Profitable goat farming: ଅଧିକ କ୍ଷୀର ଓ ମାଂସ ଉତ୍ପାଦନ କିପରି କରିବେ ?

know what to feed goat to increase milk and gain weight, image source - pexels.com

ଚାଷରେ ଅଧିକ ଲାଭ ମିଳିପାରୁଛି ଚାଷୀଙ୍କୁ l ବିଭିନ୍ନ ପ୍ରକାର ସରକାରୀ ସହାୟତା ମଧ୍ୟ ମିଳୁଛି ଚାଷୀଙ୍କୁ l ଯାହାର ଫାଇଦା ଉଠାଉଛନ୍ତି ଚାଷୀ l ଚାଷ ବିଭିନ୍ନ ପ୍ରଣାଳୀରେ କରି ଅଧିକ ଲାଭ କମ ଖର୍ଚ୍ଚରେ ପାଉଛନ୍ତି l ସରକାର ମଧ୍ୟ ବିଭିନ୍ନ ଯୋଜନା ପ୍ରଦାନ କରୁଛନ୍ତି ଚାଷୀଙ୍କୁ l ପୁରୁଷ ଓ ମହିଳା ଚାଷୀଙ୍କ ପାଇଁ ବିଭିନ୍ନ ପ୍ରକାର ଯୋଜନା ପ୍ରଚଳିତ ରହିଛି ରାଜ୍ୟରେ l ପଶୁ ଠାରୁ ଆରମ୍ଭ କରି କୁକୁଡ଼ା ଚାଷ ପର୍ଯ୍ୟନ୍ତ ବିଭିନ୍ନ ସରକାରୀ ସହାୟତା ପ୍ରଦାନ କରାଯାଉଛି ଚାଷୀଙ୍କୁ l

ତେବେ ଚାଷୀ ଛେଳି ଚାଷ କରିବା ପାଇଁ ସରକାରୀ ସହାୟତା ନେଇ ପାରିବେ l ଯାହା କରିବା ପାଇଁ ସଠିକ ପ୍ରଣାଳୀ ମଧ୍ୟ ଜାଣିବା ଆବଶ୍ୟକ l କିପରି ଆପଣ ଛେଳି କ୍ଷୀର ଏବଂ ମାଂସ ପାଇଁ ତାହାର ଓଜନ ବଢାଇପାରିବେ ତାହା ଜାଣିବା ନିହାତି ଆବଶ୍ୟକ l

ଚାଷ ପରେ ଗ୍ରାମାଞ୍ଚଳରେ ବହୁ ପରିମାଣରେ ପଶୁପାଳନ କରାଯାଉଛି l କାରଣ ଏହା ଚାଷୀଙ୍କ ଆୟକୁ ଦ୍ଵିଗୁଣ କରୁଛି l କ୍ଷୁଦ୍ର ଏବଂ ସୀମାନ୍ତ କୃଷକମାନେ ପ୍ରାୟତଃ ପଶୁପାଳନ କରନ୍ତି l ଏହିପରି କୃଷକମାନେ ଛେଳି ପରି ଛୋଟ ପଶୁ ପାଳିବାକୁ ପସନ୍ଦ କରନ୍ତି । ଛେଳି ଏକ ଛୋଟ ଆକାରର ପଶୁ, ଯାହାକୁ ଅତି ସହଜରେ ପାଳିତ କରାଯାଇପାରିବ l କ୍ଷୀର ଏବଂ ମାଂସ ପାଇଁ ଏହା ମାର୍ଜିତ ଏବଂ ଭୂମିହୀନ କୃଷକମାନଙ୍କ ଦ୍ୱାରା ପାଳିତ ହୋଇପାରିବ l ଏହା ବ୍ୟତୀତ ଛେଳି ଚର୍ମ, କେଶ ମଧ୍ୟ ବ୍ୟବସାୟିକ ଗୁରୁତ୍ୱ ରହିଛି l ବିଶେଷକରି ଯଦି ଆମେ ଛେଳି କ୍ଷୀର ଏବଂ ମାଂସ ବିଷୟରେ କଥା ହେଉ, ବଜାରରେ ଏହାର ଚାହିଦା ସର୍ବଦା ଥାଏ l ବ୍ୟବସାୟ ଦୃଷ୍ଟିକୋଣରୁ ମଧ୍ୟ ଆପଣ ଛେଳିଚାଷ କରିପାରିବେ l

ଯେଉଁଥିପାଇଁ ଅଧିକାଂଶ କୃଷକ ଏହି କାରଣରୁ ଛେଳି ପାଳନ୍ତି l ଏଭଳି ପରିସ୍ଥିତିରେ ଛେଳିମାନଙ୍କର ଖାଦ୍ୟ ଏବଂ ପାନୀୟର ଯତ୍ନ ନେବା ଜରୁରୀ ଅଟେ । କେବଳ ସେତେବେଳେ ଛେଳିର ଉତ୍ପାଦନ ଏବଂ ଦୁଗ୍ଧ ଉତ୍ପାଦନ ବୃଦ୍ଧି କରାଯାଇପାରିବ l ଆସନ୍ତୁ ଜାଣିବା ଏପରି ପରିସ୍ଥିତିରେ କେଉଁ ଜିନିଷକୁ ଧ୍ୟାନରେ ରଖିବା ଉଚିତ୍ l ସଠିକ ଖାଦ୍ୟ ଦେବା ଫଳରେ ଛେଳି ର ଓଜନ ବଢିବା ସହିତ ମାଂସ ପାଇଁ ମଧ୍ୟ ଉପଯୋଗୀ ହୋଇଥାଏ l ଅଧିକ ଉତ୍ପାଦନ ପାଇଁ ସେମାନଙ୍କୁ ଭଲ ପିଡ଼ିଆ ଦେବା ଆବଶ୍ୟକ l ଡାଲି ଜାତୀୟ ଘାସ ଏବଂ ଶୁଖିଲା ଘାସ ମଧ୍ୟ ଖାଦ୍ୟ ରୂପେ ଖାଇବା ପାଇଁ ଦିଆଯାଇପାରିବ l ଦୁଗ୍ଧ ଦେଉଥିବା ସମୟରେ ଉତ୍ତମ ଖାଦ୍ୟ ଦେବ ଆବଶ୍ୟକ l କୌଣସି ରୋଗ ନ ହେବାକୁ ଦେବା ଆବଶ୍ୟକ l ସମୟ ସମୟରେ ସେମାନଙ୍କୁ ପଶୁ ଚିକିତ୍ସକଙ୍କ ନିକଟରେ ଦେଖାଇବା ଆବଶ୍ୟକ l ଉତ୍ତମ ଚରଣ ଭୂଇଁ ମିଳିଲେ ଖାଦ୍ୟ ସୁଷମ ଦାନା ଅଧିକ ଦେବା ଉଚିତ ନୁହେଁ l

ସବୁଜ ଖାଦ୍ୟ ଅଧିକ ଦେବା ଆବଶ୍ୟକ l ଚାରଣ ଭୂମି ଅଧିକ ନ ଥିବାରୁ ୩୦୦ ରୁ ୪୦୦ ଗ୍ରାମ ସୁଷମ ଖାଦ୍ୟ ଦେବା ଆବଶ୍ୟକ ଛେଳିଙ୍କୁ l ଯଦି ଛେଳି ଗର୍ଭାବସ୍ଥାରେ ଅଛି କିମ୍ବା କ୍ଷୀର ଦେବା ଅବସ୍ଥାରେ ଅଛି ତେବେ ଦାନାଜାତୀୟ ଖାଦ୍ୟ ଅଧିକା ଦେବା ଆବଶ୍ୟକ । ଘାସ, ତାଳପତ୍ର ଅଭାବ ସମୟରେ ମଧ୍ୟ ଦାନା ଦେବା ଆବଶ୍ୟକ ଛେଳିଙ୍କୁ । ଛେଳି ଛୁଆ ପ୍ରଥମ ୩ ମାସ ବୟସରେ ସମୁଦାୟ ପ୍ରାୟ ୮ ରୁ ୧୦ କିଲୋ ଦାନା ଖାଇଥାଏ । ଏପ୍ରିଲ ମାସରେ ଦୈନିକ ୩୦୦ ରୁ ୫୦୦ ଗ୍ରାମ୍ ଦାନା ପ୍ରତି ବୟସ୍କ ଛେଳିଙ୍କୁ ଦିଅନ୍ତୁ । ଅଧିକ ତଥ୍ୟ ଜାଣିବା ପାଇଁ ନିକଟସ୍ଥ ପଶୁ ବିଭାଗ ସହିତ ଯୋଗାଯୋଗ କରନ୍ତୁ l

PM-MKSSY : କ'ଣ ଏହି ଯୋଜନା ଏବଂ କେଉଁମାନେ ପାଇବେ ଲାଭ ?

Profitable fish farming: ଲାଭଦାୟକ ମାଛ ଚାଷ