Mustard Farming: ଉନ୍ନତ କିସମ ସୋରିଷ ଚାଷ

Rukmini is profitable mustard farming, image source - pexels

ସୋରିଷ ଭାରତର ପ୍ରମୁଖ ତୈଳବୀଜ ଫସଲ ମଧ୍ୟରେ ଅନ୍ୟତମ। ରାଜସ୍ଥାନର, ଭରତପୁର, ସୱାଇ ମାଧୋପୁର, ଅଲୱାର, କରୌଲି, କୋଟା ଏବଂ ଜୟପୁର ଭଳି ଜିଲ୍ଲାରେ ବ୍ୟାପକ ଭାବରେ ସୋରିଷ ଚାଷ କରାଯାଏ। ଏହି ଫସଲ କମ ଖର୍ଚ୍ଚରେ ଅଧିକ ଲାଭ ଦେଇଥାଏ। ପଶୁମାନଙ୍କ ପାଇଁ ସବୁଜ ଚାରା ଭାବରେ ମଧ୍ୟ ବ୍ୟବହାର କରାଯାଏ l ବିହନ, ତେଲ ଏବଂ ବଳକା ଚୋପାକୁ ପଶୁ ଖାଦ୍ୟ ଭାବରେ ବ୍ୟବହାର କରାଯାଏ। ଏଥିରେ ନାଇଟ୍ରୋଜେନ୍, ଫସଫରସ୍ ଏବଂ ପଟାସ ରହିଥାଏ ଯାହାକି ପଶୁଙ୍କ ପାଇଁ ଖୁବ ଭଲ । ଏହି ପୁଷ୍ଟିକର ତତ୍ତ୍ୱ ଯୋଗୁଁ, ଏହାକୁ ବିଭିନ୍ନ ଦେଶରେ ଜୈବିକ ସାର ଭାବରେ ମଧ୍ୟ ବ୍ୟବହାର କରାଯାଏ।

ଜଳବାୟୁ

ଶରତ ୠତୁ (ରବି ଋତୁ) ସୋରିଷ ଚାଷ ପାଇଁ ଉପଯୁକ୍ତ। ଫସଲ ପାଇଁ ୧୮-୨୫° ସେଲସିୟସ୍ ତାପମାତ୍ରା ଉପଯୁକ୍ତ। ଫୁଲ ଫୁଟିବା ସମୟରେ ଅଧିକ ଆର୍ଦ୍ରତା, ବର୍ଷା ଏବଂ ଅଧିକ ମେଘ ଫସଲ ପାଇଁ କ୍ଷତିକାରକ ହୋଇପାରେ। ଏହି ପରିସ୍ଥିତିରେ କୀଟପତଙ୍ଗର ଆକ୍ରମଣ ବୃଦ୍ଧି ପାଇପାରେ । ତେଣୁ ଅଧିକ ଧ୍ୟାନ ଦେବାକୁ ପଡିଥାଏ l ରୋଗପୋକ ଦେଖାଯିବା ମାତ୍ରେ ହିଁ ନିକଟସ୍ଥ କୃଷି ବିଭାଗ ସହିତ ଯୋଗାଯୋଗ କରିବା ପଡିବ l

DRMR 1165-40 (ରୁକମଣି)

ଏହା ଏକ ଉନ୍ନତ ସୋରିଷ କିସମ। ଏହାର ଗଛର ଉଚ୍ଚତା ୧୭୭-୧୯୬ ସେମି ହୋଇଥାଏ । ଏହାର ଉତ୍ପାଦନ କ୍ଷମତା ହେକ୍ଟର ପ୍ରତି ୨୨-୨୬ କ୍ୱିଣ୍ଟାଲ। ଏହା ବିହନରେ ତେଲ ପରିମାଣ ୪୦ ରୁ ୪୨.୫ ପ୍ରତିଶତ ପର୍ଯ୍ୟନ୍ତ ହୋଇଥାଏ । ଏହି ସୋରିଷ କିସମ ୧୩୫-୧୫୧ ଦିନରେ ଅମଳ ପ୍ରଦାନ କରେ । ଏହି ପ୍ରକାରର ସୋରିଷ ଜଳସେଚନ ଏବଂ ଅଣଜଳସେଚିତ ଉଭୟ ପରିସ୍ଥିତିରେ ଭଲ ଅମଳ ଦେଇଥାଏ।

ଡିଆରଏମରିକ୍ ୧୬-୩୮ ( ବୃଜରାଜ )

ଜଳସେଚିତ ଅଞ୍ଚଳରେ ବିଳମ୍ବରେ ବିହନ ବୁଣା ପାଇଁ ଉପଯୁକ୍ତ। ଏହାର ଗଛର ଉଚ୍ଚତା ୧୮୮ ରୁ ୧୯୭ ସେମି ଏବଂ ବିହନ ଓଜନ ୨.୯ ରୁ ୫.୦ ଗ୍ରାମ । ଏହି କିସମ ୧୨୦ ରୁ ୧୪୯ ଦିନ ମଧ୍ୟରେ ପରିପକ୍ୱ ହୁଏ। ଏଥିରେ ତେଲ ପରିମାଣ ୩୭.୬ ରୁ ୪୦.୯ ପ୍ରତିଶତ। ଏହାର ଉତ୍ପାଦନ କ୍ଷମତା ହେକ୍ଟର ପ୍ରତି ୧୬ ରୁ ୧୮ କ୍ୱିଣ୍ଟାଲ। ଏହା ପତ୍ର ପୋଡ଼ା, କାଣ୍ଡ ପଚା, ପାଉଡର ମିଲଡିଉ ଏବଂ ଏଫଡ୍ ପୋକର ଆକ୍ରମଣକୁ ମଧ୍ୟ ହ୍ରାସ କରେ । ରୋଗପୋକ ଅଧିକ ନ ହେଉଥିବାରୁ ଅମଳ ଭଲ ହୋଇଥାଏ l

DRMR 150-35 ( ଭାରତୀୟ ସୋରିଷ )

ଏହି ସୋରିଷର ଉତ୍ପାଦନ କ୍ଷମତା ହେକ୍ଟର ପ୍ରତି ୧୮ କ୍ୱିଣ୍ଟାଲ। ଏଥିରେ ତେଲ ପରିମାଣ ୩୯.୮ ପ୍ରତିଶତ ପର୍ଯ୍ୟନ୍ତ ରହିଥାଏ। ଗଛର ଉଚ୍ଚତା ୧୬୪-୧୮୬ ସେମି ଏବଂ ପରିପକ୍ୱତା ଅବଧି ୧୧୪ ଦିନ।

ବିହନ ବୁଣିବା ସମୟ

ସୋରିଷ ବିହନ ବୁଣିବା ପାଇଁ ୨୫-୨୬°ସେଲସିୟସ୍ ତାପମାତ୍ରା ଉପଯୁକ୍ତ। ବର୍ଷାଜଳ ଉପରେ ନିର୍ଭରଶୀଳ ଅଞ୍ଚଳରେ, ୧୫ ସେପ୍ଟେମ୍ବରରୁ ୧୫ ଅକ୍ଟୋବର ପର୍ଯ୍ୟନ୍ତ ସୋରିଷ ବିହନ ବୁଣାନ୍ତୁ ଏବଂ ଜଳସେଚିତ ଅଞ୍ଚଳରେ, ଅକ୍ଟୋବର ଶେଷ ପର୍ଯ୍ୟନ୍ତ ବୁଣାଯାଇପାରିବ। ୧୫ ଅକ୍ଟୋବର ପୂର୍ବରୁ ସୋରିଷ ବୁଣିଲେ ଏଫଡ୍ କିମ୍ବା ମିଲିବଗ୍ ଆକ୍ରମଣ ହ୍ରାସ ପାଏ। ଧାଡିରେ ବିହନ ବୁଣନ୍ତୁ। ଧାଡି ମଧ୍ୟରେ ଦୂରତା ୩୦ ସେମି ଏବଂ ଗଛ ମଧ୍ୟରେ ଦୂରତା ୧୦ ସେମି ରଖନ୍ତୁ । ଜଳସେଚିତ ଅଞ୍ଚଳରେ ବିହନର ଗଭୀରତା ୫ ସେମି ଏବଂ ଅଣଜଳସେଚିତ ଅଞ୍ଚଳରେ ଆର୍ଦ୍ରତା ଅନୁସାରେ ରଖନ୍ତୁ।

ଫସଲ ଅମଳ ସମୟ

ସୋରିଷ ଫସଲ ୧୨୦ ରୁ ୧୫୦ ଦିନରେ ପାଚିଯାଏ। ଗଛର ପତ୍ର ଏବଂ ଡାଳ ହଳଦିଆ ହେବା ମାତ୍ରେ, ତୁରନ୍ତ ଅମଳ କରନ୍ତୁ। ଯଦି ଠିକ୍ ସମୟରେ ଅମଳ କରାନଯାଏ, ତେବେ ଡାଳଗୁଡ଼ିକ ଫାଟିବା ଆରମ୍ଭ କରେ, ଯାହା ଅମଳ ୫-୧୦ % ହ୍ରାସ କରିପାରେ। ଫସଲ ଅମଳ ସମୟରେ, ନିଶ୍ଚିତ କରନ୍ତୁ ଯେ ଫସଲରେ ବିନାଶକାରୀ ଘାସର ବିହନ କିମ୍ବା ଫଳ ନ ମିଳେ।

ଉତ୍ପାଦନ

ଉନ୍ନତ ପ୍ରଯୁକ୍ତିବିଦ୍ୟା ଗ୍ରହଣ କରି, ଅଣଜଳସେଚିତ ଅଞ୍ଚଳରେ ପ୍ରତି ହେକ୍ଟରରେ ୧୫  ରୁ ୨୦ କ୍ୱିଣ୍ଟାଲ ଏବଂ ଜଳସେଚିତ ଅଞ୍ଚଳରେ ୨୦ ରୁ ୩୦ କ୍ୱିଣ୍ଟାଲ ଅମଳ ମିଳିଥାଏ। ସୋରିଷ ଫସଲର ଅମଳ ବୃଦ୍ଧି ପାଇଁ, ଉନ୍ନତ କୌଶଳ ଅନୁସରଣ କରିବା, ସମୟାନୁସାରେ ଜଳସେଚନ, ଘାସ ନିୟନ୍ତ୍ରଣ ଏବଂ ଅମଳ ଉପରେ ବିଶେଷ ଧ୍ୟାନ ଦେବା ଆବଶ୍ୟକ । ଆଲୋଚ୍ୟ ବିହନ ପାଇବାକୁ ନିକଟରେ ଥିବା କୃଷି ବିଭାଗ କିମ୍ବା କୃଷି ବିଜ୍ଞାନ କେନ୍ଦ୍ର ପରିଦର୍ଶନ କରନ୍ତୁ l

Read more

ରାଜ୍ୟସ୍ତରୀୟ ଖଦି ଓ ପିଏମଇଜିପିର ମିଳିତ ପ୍ରଦର୍ଶନୀ

ଗ୍ରୀନ୍‌ ମଟର ଖାଉଛନ୍ତି କି ? ହୋଇଯାଆନ୍ତୁ ସାବଧାନ....