ପ୍ଲାଷ୍ଟିକ ରୁ ତିଆରି ହେବ ତୈଳ

ବି.ଏମ.ସି ଦ୍ୱାରା ଏକ ନୂତନ ପ୍ରକଳ୍ପ ଭାବେ ପ୍ଲାଷ୍ଟିକ ରୁ ତୈଳ ଉତ୍ପାଦନ କରିବାର ଏକ କାରଖାନା ଖୁବ ଶୀଘ୍ର ଆରମ୍ଭ ହେବାକୁ ଯାଉଛି |ଏହା ଦ୍ୱାରା ଯେଉଁ ବର୍ଜ୍ୟ ବସ୍ତୁ ସମ୍ପୂର୍ଣ ଭାବେ ମାଟି ରେ ମିଶି ପାରିବନି ସେହି ପରି ଅଣ -ବାୟୋ ଡିଗ୍ରେଡେ଼ଵଲ ବର୍ଜ୍ୟ କୁ ପରିବର୍ତିତ କରି ଏଥିରୁ ତୈଳ ର ଉତ୍ପାଦନ କରାଯିବ |
ରାଜଧାନୀ ରେ ୧୫୦୦୦ ରୁ ଅଧିକ ଟନ ର ପ୍ଲାଷ୍ଟିକ ବର୍ଜ୍ୟ ଉତ୍ପାଦନ ହେଉଥିଲାବେଳେ ଏହି କାରଖାନା ଦ୍ୱାରା ସହର ର ସମସ୍ତ ବର୍ଜ୍ୟ ନିଷ୍କାସନ ରେ ବେଶ ସହାୟକ ହୋଇଥାଏ |

ବି ଏମ ସି ର ଡେପୁଟି କମିଶନର ଶୁଭେନ୍ଦୁ ସାହୁ ଙ୍କ ଅନୁଯାୟୀ ଏହା ରାଜ୍ୟ ର ପ୍ରଥମ ଅନୁପମ ପ୍ରକଳ୍ପ ହେବ|ଏହି କାରଖାନା ଲାଗି ୫୦ ଲକ୍ଷ ଖର୍ଚ କରିବାର ଯୋଜନା ରହିଛି |ସହର ରେ ବାୟୋ ଡିଗ୍ରେଡେ଼ଵଲ ବର୍ଜ୍ୟ ର ନିଷ୍କାସନ ଲାଗି ବ୍ୟବସ୍ତା ରହିଥିଲା ବେଳେ ଅଣ-ବାୟୋ ଡିଗ୍ରେଡେ଼ଵଲ ବର୍ଜ୍ୟ ଲାଗି କୌଣସି ଉପାୟ କରାଯାଇ ନଥିଲା |ଏଣୁ ରାଜଧାନୀ କୁପ୍ଲାଷ୍ଟିକ ଏବଂ ପଲିଥିନ ଠାରୁ ଦୂରରେ ରଖିବାର ଏହା ସବୁଠାରୁ ଉତ୍ତମ ପ୍ରକ୍ରିୟା |

ଏହା ଲାଗି ସମଗ୍ର ରାଜଧାନୀ ରେ ୧୦ ଟି ମେଟେରିଆଲ ରୀକବରୀ ସେଣ୍ଟର କରାଯିବ ଯାହା ଠାରୁ ପ୍ଲାଷ୍ଟିକ ସଂଗ୍ରହ କରି କାରଖାନା କୁ ଦିଆଯିବ |ଏହି ପ୍ଲାଷ୍ଟିକ କୁ ବେଶ ଅଧିକ ତାପମାତ୍ରା ର ପ୍ରୟୋଗ କରି ଏଥିରୁ ତୈଳ ଏବଂ ଅନ୍ୟ ସାମଗ୍ରୀ ଉତ୍ପାଦିତ କରାଯିବ |
ଏହି ତୈଳ ଅନ୍ୟ କାରଖାନା ଏବଂ ଫର୍ନେସ ରେ ଉର୍ଜା ଯୋଗାଇବା ଲାଗି ବ୍ୟବହାର କରାଯାଇ ପାରିବ|ଏହା ବ୍ୟତୀତ ଏହି ପରି ଏକ ଅଭିନବ କାରଖାନା ନିଯୁକ୍ତି ର ନୂଆ ଆଶା ମଧ୍ୟ ଦେଖାଇବା |