ସରକାରଙ୍କ ମହଙ୍ଗା ଭତ୍ତା ବୃଦ୍ଧି କୁ ସର୍ବଦା ଚାହିଁ ବସିଥାନ୍ତି ସରକାରୀ କର୍ମକଚାରୀ l ଏହି ମହଙ୍ଗା ଭତ୍ତା ପ୍ରତିବର୍ଷ ଦୁଇ ଥର ବଢାଇଥାନ୍ତି କେନ୍ଦ୍ର ସରକାର l ତେବେ ଜାନୁଆରୀ ୨୦୨୩ରୁ କେନ୍ଦ୍ର କର୍ମଚାରୀମାନେ (Central Government Employees) ମହଙ୍ଗା ଭତ୍ତା (Dearness Allowance) ବୃଦ୍ଧି ପାଇଁ ଅପେକ୍ଷା କରିଛନ୍ତି ଯାହା କୁ ନେଇ ସରକାର ଏବେ ବଡ ନିଷ୍ପତ୍ତି ନେଇଛନ୍ତି । ଆଜି ତଥା ବୁଧବାର ଅନୁଷ୍ଠିତ ହେବାକୁ ଥିବା କେନ୍ଦ୍ର କ୍ୟାବିନେଟ ବୈଠକରେ ମହଙ୍ଗା ଭତ୍ତା ବୃଦ୍ଧିକୁ ଅନୁମୋଦନ କରାଯାଇପାରେ ବୋଲି ଆଶା କରାଯାଉଛି ।
କିନ୍ତୁ ଏହାରୀ ମଧ୍ୟରେ ପୁରୁଣା ମହଙ୍ଗା ଭତ୍ତା ବକେୟା ଦାବିକୁ ନେଇ କର୍ମଚାରୀମାନଙ୍କୁ ଲାଗିଛି ବଡ ଝଟକା । ଏହି ପୁରୁଣା ମହଙ୍ଗା ଭତ୍ତା ବକେୟା ଦେବାକୁ କେନ୍ଦ୍ର ସରକାର ଙ୍କ ତରଫରୁ ସ୍ପଷ୍ଟ ମନା କରାଯାଇଛି ଯାହା କେନ୍ଦ୍ର କର୍ମଚାରୀଙ୍କୁ ଦେଇଛି ବଡ ଧକ୍କା । ତେବେ ପୂର୍ବରୁ ଅବଶିଷ୍ଟ ୧୮ ମାସର ମହଙ୍ଗା ଭତ୍ତାର ବକେୟା ରାଶି କେନ୍ଦ୍ର କର୍ମଚାରୀଙ୍କୁ ପ୍ରଦାନ କରାଯିବ ନାହିଁ ବୋଲି କେନ୍ଦ୍ରର ମୋଦି ସରକାର ସ୍ପଷ୍ଟ ମନ କରି ଦେଇଛନ୍ତି ।
ଆମେ ଏଠାରେ ଆପଣଙ୍କୁ କହି ରଖୁଛୁ ଯେ , କେନ୍ଦ୍ର ତଥା ରାଜ୍ୟ ସରକାରୀ କର୍ମଚାରୀଙ୍କୁ ସେମାନଙ୍କର ଜୀବନଧାରଣର ମୂଲ୍ୟରେ ଉନ୍ନତି ଆଣିବା ପାଇଁ ମହଙ୍ଗା ଭତ୍ତା ଦିଅ ଯାଇଥାଏ । ମୁଦ୍ରାସ୍ଫୀତି ବୃଦ୍ଧି ସତ୍ତ୍ୱେ କର୍ମଚାରୀଙ୍କ ଜୀବନଧାରଣରେ କୌଣସି ପାର୍ଥକ୍ୟ ରହିବା ଉଚିତ ନୁହେଁ ବୋଲି କେନ୍ଦ୍ରର ମତ । ଏହି କାରଣରୁ ଏହି ଭତ୍ତା ଦିଆଯାଉଛି କେନ୍ଦ୍ରୀୟ କର୍ମଚାରୀଙ୍କୁ । କେନ୍ଦ୍ର କର୍ମଚାରୀ ଙ୍କ ସପ୍ତମ ବେତନ ଆୟୋଗ ଅନ୍ତର୍ଗତ ବର୍ଷକୁ ଦୁଇଥର ହିଁ ମହଙ୍ଗା ଭତ୍ତା ବୃଦ୍ଧି କରାଯାଏ ।
ଲୋକସଭାରେ ଏକ ପ୍ରଶ୍ନର ଉତ୍ତରରେ ସରକାର ଏହି ସୂଚନା ଦେଇଛନ୍ତି ଯେ ଏଥର କର୍ମଚାରୀଙ୍କୁ ମିଳିବନି ଭତ୍ତା । ମୋଦି ସରକାର କହିଛନ୍ତି ଯେ, କୋରୋନା ଅବଧିରେ କର୍ମଚାରୀଙ୍କ ଅଟକାଯାଇଥିବା ମହଙ୍ଗା ଭତ୍ତା ରୁ ପ୍ରାୟତଃ ୩୪,୪୦୨.୩୨ କୋଟି ଟଙ୍କା ସଞ୍ଚୟ କରାଯାଇଛି । ଏହି ଟଙ୍କା ମହାମାରୀକୁ ରୋକିବା ପାଇଁ ବ୍ୟବହାର କରାଯାଇଥିଲା । ସୂଚନା ଅନୁଯାୟୀ , ୨୦୨୦ ମସିହାରେ କୋରୋନା ମହାମାରୀ ବ୍ୟାପିବା ପରେ କେନ୍ଦ୍ର କର୍ମଚାରୀଙ୍କ DA ବୃଦ୍ଧିର ତିନି କିସ୍ତି ରୋକା ଯାଇଥିଲା ଦେଶରେ ଲୋକଙ୍କୁ ମହାମାରୀ କବଳରୁ ରକ୍ଷା କରିବା ପାଇଁ । ଆଗରୁ ମଧ୍ୟ ଜାନୁଆରୀ ୨୦୨୦, ଜୁଲାଇ ୨୦୨୦ ଏବଂ ଜାନୁୟାରୀ ୨୦୨୧ ପର୍ଯ୍ୟନ୍ତ ମହଙ୍ଗା ଭତ୍ତାର ୩ଟି କିସ୍ତି ପ୍ରଦାନ କରାଯାଇ ନଥିଲା । ପରେ ଏହାକୁ ପୁଣି ଠାରେ କେନ୍ଦ୍ର ସରକାର ଜୁଲାଇ ୨୦୨୧ରେ ପୁନଃ ଲାଗୁ କରିଥିଲେ ।
ଜାନୁୟାରୀ ୨୦୨୦, ଜୁନ୍ ୨୦୨୦ ଏବଂ ଜାନୁଆରୀ ୨୦୨୧ ପାଇଁ DAରେ ଏକାଥରରେ ୧୭ ପ୍ରତିଶତ ବୃଦ୍ଧି କରିଥିଲେ କେନ୍ଦ୍ର ସରକାର । କିନ୍ତୁ ଏହି ସମୟ ମଧ୍ୟରେ ଅଟକାଯାଇଥିବା ଟଙ୍କା ସରକାରୀ କର୍ମଚାରୀମାନଙ୍କୁ ଦିଆଯାଇନଥିଲା ଯାହା ପାଇଁ ସେମାନେ ଅନେକ ସମସ୍ୟାର ସମ୍ମୁଖୀନ ହୋଇଥିଲେ । କର୍ମଚାରୀ ସଂଘ ତରଫରୁ ୧୮ ମାସର DA ବକେୟା ପାଇଁ କ୍ରମାଗତ ଭାବେ ଦାବି କାର୍ଯାଉଥିବା ନଜିର ରହିଛି । କିନ୍ତୁ ଏହା ଉପରେ ମୋଦି ସରକାର ଏବେ କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କୁ ମହଙ୍ଗା ଭତ୍ତା ଓ ମହଙ୍ଗା ରିଲିଫ୍ ପ୍ରଦାନ କରିବାକୁ ସମ୍ପୂର୍ଣ୍ଣ ଭାବେ ମନା କରି ଦେଇଛନ୍ତି ଯାହାର ସିଧାସଳଖ ପ୍ରଭାବ ପଡିଛି ସରକାରୀ କର୍ମଚାରୀଙ୍କ ଉପରେ ।
ଲୋକସଭାରେ ସରକାର ତରଫରୁ ସ୍ପଷ୍ଟ କରାଯାଇଛି ଯେ, ବର୍ତ୍ତମାନ ବଜେଟର ନିଅଣ୍ଟ FRBM ଅଧିନିୟମର ଦୁଇଗୁଣ ଅଟେ । ତେଣୁ ଡିଏ ବକେୟା ଦେବାର କୌଣସି ପ୍ରସ୍ତାବ ନାହିଁ ଏ ବର୍ଷ । ଏ ନେଇ ରାଜ୍ୟ ଅର୍ଥମନ୍ତ୍ରୀ ପଙ୍କଜ ଚୌଧୁରୀ କହିଛନ୍ତି ଯେ, ମହାମାରୀ ସମୟରେ ସରକାର ଏହି ବିପର୍ଯ୍ୟୟର ମୁକାବିଲା ପାଇଁ କଲ୍ୟାଣକାରୀ ଯୋଜନା ଆରମ୍ଭ କରିଥିଲେ । ଏଥିପାଇଁ ଟଙ୍କା ଆବଶ୍ୟକ ଥିଲା, ଏହି ଟଙ୍କା ଡିଏ ପେମେଣ୍ଟ ବନ୍ଦ କରି କରାଯାଇଥିଲା l
ଏବେ ଝିଅଙ୍କୁ ମିଳିବ ୬୫ ଲକ୍ଷ ଟଙ୍କା
ମତ୍ସ୍ୟ ଚାଷୀଙ୍କୁ ମିଳୁଛି ସରକାରୀ ସହାୟତା, ନେଇ ପାରିବେ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ