Krishi Jagran odia
Menu Close Menu

ଖତ ଓ ବିହନ ଲାଇସେନ୍ସ ପାଇଁ ଆବେଦନ ପ୍ରକ୍ରିୟା, ଯୋଗ୍ୟତା ଏବଂ ଆବଶ୍ୟକ ଡକ୍ୟୁମେଣ୍ଟ

Thursday, 07 October 2021 01:49 PM , by: KJ Staff
Gardening

ଯଦି ଆପଣ  ସାର, ବିହନ କିମ୍ବା ଭର୍ମିକମ୍ପୋଷ୍ଟ ଦୋକାନ ଖୋଲିବାକୁ ଚିନ୍ତା କରୁଛନ୍ତି, ତେବେ ଏହାକୁ ପଢନ୍ତୁ |  ଅଧିକାଂଶ ଲୋକଙ୍କ ପାଖରେ ଏହାର ସଠିକ୍ ସୂଚନା ନଥାଏ । ସାର, ବିହନ କିମ୍ବା ଭର୍ମିକମ୍ପୋଷ୍ଟ ଦୋକାନ କିପରି ଖୋଲିବେ,ଏହାର ଲାଇସେନ୍ସ କିପରି ପାଇବେ।

କୃଷି କ୍ଷେତ୍ର ସହ ଜଡିତ କୃଷକ ଏବଂ ଲୋକଙ୍କ ପାଇଁ ସରକାର ନୂତନ ପ୍ରକାରର ଯୋଜନା ଆଣନ୍ତି। ଏହି କ୍ରମରେ ସରକାର ଖତ- ବିହନ ଲାଇସେନ୍ସ ପାଇବା ପାଇଁ ନିୟମରେ କିଛି ପରିବର୍ତ୍ତନ କରିଛନ୍ତି।

ବର୍ତ୍ତମାନ ସାର, ମଞ୍ଜି ଏବଂ କୀଟନାଶକ ଔଷଧ ବିକ୍ରୟ କରିବାର ଲାଇସେନ୍ସ ପାଇବାକୁ ହେଲେ, ଅନଲାଇନରେ ଆବେଦନ କରିବାକୁ ପଡିବ |  ଅଧିକାଂଶ ଜିଲ୍ଲାରେ ସରକାର ଏହି ନୂତନ ବ୍ୟବସ୍ଥା କାର୍ଯ୍ୟକାରୀ କରିଛନ୍ତି। ବିଭାଗ ସମସ୍ତ ସମ୍ପୃକ୍ତ ଅଧିକାରୀଙ୍କ ସହ ଜିଲ୍ଲା କୃଷି ଅଧିକାରୀଙ୍କୁ ସୂଚନା ଦେଇଛନ୍ତି।

ଏହା ବ୍ୟତୀତ ବର୍ତ୍ତମାନ ସରକାର ସାର-ମଞ୍ଜି ଲାଇସେନ୍ସର ଅବଧି ୩ ବର୍ଷରୁ ୫ ବର୍ଷକୁ ବୃଦ୍ଧି କରିଛନ୍ତି। ଏହା ସହିତ ସରକାର ପୂର୍ବରୁ ପ୍ରସ୍ତୁତ ହୋଇଥିବା ଲାଇସେନ୍ସକୁ ନବୀକରଣ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି,ଏହା ପାଇଁ କୌଣସି ଶୁଳ୍କ ଆଦାୟ କରାଯିବ ନାହିଁ |

କେତେ ଦିନ ମଧ୍ୟରେ ଲାଇସେନ୍ସ ପ୍ରଦାନ କରାଯିବ |

କୀଟନାଶକ, ସାର ଏବଂ ମଞ୍ଜି ବିକ୍ରୟ ପାଇଁ ଜାରିହୋଇଥିବା ଲାଇସେନ୍ସର ଅନଲାଇନ୍ ଆବେଦନ ପକ୍ରିୟା ଆରମ୍ଭ ହୋଇଛି | ଏହାକୁ ଅଫଲାଇନରେ ଆବେଦନ କରିବାକୁ ଚାହାଁନ୍ତି, ତେବେ ଏଥିପାଇଁ ଆପଣ ସାଧାରଣ ସେବା କେନ୍ଦ୍ର ଅର୍ଥାତ୍ ସି.ଏସ.ସି କିମ୍ବା ଜିଲ୍ଲା କୃଷି ବିଭାଗ ସହିତ ଯୋଗାଯୋଗ କରିପାରିବେ |  ଆପଣଙ୍କ ଦ୍ବାରା କରାଯାଇଥିବା ଆବେଦନ ଉପରେ ୨୪ ଦିନ ମଧ୍ୟରେ ଲାଇସେନ୍ସ ପ୍ରଦାନ କରିବା ବିଭାଗ ପାଇଁ ବାଧ୍ୟତାମୂଳକ ଅଟେ |

ଲାଇସେନ୍ସ ଫି କେତେ ହେବ |

ଖୁଚୁରା ବ୍ୟବସାୟୀଙ୍କ ଲାଇସେନ୍ସ ପାଇଁ ଆବେଦ ଶୁଳ୍କ - ୧୨୫୦ ଟଙ୍କା |

ହୋଲସେଲ ଲାଇସେନ୍ସର ଆବେଦନ ଶୁଳ୍କ -୨୨୫୦ ଟଙ୍କା |

ବିକ୍ରୟ ପାଇଁ ଲାଇସେନ୍ସ ଦେୟ - ୧୦୦୦ ଟଙ୍କା |

ଲାଇସେନ୍ସ ନବୀକରଣ ଶୁଳ୍କ - ୫୦୦ ଟଙ୍କା |

ସାର, ବିହନ ବିକ୍ରେତା ଲାଇସେନ୍ସ

  • ସର୍ବପ୍ରଥମେ କୃଷି ବିଭାଗର DBT ପୋର୍ଟାଲ ପରିଦର୍ଶନ କରି ଆପଣଙ୍କର ଆଧାର କାର୍ଡ ପଞ୍ଜିକରଣ କରନ୍ତୁ |

  • ଏହା ପରେ ଆପଣ ଅଫିସିଆଲ୍ ୱେବସାଇଟରେ ଆବେଦନ ଫର୍ମ ଦେଖିପାରିବେ ଏବଂ ଏଥିରେ ପଚରାଯାଇଥିବା ସମସ୍ତ ତଥ୍ୟ ପୁରଣ କରନ୍ତୁ |

  • ତା’ପରେ ପଚରାଯାଇଥିବା ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ୍ ସ୍କାନ୍ କରନ୍ତୁ ଏବଂ ଅପଲୋଡ୍ କରନ୍ତୁ |

  • ଯେତେବେଳେ ଆବେଦନ ସଂପୂର୍ଣ୍ଣ ହେବ, ଏହାର ହାର୍ଡ କପିର ଏକ ପ୍ରିଣ୍ଟ ବାହାର କରନ୍ତୁ |

  • ତା’ପରେ ସେହି ହାର୍ଡ କପି ଏକ ସପ୍ତାହ ମଧ୍ୟରେ ସଂପୃକ୍ତ କାର୍ଯ୍ୟାଳୟରେ ଦାଖଲ କରନ୍ତୁ |

  • ଏହା ପରେ ବିଭାଗ ଦ୍ୱାରା ପ୍ରକ୍ରିୟା ଆରମ୍ଭ ହେବ।

  • ତା’ପରେ ହାର୍ଡ କପି ଦାଖଲ କରିବାର ଏକ ମାସ ମଧ୍ୟରେ ଆବେଦନକାରୀ ଲାଇସେନ୍ସ ପାଇବେ|

ଡିଗ୍ରୀ ବିନା କିପରି ଆବେଦନ କରିବେ

ଯଦି ଆପଣ ଦଶମ ପାସ୍ ଅଟନ୍ତି ଏବଂ ସାର-ବିହନ ଦୋକାନର ଲାଇସେନ୍ସ ପାଇବାକୁ ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କୁ କୃଷି ବିଭାଗରେ ୧୫ ଦିନ ତାଲିମ ନେବାକୁ ପଡିବ | ଏଥିପାଇଁ ଆବେଦନକାରୀଙ୍କ ବୟସ ସର୍ବନିମ୍ନ ୧୮ ରୁ ସର୍ବାଧିକ ୪୫ ବର୍ଷ ହେବା ଉଚିତ୍ |ତେବେ ରାଜ୍ୟ, କେନ୍ଦ୍ରୀୟ, ବୋର୍ଡ କିମ୍ବା ନିଗମରୁ ଅବସର ନେଇଥିବା ଜଣେ କର୍ମଚାରୀଙ୍କ ସର୍ବାଧିକ ବୟସ ସୀମା ୬୫ ବର୍ଷ ସ୍ଥିର କରାଯାଇଛି।

English Summary: Application process for the licence of seeds and fertilizers, Qualification and necessary documents Seeds and Fertilizers Licence

CopyRight - 2021 Krishi Jagran Media Group. All Rights Reserved.