ, ପଞ୍ଜାବ, ହରିୟାଣା, ପଶ୍ଚିମ ଉତ୍ତର ପ୍ରଦେଶ ଏବଂ ଦିଲ୍ଲୀ-ରାଜସ୍ଥାନର କିଛି ଅଞ୍ଚଳରେ ମଧ୍ୟ ଅଙ୍ଗୁର ଚାଷ କରାଯାଏ ।

ବର୍ତ୍ତମାନ ଓଡ଼ିଶାରେ ମଧ୍ୟ କିଛି ଚାଷୀ ଅଙ୍ଗୁର ଚାଷ କରୁଛନ୍ତି l ନୂତନ ଜ୍ଞାନ କୌଶଳ ଆଧାରରେ ଅଙ୍ଗୁର ଚାଷ କରି ଲାଭ କମାଉଛନ୍ତି l ମହିଳା ମାନେ ଘରେ ଅଳ୍ପ ସ୍ଥାନରେ ମଧ୍ୟ ଅଙ୍ଗୁର ଚାଷ କରୁଛନ୍ତି l ଫଳ ଚାଷ କରିବାକୁ ବେସରକାରୀ କମ୍ପାନୀ ଭଲ ବିହନ କିମ୍ବା ଚାରା ଯୋଗାଉଛନ୍ତି ଚାଷୀଙ୍କୁ l ଅନ୍ୟପଟେ କୃଷି ବିଜ୍ଞାନ କେନ୍ଦ୍ର ସହାୟତାରେ ଚାଷୀ ଚାଷ ପ୍ରଣାଳୀ ଜାଣି ପାରୁଛନ୍ତି l

ଅଙ୍ଗୁର ଚାଷ ପାଇଁ ଗୁରୁତ୍ୱପୂର୍ଣ୍ଣ ବିଷୟ

ଅଙ୍ଗୁରର ଚେର ଅଧିକ ଶକ୍ତ ହୋଇଥାଏ l ତେଣୁ ଏହା ବିଭିନ୍ନ ପ୍ରକାରର ମାଟିରେ ବଢ଼ିପାରେ, କିନ୍ତୁ ବାଲିଆ ଦୋରସା ମାଟି ସବୁଠାରୁ ଉପଯୁକ୍ତ ଅଙ୍ଗୁର ଚାଷ ପାଇଁ । ଶୁଷ୍କ ଜଳବାୟୁକୁ ଉତ୍ତମ ବୋଲି ବିବେଚନା କରାଯାଏ । ଥମ୍ପସନ୍ ସିଡଲେସ୍ ହେଉଛି ସବୁଠାରୁ ଲୋକପ୍ରିୟ କିସମ l ଯାହା ପ୍ରାୟ ୭୮.୯୬% ଅଞ୍ଚଳରେ ଚାଷ କରାଯାଏ। ଅନ୍ୟାନ୍ୟ ପ୍ରମୁଖ କିସମଗୁଡ଼ିକ ହେଉଛି 2A-କ୍ଲୋନ୍, ତାସ-ଏ-ଗଣେଶ ଏବଂ ଶରଦ ବିହନହୀନ ଅଙ୍ଗୁର । ଏହାର ଚାଷ ପାଇଁ,  ୪ ରୁ ୬ ଗଣ୍ଠି ସହିତ ୨୩ ରୁ ୪୫ ସେମି ଲମ୍ବା କଟିଙ୍ଗ ବ୍ୟବହାର କରି ଚାଷ କରାଯାଏ ।

କଟା ଗଛଗୁଡ଼ିକୁ ବେଡରେ ଲଗାଯାଏ ଏବଂ ଗୋଟିଏ ବର୍ଷ ପରେ ଏହାକୁ ଚାଷ ପାଇଁ ଚାଷଜମିରେ ପ୍ରତିରୋପଣ କରାଯାଏ। କ୍ଷେତ ପ୍ରସ୍ତୁତ କରିବା ପରେ,କିଛି ସ୍ଥାନ ଛାଡ଼ି ଛାଡ଼ି ଗାତ ଖୋଳାଯାଏ। ଜାନୁଆରୀ-ଫେବୃଆରୀ ମାସରେ ଚାରାରୋପଣ କରାଯାଏ। ଗଛ ଲଗାଇବା ସମୟରେ, ବିଭିନ୍ନ ପଦ୍ଧତି ଉପରେ ନିର୍ଭର କରି ଦୂରତା ଅଧିକ ରଖିବା ଉଚିତ । ଲତା ଲଗାଇବା ପରେ ତୁରନ୍ତ ପାଣି ଦେବା ଆବଶ୍ୟକ ।

କେଉଁ ସମୟରେ ଚାଷରେ ମଡାଇବେ ପାଣି

ଅଙ୍ଗୁରରେ ପାଣ୍ଡାଲ୍ ପଦ୍ଧତିରେ ସବୁଠାରୁ ଲୋକପ୍ରିୟ ଏବଂ ଭଲ ଉତ୍ପାଦନ ଦେଇଥାଏ l ଯେଉଁଥିରେ ଲତାଗୁଡ଼ିକୁ ତାରର ଜାଲିରେ ବିଛାଯାଇଥାଏ ଏବଂ ଫଳ ନଷ୍ଟ ହେବାର ସମ୍ଭାବନା ଅଳ୍ପ । ନିୟମିତ କଟାଗଲେ ଭଲ ଫସଲ ମିଳେ l ନଭେମ୍ବର-ଡିସେମ୍ବର ମାସରେ ଏହାର ଚାଷ ପାଇଁ ଜଳସେଚନର ଆବଶ୍ୟକତା ନାହିଁ। ଫୁଲ ଫୁଟିବାଠାରୁ ଫଳ ପାଚିବା ପର୍ଯ୍ୟନ୍ତ ନିୟମିତ ଜଳସେଚନ ଆବଶ୍ୟକ । ୫ ବର୍ଷ ବୟସର ଲତା ପାଇଁ ନାଇଟ୍ରୋଜେନ୍, ପଟାସ, ପୋଟାସିୟମ୍ ସଲଫେଟ୍ ଏବଂ ଗୋବର ଖତ ଆବଶ୍ୟକ ।

ଗଛର କାଟଛାଣ୍ଟ ପରେ ତୁରନ୍ତ, ଜାନୁଆରୀ ଶେଷ ସପ୍ତାହରେ, ନାଇଟ୍ରୋଜେନ୍ ଏବଂ ପଟାସର ଅଧା ପରିମାଣ ଏବଂ ସମ୍ପୂର୍ଣ୍ଣ ଫସଫରସ୍ ପ୍ରୟୋଗ କରନ୍ତୁ। ଫଳ ଦେଖାଯିବା ପରେ ବଳକା ସାର ପ୍ରୟୋଗ କରନ୍ତୁ। ମୁଖ୍ୟ କାଣ୍ଡଠାରୁ ୧୫-୨୦ ସେମି ଗଭୀରତାରେ ସାର ପକାଇବା ଭଲ । କାରଣ ଏହିପରି କରିବା ଫଳରେ ଗଛ ଭଲ ଭାବେ ସାର ପାଇଥାଏ l

ଅମଳ ସମୟ

ଭଲ ଯତ୍ନ ସହିତ, ଅଙ୍ଗୁର ଲଗାଇବାର ୩ ବର୍ଷ ପରେ ଫଳ ଦେବା ଆରମ୍ଭ କରେ l ୨୫ ରୁ ୩୦ ବର୍ଷ ପର୍ଯ୍ୟନ୍ତ ଫଳ ଦେଇଥାଏ। ଉତ୍ତର ଭାରତରେ ଚାଷ ହେଉଥିବା କିସମଗୁଡ଼ିକ ପ୍ରାରମ୍ଭରେ କମ୍ ଅମଳ ଦିଅନ୍ତି, ଯାହା ପରେ ଧୀରେ ଧୀରେ ବୃଦ୍ଧି ପାଏ। ଏହିପରି ଭାବରେ, ୧୪ ରୁ ୧୫ ବର୍ଷ ପୁରୁଣା ବଗିଚାରୁ ୩୦ ରୁ ୩୫ ଟନ୍ ଫଳ ମିଳିଥାଏ ଏବଂ ପୁସା ସିଡଲେସ୍ ରୁ ହେକ୍ଟର ପିଛା ୧୫ ରୁ ୨୦ ଟନ୍ ଫଳ ମିଳିଥାଏ । ଭଲ ଉନ୍ନତ ଅଙ୍ଗୁର ବିହନ ପାଇବାକୁ ନିକଟରେ ଥିବା କୃଷି ବିଜ୍ଞାନ କେନ୍ଦ୍ର ସହ ଯୋଗାଯୋଗ କରନ୍ତୁ l

Read more 

କମୁନାହିଁ କି ଓଜନ ? କରନ୍ତୁ ଏହି କାମ.....

Business Tips: ନୂତନ ବ୍ୟବସାୟ ଚିନ୍ତାଧାରା ....