ମହିଳାଙ୍କୁ ମିଳିଛି ୨ଟି କିସ୍ତିରେ ୧୦ ହଜାର ଟଙ୍କା...!

big update about subhadra yojana , image source - pexels

ମହିଳାଙ୍କୁ ସର୍ବଦା ଆଗରେ ରଖିବାକୁ ଚେଷ୍ଟା କରିଛନ୍ତି ସରକାର l ମହିଳାଙ୍କ ପାଇଁ ବିଭିନ୍ନ ଯୋଜନା କରିଛନ୍ତି ଯାହାର ଲାଭ ସେମାନେ ପାଉଛନ୍ତି l ଯାହା ମାଧ୍ୟମରେ ସେମାନେ ଆତ୍ମନିର୍ଭରଶୀଳ ହୋଇପାରିଛନ୍ତି l ସେ ସମସ୍ତ ଯୋଜନା ମଧ୍ୟରୁ ଓଡ଼ିଶାର ସୁଭଦ୍ରା ଯୋଜନା ଅନ୍ୟତମ l ଓଡ଼ିଶାରେ ସୁଭଦ୍ରା ଯୋଜନା ହିତାଧିକାରୀଙ୍କ ସଂଖ୍ୟା ୧ କୋଟି ଟପିବାକୁ ସ୍ୱାଗତ କରିଛନ୍ତି କେନ୍ଦ୍ର ରେଳ, ସୂଚନା ଓ ପ୍ରସାରଣ, ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ।

ଏ ସମ୍ପର୍କରେ ସାମାଜିକ ଗଣମାଧ୍ୟମରେ ପ୍ରତିକ୍ରିୟା ରଖି ଶ୍ରୀ ବୈଷ୍ଣବ କହିଛନ୍ତି, ‘‘ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଓଡ଼ିଶାର ମାଆ ଭଉଣୀମାନଙ୍କୁ ସଶକ୍ତ ଓ ଆତ୍ମନିର୍ଭର କରିବା ପାଇଁ ଆରମ୍ଭ ହୋଇଥିବା ସୁଭଦ୍ରା ଯୋଜନାରେ ହିତାଧିକାରୀଙ୍କ ସଂଖ୍ୟା ୧ କୋଟିରୁ ଊର୍ଦ୍ଧ୍ୱ ହୋଇଛି । ଓଡିଶାରେ ମହିଳା ସଶକ୍ତିକରଣ ପ୍ରତି ରାଜ୍ୟ ସରକାର ନେଇଥିବା ସଂକଳ୍ପ ଏବେ ବାସ୍ତବତା ଦିଗକୁ ଅଗ୍ରସର ହେଉଛି I’’

କେନ୍ଦ୍ର ମନ୍ତ୍ରୀ ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କୁ ଧନ୍ୟବାଦ ଜଣାଇଛନ୍ତି ।

ସୂଚନାଯୋଗ୍ୟ ନିର୍ବାଚନ ପୂର୍ବର ପ୍ରତିଶ୍ରୁତି ପୂରଣ କରି ଓଡ଼ିଶା ସରକାର ସୁଭଦ୍ରା ଯୋଜନାରେ ମହିଳାମାନଙ୍କୁ ପ୍ରତ୍ୟେକ କିସ୍ତିରେ ୫ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ଯୋଗାଇ ଦେଉଛନ୍ତି । ବାର୍ଷିକ ୨ଟି କିସ୍ତିରେ ୧୦ ହଜାର ଟଙ୍କା ଲେଖାଏଁ ସହାୟତା ଯୋଗାଇ ଦିଆଯାଉଥିବା ବେଳେ ୫ ବର୍ଷ ମଧ୍ୟରେ ୫୦ ହଜାର ଟଙ୍କା ମିଳିବ ।

୫ଟି ପର୍ଯ୍ୟାୟରେ ପ୍ରଥମ କିସ୍ତି ସୁଭଦ୍ରା ସହାୟତା ଯୋଗାଇ ଦିଆଯାଇଥିବା ବେଳେ ମାର୍ଚ୍ଚ ୮ ତାରିଖରେ ଅନ୍ତର୍ଜାତୀୟ ମହିଳା ଦିବସ ଉପଲକ୍ଷେ ଦ୍ୱିତୀୟ କିସ୍ତି ସହାୟତା ବିତରଣ କରାଯାଉଛି ।

Read more 

ମହିଳା ଶକ୍ତି ଆତ୍ମନିର୍ଭର ଓ ସମୃଦ୍ଧ ଭାରତର ମୂଳଦୁଆ

Mahindra 605 novo: ଅଙ୍କିତଙ୍କ ପ୍ରେରଣାଦାୟକ ଯାତ୍ରା…