ବର୍ଷା ଦିନରେ ପାକଶାଳା ବଗିଚାରେ ବିଭିନ୍ନ ପନିପରିବା ଚାଷ !!

ଘରର ପାକଶାଳା ବଗିଚାରେ ଫଳ ଓ ପନିପରିବା ଲଗାଇବା ଲାଭ | ଗଛ ବଢ଼ିବା ସହିତ ସତେଜ ଓ ପୃଷ୍ଟିକର ପନିପରିବା ମଧ୍ୟ ଖାଇ ପାରିବେ | ବର୍ଷା ଋତୁ ଆସିଲେ ବୃକ୍ଷରୋପଣ କାର୍ଯ୍ୟ କରାଯାଇଥାଏ | ଗଛର ବୃଦ୍ଧି ହେବା ପାଇଁ  ତାପମାତ୍ରା ସ୍ତର, ଆର୍ଦ୍ରତା, ଆଲୋକ, ମାଟିର ଏହା ସହ ଏକ ନିର୍ଦ୍ଦିଷ୍ଟ ପରିବେଶ ଆବଶ୍ୟକ। ଏହି ସବୁ କାରଣଗୁଡିକ ଉଦ୍ଭିଦ ବୃଦ୍ଧିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ |  ବର୍ଷା ଦିନ ପାଇଁ ଉପଯୁକ୍ତ ପନିପରିବାରେ ମଞ୍ଜି ବୁଣିବା ଦରକାର ଏବଂ ଏହାର ବୃଦ୍ଧି ଅନ୍ୟ ଋତୁ ଅପେକ୍ଷା ଅପେକ୍ଷାକୃତ ଦ୍ରୁତ ଅଟେ |  ଖରିଫ ପନିପରିବା ବୁଣିବା ପାଇଁ ଏହି ମାସ ଉପଯୁକ୍ତ ସମୟ | ନିଜ ପାକଶାଳା ବଗିଚାରେ କଦଳୀ, କଖାରୁ, ପୋଟଳ, କାକୁଡି, ଟମାଟୋ, ଲଙ୍କା, ଫୁଲକୋବି, ପିଆଜ ଆଦି ଗଛ ଲଗାଇ ପାରିବେ।  ଯଦି ଆପଣ ଏକ ପାକଶାଳା ବଗିଚା ଆରମ୍ଭ କରିବାକୁ ଚାହାଁନ୍ତି, ତେବେ ବର୍ଷା ଦିନରେ ଲଗାନ୍ତୁ |

ବର୍ଷା ଦିନରେ ଲତାଜାତୀୟ ପରିବା ଗଛ ଲଗାନ୍ତୁ |ଏହାର ଲତା  କାଠ ଓ ଦଉଡି ସାହାଯ୍ୟରେ ଉଠାଯାଏ | ଯାହା ଫଳରେ ଗଛ ଭଲ ବଢିଥାଏ | ତେଣୁ ଏହି ଋତୁରେ ଏହାକୁ ସହଜରେ ରୋପଣ କରାଯାଇପାରିବ | ଏହି ଋତୁର ପ୍ରମୁଖ ପରିବା ହେଉଛି - ବିନ୍ସ, କଖାରୁ, କଲରା, ଲାଉ, ପୋଟଳ ଇତ୍ୟାଦି | ଲାଉ ଚାଷ ସହଜ ଏବଂ ଅଧିକ ପରିଶ୍ରମର ଆବଶ୍ୟକତା ନାହିଁ | ଭଲ ମଞ୍ଜି ଲଗାନ୍ତୁ | ୪-୫ ଫୁଟ ଦୂରରେ ୧-୨ ଇଞ୍ଚ ଗଭୀରତାରେ ୩-୪ ମଞ୍ଜି ବୁଣନ୍ତୁ |  ଫଳକୁ ଭୂମି ସ୍ପର୍ଶ ନକରିବା ପାଇଁ ଏକ ଜାଲ ଦିଅନ୍ତୁ।  ଜାଲରେ ଏହା ଭଲ ବଢି ଥାଏ|

କାକୁଡ଼ି

ଏହା ବର୍ଷା ଦିନରେ ବଢିବା ପାଇଁ ସହଜ ହୋଇଥାଏ । ଜଳ ଏବଂ ସୂର୍ଯ୍ୟକିରଣର ଆବଶ୍ୟକ କରେ | କାକୁଡ଼ି ଶୀଘ୍ର ବଢିଥାଏ କାରଣ ଏହା ନିରନ୍ତର ଜଳ ଏବଂ ଉତ୍ତାପ ପାଏ | ବର୍ଷାରେ କାକୁଡ଼ି ଲଗାଇବା ପାଇଁ ଏକ ସ୍ଥାନ ବାଛନ୍ତୁ ଯେଉଁଠାରେ ପର୍ଯ୍ୟାପ୍ତ ସୂର୍ଯ୍ୟ କିରଣ ପଡୁଥିବ | ଆର୍ଦ୍ର ଏବଂ ଭଲ ନିଷ୍କାସିତ ମାଟି ଥିବ | କାକୁଡ଼ି ମଞ୍ଜି ଲଗାତାର ୧ ଇଞ୍ଚ ଗଭୀର ଏବଂ ୨-୩ ଇଞ୍ଚ ବ୍ୟବଧାନରେ ଲଗାନ୍ତୁ | ଯଦି ଆପଣଙ୍କର ସୀମିତ ସ୍ଥାନ ଅଛି କିମ୍ବା କାକୁଡ଼ି ଲତା ବଢାଇବାକୁ ଚାହୁଁଛନ୍ତି ତେବେ ଏକ ଜାଲ ଦିଅନ୍ତୁ। କାକୁଡ଼ି ବଢିବା ପାଇଁ ତାପମାତ୍ରା ହେଉଛି ୧୬-୩୨ ଡିଗ୍ରୀ ସେଲସିୟସ୍ | ସେହିଭଳି, ଭଲ କ୍ୱାଲିଟିର ମଞ୍ଜି ଚୟନ କରି ଅନ୍ୟ ପନିପରିବା ମଧ୍ୟ ଲଗାଇ ପାରିବ |

ଟମାଟୋ

ଏହା ଉଭୟ ଗ୍ରୀଷ୍ମ ଏବଂ ଶୀତ ଦିନରେ ମଧ୍ୟ ଲଗାଯାଏ | ଟମାଟୋ ଗଛ ପାଇଁ ସୂର୍ଯ୍ୟକିରଣ ଅତ୍ୟନ୍ତ ଜରୁରୀ, କିନ୍ତୁ ଭଲ ଅଭିବୃଦ୍ଧି ପାଇଁ ସେଗୁଡିକ ଭଲ ମାଟି ମଧ୍ୟ ଆବଶ୍ୟକ | ଶୀତ ଦିନ ଟମାଟୋ ହେବାକୁ, ଜୁଲାଇ-ଅଗଷ୍ଟରେ ବିହନ ଲଗାଇବାକୁ ପଡ଼େ।  ଟମାଟୋ ମଞ୍ଜି ୨-୩ ଇଞ୍ଚ ପୃଥକ କରି ଲଗାନ୍ତୁ |  ଏପରି ସ୍ଥାନରେ ଲଗାନ୍ତୁ ଯେଉଁଠାରେ ଏହା ପ୍ରତିଦିନ ପ୍ରାୟ ୫-୬ ଘଣ୍ଟା ସୂର୍ଯ୍ୟ କିରଣ ପାଇଥାଏ |  ଟମାଟୋ ମଞ୍ଜିଗୁଡିକର ଗଜା ପାଇଁ ଆବଶ୍ୟକ ତାପମାତ୍ରା ୨୧ ରୁ ୨୭ ° ସେଲସିଏସ | ବିହନ ବୁଣିବାର ପ୍ରାୟ ୩୦-୪୦ ଦିନ ମଧ୍ୟରେ ଟମାଟୋ ଗଛରେ ଫଳ ଆସିବା ଆରମ୍ଭ କରିବ |  ସ୍ୱଦେଶୀ କିସମର ଟମାଟୋର ବିହନ ସହଜରେ ରୋପଣ କରାଯାଏ ଏବଂ ସ୍ୱାଦ ମଧ୍ୟ ଭଲ |  ହାଇବ୍ରିଡ୍ ମଞ୍ଜିଗୁଡ଼ିକ ମହଙ୍ଗା ହୋଇଥାଏ|  ଏଥିରେ ଫଳଗୁଡ଼ିକ ଶୀଘ୍ର ଆସେ କିନ୍ତୁ ସେଗୁଡ଼ିକର ସ୍ୱାଦ ଭଲ ନୁହେଁ |

ଲଙ୍କା

ଏହାକୁ ଲଗାଇବା ପାଇଁ ପ୍ରଥମେ ଗଛ ପ୍ରସ୍ତୁତ କରିବା ଆବଶ୍ୟକ | ସବୁଜ ଲଙ୍କାର ଭଲ କ୍ୱାଲିଟି ମଞ୍ଜି ନେଇ ୧-୨ ସେମି ଗଭୀର ଏବଂ ୪-୫ ସେମି ଦୂରତା ରଖି ଲଗାନ୍ତୁ | ଏପରି ଏକ ସ୍ଥାନ ବାଛନ୍ତୁ ଯେଉଁ ଠାରେ ସୂର୍ଯ୍ୟ କିରଣ ୫-୬ ଘଣ୍ଟା ରହୁଥିବ | ପାଣି ଦିଅନ୍ତୁ ଏବଂ ଏହାର ନିୟମିତ ଯତ୍ନ ନିଅନ୍ତୁ |  ୫୦-୬୦ ଦିନ ପରେ ଲଙ୍କା ଅମଳ ହୋଇଯିବ |

ବର୍ଷାଦିନିଆ ପନିପରିବା ଲଗାଇବା ଏବଂ ଯତ୍ନ ନେବା ବିଷୟରେ ଧ୍ୟାନ ରଖନ୍ତୁ l ବର୍ଷାରେ ରୋଗର ମାତ୍ରା ଅଧିକ, ତେଣୁ କୀଟନାଶକ ଏବଂ ରୋଗ ପ୍ରତିରୋଧକ କିସମ ଚୟନ କରାଯିବା ଉଚିତ୍। ପନିପରିବାର ଭଲ ମଞ୍ଜି ଆଣନ୍ତୁ ଯାହା ଶୀଘ୍ର ଫଳ ଦେଇଥାଏ | ପନିପରିବା ବଢିବା ପାଇଁ ମାଟି ଭଲ ହେବା ଦରକାର, ଯାହା ଫଳରେ ଅଧିକ ବର୍ଷା ହେଲେ ଜଳ ସହଜରେ ମାଟିରୁ ବାହାରି ପାରିବ l ବର୍ଷା ଜଳ ସେହି ସ୍ଥାନରେ ରହିବା ଉଚିତ୍ ନୁହେଁ, ଏଥି ପାଇଁ ନିଷ୍କାସନର ଏକ ଉପଯୁକ୍ତ ଉପାୟ ପ୍ରସ୍ତୁତ କରନ୍ତୁ | ପନିପରିବା ବୃଦ୍ଧି ପାଇଁ ଜାଲର ବ୍ୟବସ୍ଥା କରନ୍ତୁ | ଏହା ସହ ଗୋବର ଖତ କିମ୍ବା କମ୍ପୋଷ୍ଟ ମାସରେ ଦୁଇଥର ଦିଆଯିବା ଆବଶ୍ୟକ l