ଖରାଦିନରେ କୁକୁଡ଼ାଙ୍କ ଉପଯୁକ୍ତ ଯତ୍ନ

summer care in poultry farm

କୁକୁଡ଼ାମାନେ ଅଧିକ ଗରମ ସହ୍ୟ କରି ପାରନ୍ତି ନାହିଁ l ଖରାଦିନରେ କୁକୁଡ଼ାଙ୍କ ଖାଦ୍ୟ ଖାଇବାର ଇଚ୍ଛା କମିଯାଏ , ଶରୀର ଓଜନ କମିଯାଏ , ଅଣ୍ଡା ଉତ୍ପାଦନ କମିଯାଏ , ଅଣ୍ଡାର ଆକାର ଛୋଟ ହୋଇଯାଏ ଏବଂ ରୋଗ ପ୍ରତିରୋଧକ ଶକ୍ତି କମିଯାଏ l କୁକୁଡ଼ା ନିଜ ଡେଣାକୁ ମେଲାଇ ପାଟି ମେଲା କରି ଧକେଇ ହୁଅନ୍ତି ଓ ପାଟି ଟେକି ନିଶ୍ୱାସ ନିଅନ୍ତି l ଖରାଦିନରେ କୁକୁଡ଼ାଙ୍କ ମୃତ୍ୟୁହାର ବଢିବାର ସମ୍ଭାବନା ଥାଏ l ତେଣୁ କୁକୁଡ଼ା ଚାଷୀମାନେ ବିଭିନ୍ନ ପ୍ରକାର ପଦକ୍ଷେପ ନେବା ଆବଶ୍ୟକ l

- କୁକୁଡ଼ା ଘର ତିଆରି କଲାବେଳେ ଘର ଭିତରକୁ ଯେପରି ଭଲ ଭାବରେ ବାୟୁ ଚଳାଚଳ ହୋଇପାରିବ ସେଥିପ୍ରତି ଦୃଷ୍ଟି ଦେବା ଉଚିତ 

- ପ୍ରତ୍ୟକ୍ଷ ସୂର୍ଯ୍ୟକିରଣ ଯେପରି ଘର ଭିତରକୁ ନ ପଡେ ସେଥିପ୍ରତି ଦୃଷ୍ଟି ଦେବା ଉଚିତ l ସେଥିପାଇଁ ଝୁଲାଛପର ର ଚଉଡ଼ା ୪ ଫୁଟ ପର୍ଯ୍ୟନ୍ତ ରଖନ୍ତୁ

- ଘର ର ଛାତ ଉପରକୁ ବହଳିଆ ଚୂନ ଦ୍ୱାରା ଧଉଳାଇବା ଉଚିତ

- ଘର ର ଆଜବେଷ୍ଟସ ଛପର କିମ୍ବା ଟିଣ ଉପରେ ନଡ଼ିଆ ବାହୁଙ୍ଗା , ନଡ଼ା ଓ ତାଳପତ୍ର ବିଛାଇ ରଖନ୍ତୁ

- ଘର ଛପର ଉପର ଭାଗରେ ପବନ ଚଳାଚଳ ର ବ୍ୟବସ୍ଥା ରଖନ୍ତୁ l ଏହାଦ୍ୱାରା ଉପରକୁ ଉଠୁଥିବା ଗରମ ପବନ ଏହି ବାଟ ଦେଇ ବାହାରିଯାଏ 

- ଛପର ପ୍ରତି ୧୦ ଫୁଟ ବ୍ୟବଧାନରେ ଗରମ ପବନ ବାହାରିବା ପାଇଁ ବାୟୁ ନିଷ୍କାସନ ପ୍ୟାକ ଲଗାନ୍ତୁ

- କୁକୁଡ଼ା ଘର ଜାଲି ସଫା କରନ୍ତୁ

- ଗୋଟିଏ ଘରେ ଅଧିକ କୁକୁଡ଼ା ରଖନ୍ତୁ ନାହିଁ

- ଲିଟର କୁ ବାରମ୍ଵାର ଘାଣ୍ଟିବା ଉଚିତ , ଯେପରି ଲିଟର ମୁଣ୍ଡା ହେବ ନାହିଁ

- ଦୁଇଟି ଘର ମଧ୍ୟରେ ଅତି କମ ରେ ୪୦ - ୫୦ ଫୁଟ ଦୂରତା ରଖନ୍ତୁ

- ଫାର୍ମ ପରିସରରେ ଗଛ ଲଗାଇଲେ ପରିବେଶ ଥଣ୍ଡା ରହେ

- ଗ୍ରୀଷ୍ମ ଦାଉରୁ କୁକୁଡ଼ାଙ୍କୁ ରକ୍ଷା କରିବା ପାଇଁ ଝରକା ଏବଂ ଜାଲି ରେ ଓଦା ଅଖା ଝୁଲାଇ ମଝିରେ ମଝିରେ ପାଣି ସ୍ପ୍ରେ କରନ୍ତୁ

- ଅତ୍ୟଧିକ ଗରମ ସମୟରେ କୁକୁଡ଼ାଙ୍କ ଉପରେ ମଧ୍ୟ ପାଣି ସ୍ପ୍ରେ କରିପାରିବେ

- ଛପର ପ୍ରତି ୫ ରୁ ୬ ଫୁଟ ବ୍ୟବଧାନରେ ଫଗର ଲଗାନ୍ତୁ

- କୁକୁଡ଼ା ଧକାଇବା ଆରମ୍ଭ କଲେ ଘର ଭିତର ଫ୍ୟାନ ଲଗାନ୍ତୁ

- ଛପର ଉପରେ ସ୍ପ୍ରିଙ୍କଲର୍ ଲଗାନ୍ତୁ l ଏଥିରେ ପାଣି ପଡ଼ି ଛପର ଥଣ୍ଡା ରହେ

- ଦିନ ୧୨ ଟା ରୁ ୪ ଟା ପର୍ଯ୍ୟନ୍ତ ଗରମ ପ୍ରକୋପ ସବୁଠାରୁ ଅଧିକ ଥାଏ l ତେଣୁ ଏହି ସମୟରେ କୁକୁଡ଼ାଙ୍କୁ ଖାଇବାକୁ ଦିଅନ୍ତୁ ନାହିଁ l କାରଣ କୁକୁଡ଼ାଙ୍କ ଖାଦ୍ୟ ହଜମ ସମସ୍ୟା ଦେଖାଦେଇଥାଏ ଏହି ସମୟରେ l ତେଣୁ ସନ୍ଧ୍ୟା ସମୟରେ ଦାନା ଦେବା ଉଚିତ

- କୁକୁଡ଼ାଙ୍କୁ ଅଧିକ ଥର ଥଣ୍ଡା ପାଣି ପିଇବାକୁ ଦିଅନ୍ତୁ l ପାଣି କୁଣ୍ଡ କୁ ଓଦା ଅଖା ଦ୍ୱାରା ଘୋଡାଇ ରଖନ୍ତୁ l ଯାହାଫଳରେ ପାଣି ଥଣ୍ଡା ରହିବ

- ଖରାଦିନରେ ପାଣି ପାତ୍ର ଗୁଡ଼ିକ ସାମାନ୍ୟ ଉଚ୍ଚତାରେ ରଖନ୍ତୁ l ଏହାଦ୍ୱାରା କୁକୁଡ଼ା ପାଣି ପାଇବା ସମୟରେ ଚୁଳ ଓ ଥଣ୍ଟ ଓଦା ହୋଇଯାଏ l ଯାହା ତାଙ୍କ ଶରୀର କୁ ଥଣ୍ଡା ରଖିବାରେ ସାହାଯ୍ୟ କରେ

- ତାପମାତ୍ରା ବଢିଲେ କୁକୁଡ଼ାଙ୍କୁ ନାଳ ଝାଡା ହେବାର ଆଶଙ୍କା ଥାଏ ତେଣୁ, ଏଥିପାଇଁ ପ୍ରତିଷେଧକ ଔଷଧ ଦାନା ପାଣିରେ ନିୟମିତ ବ୍ୟବହାର କରନ୍ତୁ

- ୨ ମାସରୁ ଅଧିକ ବୟସ କୁକୁଡ଼ାଙ୍କୁ ଯେପରି ଘୁମାରୋଗ ନ ହୁଏ , ସେଥିପ୍ରତି ସତର୍କ ରୁହନ୍ତୁ l କିଛି ବି ଲକ୍ଷଣ ଦେଖାଗଲେ ସ୍ଥାନୀୟ ପ୍ରାଣୀ ଚିକିତ୍ସକ ଏବଂ ପ୍ରାଣୀ ନିରୀକ୍ଷକଙ୍କ ପରାମର୍ଶ କରନ୍ତୁ

- ସଠିକ ସମୟରେ ଟୀକାକରଣ କରନ୍ତୁ

- ବାୟୁମଣ୍ଡଳ ର ଉତ୍ତାପ ଓ ଆଦ୍ରତା ବୃଦ୍ଧି ହେଲେ, ଅଂଶୁଘାତ ହେବାର ଆଶଙ୍କା ଥାଏ l ଅଂଶୁଘାତ ହେଲେ କୁକୁଡ଼ାମାନେ କିଛି ଖାଆନ୍ତି ନାହିଁ l ପାଟି ବାଟେ ନିଃଶ୍ୱାସ ନେବା ସହିତ ଧକେଇ ହୁଅନ୍ତି l ଅଂଶୁଘାତ ଆକ୍ରାନ୍ତ ପ୍ରଚୁର ଥଣ୍ଡା ପାଣି ପିଇବାକୁ ଦେବା ସହିତ ନିକଟସ୍ଥ ଚିକିତ୍ସକଙ୍କୁ ଯୋଗାଯୋଗ କରନ୍ତୁ l

ଖରାଦିନରେ ଏହିସବୁ ସାବଧାନତା ଅବଲମ୍ବନ କଲେ କୁକୁଡ଼ାଙ୍କର ମୃତ୍ୟୁହାର କମ ହୋଇଥାଏ l

Dr. Lipismita Samal

Asst. Prof., Dept. of Poultry Science

C.V.Sc.&A.H., OUAT

Bhubaneswar