ଭାରତର କନ୍ୟାମାନଙ୍କ ସମୃଦ୍ଧି ଯଥା କନ୍ୟାର ଶିକ୍ଷା ଏବଂ ବିବାହ ଖର୍ଚ୍ଚ ଭରଣା ପାଇଁ ଏକ ସଞ୍ଚୟ ଯୋଜନା କରିଛନ୍ତି କେନ୍ଦ୍ର ସରକାର । ନା ହେଉଛି ସୁକନ୍ୟା ସମୃଦ୍ଧି ଯୋଜନା (SUKANYA SAMRIDDHI YOJANA) l ଏହି ଯୋଜନା ଅନ୍ତର୍ଗତ ପିତାମାତା କିମ୍ବା ଆଇନଗତ ଅଭିଭାବକମାନେ ୧୦ ବର୍ଷରୁ କମ ଝିଅମାନଙ୍କ ପାଇଁ ଏକ ବ୍ୟାଙ୍କ ଆକାଉଣ୍ଟ ଖୋଲିବାର ସୁଯୋଗ ପାଉଛନ୍ତି । ଏହି ଯୋଜନା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୧୫ ଜାନୁଆରୀ ୨୨ ତାରିଖରେ ଉଦ୍ଘାଟନ କରିଥିଲେ ।
ଏହା ନରେନ୍ଦ୍ର ମୋଦୀଙ୍କର ବେଟି ବଚାଓ ବେଟି ପଢ଼ାଓ ପ୍ରଚାରର କାର୍ଯ୍ୟକ୍ରମର ଅଂଶବିଶେଷ ଅଟେ । ଏହା ବିତ୍ତ ମନ୍ତ୍ରଣାଳୟ ଅଧିସୂଚନା ସଂଖ୍ୟା G.S.R.୮୬୩ (E) ତା ୨/୧୨/୨୦୧୪ ରିଖ ଏହି ଯୋଜନା ସୁକନ୍ୟା ସମୃଦ୍ଧି ଯୋଜନା ନିୟମ,୨୦୧୪ ଅଧିନରେ ଅଛି । ଏହି ଯୋଜନା କନ୍ୟା ସନ୍ତାନକୁ ପରିବାରର ସମ୍ପତି ଏବଂ ମୋଟ ସଞ୍ଚୟରେ ଯଥାର୍ଥ ଅଂଶ ପାଇବାରେ ସହାୟକ ହେବ । ଯେଉଁଠାରେ ସାଧାରଣତଃ ସେ ଏକ ପୁତ୍ର ସନ୍ତାନ ସହ ଭେଦଭାବର ଶିକାର ହୋଇପରେ ।
ଏହି ଯୋଜନାରେ ୧୦ ବର୍ଷରୁ କମ କନ୍ୟାମାନଙ୍କ ଅଭିଭାବକମାନେ ଆକାଉଣ୍ଟ ଖୋଲିବା ପାଇଁ ଯୋଗ୍ୟ ହେବେ । କନ୍ୟା ସନ୍ତାନର ମୃତ୍ୟୁ ସ୍ଥଳେ ମୃତ୍ୟୁ ପ୍ରମାଣପତ୍ର ସହ ଆକାଉଣ୍ଟ ଅପରିପକ୍ୱ ଅବସ୍ଥାରେ ସମାପ୍ତି କରାଯାଇପାରିବ । ଅତ୍ୟନ୍ତ ଦାରୁଣ ପରିସ୍ଥିତି ଯଥା ଭୟାନକ ରୋଗବ୍ୟାଧି, ମେଡିକାଲ ସହାୟତା ଆଦିରେ ଅଭିଭାବକଙ୍କ ଲିଖିତ ଅନୁରୋଧ କ୍ରମେ ଯଦି କେନ୍ଦ୍ର ସରକାର ହୃଦବୋଧ କରନ୍ତି ତେବେ ଆକାଉଣ୍ଟ ସମାପ୍ତିକୁ ମଞ୍ଜୁର କରିପାରନ୍ତି । ତେବେ ଏହି ଯୋଜନା ରେ ଅନେକ ଲାଭ ଅଛି l
ସମୟ ସମୟରେ ଲୋକଙ୍କ ସୁବିଧା ପାଇଁ ରାଜ୍ୟ ତଥା କେନ୍ଦ୍ର ସରକାର ଏଭଳି ଯୋଜନା ପ୍ରସ୍ତୁତ କରୁଛନ୍ତି, ଯାହା ଆପଣଙ୍କ ଟଙ୍କାକୁ ସୁରକ୍ଷିତ ରଖିବା ସହିତ ଆପଣଙ୍କୁ ଭଲ ରିଟର୍ଣ୍ଣ ମଧ୍ୟ ଦେବ । ଏବେ ସରକାର ଆପଣଙ୍କ ଝିଅ ପାଇଁ ମଧ୍ୟ ଏକ ବଡ ରିଟର୍ଣ୍ଣ ଲାଗୁ କରିଛନ୍ତି, ଯେଉଁଥିରେ କି ଆପଣ ନିଜ ଝିଅର ପାଠପଢ଼ା ସହିତ ବାହାଘର ଚିନ୍ତାରୁ ମଧ୍ୟ ମୁକ୍ତି ପାଇପାରିବେ । ସବୁଠାରୁ ବଡ କଥା ହେଉଛି ଏହି ଯୋଜନାରେ ଆପଣ ମାତ୍ର ୨୫୦ ଟଙ୍କା ନିବେଶ କରି ୫ ଲକ୍ଷ ଟଙ୍କା ପାଇପାରିବେ । ଆସନ୍ତୁ ଜାଣିବା ଏହି ଯୋଜନାର କ’ଣ କ'ଣ ରହିଛି ଅନ୍ୟ ଫାଇଦା l
ସୁକନ୍ୟା ସମୃଦ୍ଧି ଯୋଜନା ହେଉଛି ସରକାରଙ୍କ ଦ୍ୱାରା ପ୍ରସ୍ତୁତ ଏକ ଫାଇଦାଯୁକ୍ତ ଯୋଜନା, ଯାହାକି ଆପଣଙ୍କ ଝିଅ ର ଭବିଷ୍ୟତ ପାଇଁ ପ୍ରସ୍ତୁତ କରାଯାଇଛି । ଏଥିରେ ଝିଅର ଭବିଷ୍ୟତକୁ ସୁରକ୍ଷିତ କରାଯାଇପାରିବ ଆଉ ଅଭିଵାବକ ଭାବେ ଆପଣ ମଧ୍ୟ ଚିନ୍ତା ମୁକ୍ତ ରହିବେ । ଏହି ଯୋଜନାରେ ଆପଣ ଅଳ୍ପ ପରିମାଣରେ ଏକ ଆକାଉଣ୍ଟ ଖୋଲିପାରିବେ ଯାହା କି ଅଧିକ ଲାଭ ଦେବା ଆପଣଙ୍କୁ । ଏହି ଯୋଜନାରେ ଆପଣ ଏକ ଆକାଉଣ୍ଟ ଖୋଲିବା ସହ ନିଜ ଝିଅ ନାଁରେ ଅଳ୍ପ ଟଙ୍କା ଜମା କରିପାରିବେ ଯାହାର ରିଟର୍ନ ଆପଣଙ୍କୁ ଭଲ ମିଳିବ ।
ସୁକନ୍ୟା ସମ୍ରିଦ୍ଧି ଯୋଜନାରେ ଅଧୀନରେ ୧୦ ବର୍ଷରୁ କମ୍ ବୟସର ବାଳିକାର ଆକାଉଣ୍ଟ ତାଙ୍କ ପିତାମାତାଙ୍କ ଦ୍ୱାରା ଖୋଲାଯାଇପାରିବ । ଏଥିରେ ଆପଣ ମାତ୍ର ୨୫୦ ଟଙ୍କା ନିବେଶ କରି ଏକ ଆକାଉଣ୍ଟ ଖୋଲିପାରିବେ । ଆପଣ ଏହି ଯୋଜନା ଅଧୀନରେ ଯେକୌଣସି ବ୍ୟାଙ୍କ କିମ୍ବା ଡାକଘରେ ଆକାଉଣ୍ଟ ଖୋଲିପାରିବେ । ଏଥିରେ, ଆପଣ ୭.୬ ପ୍ରତିଶତ ପର୍ଯ୍ୟନ୍ତ ସୁଧ ପାଇବେ । କିନ୍ତୁ ମାନେ ରଖିବା ଉଚିତ ଯେ , ଜଣେ ଝିଅ ନାମରେ କେବଳ ଗୋଟିଏ ଆକାଉଣ୍ଟ ହିଁ ଖୋଲାଯାଇପାରିବ । ଗୋଟିଏ ଘରେ କେବଳ ୨ ଝିଅଙ୍କର ଆକାଉଣ୍ଟ ଖୋଲାଯାଇପାରିବ ।
ସୁକନ୍ୟା ସମୃଦ୍ଧି ଯୋଜନା ଉପରେ ପ୍ରାପ୍ତ ସମସ୍ତ ସୁଧ ସରକାର ସ୍ଥିର କରିଥାନ୍ତି । ଏହି ଯୋଜନାରେ ଆପଣ ୭.୬ ପ୍ରତିଶତ ସୁଧ ପାଇବେ । ଏହି ଯୋଜନାରେ ଆପଣ ସର୍ବାଧିକ ୧.୫୦ ଲକ୍ଷ ଟଙ୍କା ପର୍ଯ୍ୟନ୍ତ ଜମା କରିପାରିବେ ଝିିଅକୁ ୧୮ ବର୍ଷ ପୂରଣ ହେବା ପରେ କିମ୍ବା ଝିଅର ଦଶମ ଶ୍ରେଣୀ ପରୀକ୍ଷା ସରିବା ପରେ ହିଁ ଆପଣ ସେହି ଆକାଉଣ୍ଟରୁ ଟଙ୍କା ଉଠାଇ ପାରିବେ । ଏହି ଯୋଜନା ମାଧ୍ୟମରେ ଆପଣ ଆୟକର କ୍ଷେତ୍ରରେ ମଧ୍ୟ ରିହାତି ପାଇବେ । ଯଦି ଆପଣ ଏହି ଯୋଜନାରେ ପ୍ରତିଦିନ ୨୫୦ ଟଙ୍କା ଜମା କରୁଛନ୍ତି , ତେବେ ଆପଣ ଏକ ମାସରେ ୧୨,୫୦୦ ଟଙ୍କା ପର୍ଯ୍ୟନ୍ତ ଜମା କରିବେ ଏବଂ ଗୋଟିଏ ବର୍ଷରେ ଆପଣ ୨୨.୫୦ ଲକ୍ଷ ଟଙ୍କା ଜମା କରି ପାରିବେ । ୧୫ ବର୍ଷ କିମ୍ବା ଆପଣଙ୍କ ଝିଅର ମ୍ୟାଚୁରିଟୀ ସମୟରେ ତଥା ୨୧ ବର୍ଷ ବୟସରେ ଆପଣଙ୍କୁ ୬୫ ଲକ୍ଷ ଟଙ୍କା ମିଳିବ । ଏଥିରେ ଆପଣ ପ୍ରାୟ ୪୧.୧୫ ଲକ୍ଷ ଟଙ୍କା ସୁଧ ପାଇବେ । ଏଥିରେ ଝିଅର ବିବାହ ହେଉ ବା ଉଚ୍ଚ ଶିକ୍ଷା ଆପଣ ଚିନ୍ତାମୁକ୍ତ ହୋଇ କରି ପାରିବେ l