କିପରି କରିବେ ସଫଳ କାଙ୍ଗୁ ଚାଷ ?

Profitable Foxtail Millet farming

କାଙ୍ଗ୍/କାଙ୍ଗାର୍ମ (Foxtail Millet/Italian Milled/German Milet) ଏକ ଛୋଟଦାନା ପୌଷ୍ଟିକ ଶସ୍ୟ ଅଟେ । ଏହାର ବୈଜ୍ଞାନିକ ନାମ ହେଲା-Setaria italica ଏହା ଏକ ପୁରାତନ ଫସଲ ଅଟେ । ଏହା ଦାନା ଓ ନଡ଼ା ପାଇଁ ରାଜ୍ୟର ବିଭିନ୍ନ ଅଞ୍ଚଳରେ ଚାଷ ହେଉଥିଲା । ଏହାର ଦାନାକୁ ଛଡ଼ାଇ ଜାଉ କରି ରାନ୍ଧି ସେବନ କରାଯାଏ । ପିତ୍ତ ଓ କଫ ରୋଗରେ ଉତ୍ତମ ପଥ୍ୟ ଅଟେ । ୧୦୦ ଗ୍ରାମ ଶସ୍ୟରେ ପୁଷ୍ଟିସାର  ୧୨.୩  ଗ୍ରାମ , ଶ୍ଵେତସାର ୬୦.୯ ଗ୍ରାମ, ସ୍ନେହସାର ୪.୩ ଗ୍ରାମ,ଖାଦ୍ୟ ଜାତୀୟ ତନ୍ତୁ ୧୪,୦ ଗ୍ରାମ ,ଖଣିଜ ଲବଣ ୩.୩ ଗ୍ରାମ ,କ୍ୟାଲସିୟମ ୩୧ ମି.ଗ୍ରା. ଓ ଫସଫରସ ୨୯୦ ମି.ଗ୍ରା.  ଖାଦ୍ୟଗୁଣ ରହିଥାଏ ।

ଜଳବାୟୁ :- ଏହା ଉଷ୍ମମଣ୍ଡଳୀୟ ଦରକାର କରିଥାଏ । ଏହାର ଚେର ଅଗଭୀର ହୋଇଥାଏ । କମ୍ ଅବଧି  ପାଇଁ ମରୁଡ଼ି ସହ୍ୟ କରିପାରେ । ଏହା ସମୁଦ୍ର ପତ୍ତନ ଠାରୁ ୨୦୦୦ ମିଟର ଉଚ୍ଚତା ପର୍ଯ୍ୟନ୍ତ ଚାଷ କରାଯାଇପାରେ ।

ବିହନ କିସମ :-

କିସମ	ଅମଳ ଅବଧି  (ଦିନ)
TNU - 196	୯୦-୧୦୦
SIA - 2876	୭୦-୭୫
SIA - 3088	୭୦-୭୫
SIA - 3085	୭୦-୭୫
SIA - 3156	୭୦-୭୫
ନରସିଂହାୟ	୭୦-୭୫
କୃଷ୍ଣ ଦେବରାୟ	୭୦-୭୫
ଶ୍ରୀଲକ୍ଷ୍ମୀ	୭୦-୭୫
K - 2	୭୦-୭୫
PS - 4	୭୦-୭୫

ଲଗାଇବା ସମୟ :- ବର୍ଷାଋତୁ - ଜୁନ – ଜୁଲାଇ

                            ରବିଋତୁ – ଫେବୃଆରୀ-ମାର୍ଚ୍ଚ

ବିହନ ପରିମାଣ :-  ୬ କି.ଗ୍ରା. / ଏକର (ଛଟାବୁଣା)

                            ୪କି.ଗ୍ରା. | ଏକର (ଧାଡ଼ିବୁଣା)

ଲଗାଇବା ଦୂରତା :-  

ଧାଡ଼ିକୁ ଧାଡ଼ି	ଗଛକୁ ଗଛ	ବର୍ଗମିଟର ପ୍ରତିଗଛ ସଂଖ୍ୟା
୨୫-୩୦	୮-୧୦	୩୩ ରୁ ୫୦ ଟି

 

ଜମିପ୍ରସ୍ତୁତି :- ଏହାର ବିହନ ଛୋଟ ଥିବାରୁ ମାଟିଗୁଣ୍ଡ ଚାଷ ଆବଶ୍ୟକ କରିଥାଏ । ଶେଷ ଓଡ଼ ଚାଷ ପୂର୍ବରୁ ଏକର ପ୍ରତି ୨ଟନ ସଢ଼ାଗୋବରଖତ/କମ୍ପୋଷ୍ଟ ଖତ ପ୍ରୟୋଗ କରନ୍ତୁ | ସାର :- ୧୨-୬-୬ କି.ଗ୍ରା. |ଏକର ଯଥାକ୍ରମେ ଯବକ୍ଷାରଜାନ, ଫସଫରସ ଓ ପଟାସ ଆବଶ୍ୟକ | ସମସ୍ତ ସାର ମୂଳସାର ଭାବେ ପ୍ରୟୋଗ କରନ୍ତୁ ।

ଅନ୍ତଃ ଚାଷ :- ଧାଡ଼ିବୁଣା ଫସଲରେ ଥରେ ଏବଂ ଛଟାବୁଣା ଫସଲରେ ୨ଥର ହାତରେ ଘIସ ବାଛିଦିଅନ୍ତୁ ।

ମିଶ୍ରିତ ଫସଲ:- କାଙ୍ଗୁ+ଚିନାବାଦାମ ୨:୧ କିମ୍ବା ,କାଙ୍ଗୁ + ହରଡ଼ ୨:୧ ଅନୁପାତରେ ଲଗାଇପାରେ । ଫସଲପର୍ଯ୍ୟୟ:- ସହଳ ଲଗାଇଲେ କାଙ୍ଗୁପରେ ସେହି ଜମିରେ ମୁଗ କିମ୍ବା ସୋରିଷ ବୁଣାଯାଇପାରେ ।

ସମନ୍ବିତ ପୋକ ରୋଗ ପରିଚାଳନା :- ପୋକ:- ପତ୍ରଖୁଆ ଭୃଙ୍ଗ ଓ କେଣ୍ଡା କଟା ପୋକର ନିୟନ୍ତ୍ରଣ ପାଇଁ ଏକର ପ୍ରତି ୧୦କି.ଗ୍ରା. ମାଲାଥିୟନ ୫% ଗୁଣ୍ଡ ପ୍ରୟୋଗ କରନ୍ତୁ । ରୋଗ:- ମହିଷାରୋଗ ଓ କଳଙ୍କି ରୋଗ ନିରାକରଣ ପାଇଁ ପ୍ରତିଲିଟର ପାଣିରେ ୨ ଗ୍ରାମ କାର୍ବେଣ୍ଡାଜିମ ୧୨% + ମାନକୋଜେବ ୬୩% wp ମିଶାଇ ପତ୍ର ସିଞ୍ଚନ କରନ୍ତୁ ।

ଅମଳ:- ୪ କ୍ବିଣ୍ଟାଲ /ଏକର l

 

ବିପିନ କୁମାର ପ୍ରଧାନ

ଉପନିର୍ଦେଶକ ସମ୍ପ୍ରସାରଣ (ୟୁ.ଇ.ବି .ପି )

ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ

ଭୁବନେଶ୍ୱର - ୭୫୧୦୦୩