Krishi Jagran odia
Menu Close Menu

ଆନ୍ତର୍ଜାତୀୟ କଫି ଦିବସ କାହିଁକି ଏବଂ କେବେ ପାଳନ କରାଯାଏ

Thursday, 07 October 2021 01:53 PM , by: KJ Staff
Coffee Day

Coffee Day

ଅକ୍ଟୋବର ୧, ୨୦୧୫ ମସିହାରେ, ପ୍ରଥମ ଥର ପାଇଁ ଆନ୍ତର୍ଜାତୀୟ କଫି ସଂଗଠନ  ପକ୍ଷରୁ ଇଟାଲୀରେ ଏକ ସମ୍ମିଳନୀ ଆୟୋଜିତ ହୋଇଥିଲା | କଫି ବ୍ୟବସାୟ ସହିତ ଜଡିତ ଲୋକଙ୍କ କଠିନ ପରିଶ୍ରମକୁ ସମ୍ମାନ ଜଣାଇବା ତଥା  କଫି ପାନୀୟକୁ ପ୍ରୋତ୍ସାହିତ କରିବା ପାଇଁ  ପ୍ରତିବର୍ଷ ଏହି  ଦିବସ ପାଳନ କରାଯାଏ |

ଏହାର ମୁଖ୍ୟ ଉଦ୍ଦେଶ୍ୟ ହେଉଛି ସେହି ସମସ୍ତ ଲୋକଙ୍କୁ ସମ୍ମାନ ଜଣାଇବା, ଯେଉଁମାନେ ଫାର୍ମରୁ ଦୋକାନ ପର୍ଯ୍ୟନ୍ତ କଫି ପହଞ୍ଚେଇବା ପାଇଁ କଠିନ ପରିଶ୍ରମ କରନ୍ତି |

ଅକ୍ଟୋବର ୧ରେ ସାରା ବିଶ୍ୱରେ ଆନ୍ତର୍ଜାତୀୟ କଫି ଦିବସ ପାଳନ କରାଯାଉଛି । ଏହା ଜଣାପଡିଛି ପ୍ରାୟତଃ ଯୁବକମାନେ କଫି ପିଇବା ପାଇଁ ପସନ୍ଦ କରନ୍ତି ଏବଂ ସାଙ୍ଗମାନଙ୍କ ସହ ବାହାରକୁ ଗଲାବେଳେ କଫି ପ୍ରଥମ ପସନ୍ଦ ଥାଏ |

କଫି ଚାଷ ପାଇଁ ବଢୁଥିବା ଚାହିଦା |

କଫିର ଚାହିଦା କଫି ଚାଷକୁ ଉତ୍ସାହିତ କରିଛି | ଯଦି ଆମେ ଭାରତ ବିଷୟରେ କଥା ହେବା, କଫି ମୁଖ୍ୟତ ଭାରତର ଦକ୍ଷିଣ ରାଜ୍ୟର ପାର୍ବତ୍ୟ ଅଞ୍ଚଳରେ ଚାଷ କରାଯାଏ |  କଫି ବିଶେଷ ଭାବରେ ପାନୀୟ ଭାବରେ ବ୍ୟବହୃତ ହୁଏ ଏବଂ ଭାରତର ଅନେକ ସ୍ଥାନରେ ଏହାକୁ କାହୱା ମଧ୍ୟ କୁହାଯାଏ |

ଉପଯୁକ୍ତ ପରିମାଣର କଫି ଶରୀର ପାଇଁ ଲାଭଦାୟକ ଅଟେ | ଲକଡାଉନ୍ ସମୟରେ ସାରା ବିଶ୍ୱରେ କଫିର ଚାହିଦା ବୃଦ୍ଧି ପାଇଥିଲା, ବିଶେଷ କରି ଡାଲଗୋନା କଫିର ଚାହିଦା ଅଧିକ ମାତ୍ରାରେ ବଢିଥିଲା। ଲୋକମାନେ ଏହାକୁ ବିଭିନ୍ନ ପ୍ରକାରର ଖାଦ୍ୟ ପ୍ରସ୍ତୁତ କରିବା ପାଇଁ ମଧ୍ୟ ବ୍ୟବହାର କରିଥିଲେ | ଭାରତୀୟ କଫିର ବହୁତ ଭଲ ଗୁଣ ଯୋଗୁଁ  ଏହା ବିଶ୍ୱର ସର୍ବୋତ୍ତମ କଫି ଭାବରେ ମାନ୍ୟତା ପାଇଛି | ଅନ୍ୟ ଦେଶ ତୁଳନାରେ ଏହା ଭାରତରେ ଛାଇରେ ବଢ଼ାଯାଇଥାଏ |

କଫି ଉତ୍ପାଦନରେ ଭାରତ ବିଶ୍ୱର ଷଷ୍ଠ ଦେଶରେ ଅନ୍ତର୍ଭୁକ୍ତ ହୋଇଛି | ଯେଉଁଥିରେ କର୍ଣ୍ଣାଟକ, କେରଳ, ଏବଂ ତାମିଲନାଡୁ ହେଉଛି ଭାରତର ରାଜ୍ୟ ଯେଉଁଠାରେ ପ୍ରଚୁର ପରିମାଣରେ କଫି ଉତ୍ପାଦନ କରାଯାଏ | ଥରେ ଲଗାଯାଇଥିବା କଫି ପ୍ଲାଣ୍ଟ ବର୍ଷ ବର୍ଷ ଧରି ଅମଳ କରିପାରିବ |  ଏହାର ଚାଷ ପାଇଁ ମଧ୍ୟମ ଜଳବାୟୁ ସର୍ବୋତ୍ତମ ବିବେଚନା କରାଯାଏ |

ପ୍ରଚୁର ଖରା ପଡ଼ୁଥିବା ସ୍ଥାନରେ କଫି ପ୍ଲାଣ୍ଟ ଲଗାଇଲେ ,ଏହା ଉଭୟ କଫିର ଗୁଣବତ୍ତା ଏବଂ ଉତ୍ପାଦନ ଉପରେ ବହୁତ ପ୍ରଭାବ ପକାଇଥାଏ |  ଅନ୍ୟପକ୍ଷରେ ଛାଇ ସ୍ଥାନରେ ଏହି ପ୍ଲାଣ୍ଟ ଲଗାଇଲେ , କଫିର ଗୁଣବତ୍ତା ଏବଂ ଅମଳ ଭଲ ହେଉଥିବାବେଳେ ଏହା ଚାଷ ପାଇଁ ଅଧିକ ବର୍ଷା ଆବଶ୍ୟକ କରେ ନାହିଁ ଏବଂ ଶୀତ ଋତୁ ମଧ୍ୟ କଫି ଚାଷ ପାଇଁ କ୍ଷତିକାରକ ହୋଇଥାଏ |

କଫି ଚାଷ ପାଇଁ ଜୈବିକ ପଦାର୍ଥ ଯୁକ୍ତ ମାଟିଆ ମାଟି ଆବଶ୍ୟକ ହୁଏ, ଏବଂ ଆଗ୍ନେୟଗିରି ଉଦ୍ଗୀରଣରୁ ଲାଭା ଧାରଣ କରିଥିବା ମୃତ୍ତିକାରେ ମଧ୍ୟ ଚାଷ କରାଯାଏ, ଏଥିଯୋଗୁଁ ଏହାର ସ୍ୱାଦରେ ଏକ ଭିନ୍ନ ପ୍ରକାରର ତିକ୍ତତା  ଆସିଥାଏ ଯାହାକୁ ଲୋକମାନେ ପସନ୍ଦ କରନ୍ତି | ଏହାର ଚାଷରେ ଜମିର ପି.ଏଚ୍  ମାନକ ୬ ରୁ ୬.୫ମଧ୍ୟରେ ରହିଥାଏ |

ଯଦି ଆପଣ ମଧ୍ୟ ଏହାକୁ ଚାଷ କରିବାକୁ ଚାହାଁନ୍ତି, ତେବେ ଏହି ଜିନିଷର ଯତ୍ନ ନେବାକୁ ପଡିବ | କଫି ଚାଷ ପାଇଁ କମ୍ ଶୁଷ୍କ ଏବଂ ଆର୍ଦ୍ର ଜଳବାୟୁ ଅତ୍ୟନ୍ତ ଭଲ ବୋଲି ବିବେଚନା କରାଯାଏ |  କଫି ଚାଷ ପାଇଁ ଛାଇ ସ୍ଥାନ ସଠିକ୍ ହୋଇଥାଏ ଏବଂ ଏହା କଫିର ଗୁଣବତ୍ତା ବୃଦ୍ଧି କରିଥାଏ | ଏଥି ସହିତ, ଏହି ଚାଷରେ ୧୫୦ ରୁ ୨୦୦ ସେମି ବର୍ଷା ଯଥେଷ୍ଟ ହୋଇଥାଏ |ଶୀତ ଋତୁରେ ଉଦ୍ଭିଦଗୁଡିକର ବୃଦ୍ଧି ବନ୍ଦ ହୋଇଯାଏ |

କଫି ଚାଷରେ ତାପମାତ୍ରା  ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ| ଏହାର ଉଦ୍ଭିଦଗୁଡିକର ବୃଦ୍ଧି ପାଇଁ ୧୮ ରୁ ୨୯ ଡିଗ୍ରୀର ତାପମାତ୍ରା ଭଲ ବୋଲି ବିବେଚନା କରାଯାଏ, କିନ୍ତୁ ଗ୍ରୀଷ୍ମ  ଋତୁରେ ସର୍ବାଧିକ ୩୦ ଡିଗ୍ରୀ ଏବଂ ଶୀତ ଋତୁରେ ସର୍ବନିମ୍ନ ୧୫ ଡିଗ୍ରୀ ସହ୍ୟ କରିପାରନ୍ତି |  ତାପମାତ୍ରାରେ ଅଧିକ ପରିବର୍ତ୍ତନ ହେତୁ ଏହାର ଉଦ୍ଭିଦଗୁଡିକର ବୃଦ୍ଧି ଏବଂ ଅମଳ ପ୍ରଭାବିତ ହୁଏ |

English Summary: When and why does we celebrate International coffee day? Coffee Day

CopyRight - 2021 Krishi Jagran Media Group. All Rights Reserved.