ଅଟଳ ପେନସନ୍ ଯୋଜନା ପାଇଁ କିପରି ଆବେଦନ କରିବେ

Sugyan Kumar Nayak
Sugyan Kumar Nayak
Atal Pension Yojana

Atal Pension Yojana

ଅଟଳ ପେନସନ୍ ଯୋଜନା (ଏପିୱାଇ) ହେଉଛି ଅଣବ୍ୟବସ୍ଥିତ କ୍ଷେତ୍ରର କର୍ମଚାରୀମାନଙ୍କ ନିମନ୍ତେ ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ଏକ ପେନସନ୍ ସ୍କିମ୍ l ଏହାକୁ ୨୦୧୫-୧୬ ୟୁନିଅନ୍ ବଜେଟରେ ଘୋଷଣା କରାଗଲା ଏବଂ ଜୁନ୍ ୧, ୨୦୧୫ରେ ଏହାର ଶୁଭାରମ୍ଭ କରାଗଲା l

ଅଟଳ ପେନସନ୍ ଯୋଜନା ସ୍ଥିର ସର୍ବନିମ୍ନ ପେନସନ୍ ପ୍ରଦାନ କରେ, ଯାହା ମାସିକ ୧,୦୦୦ ଟଙ୍କା ଠାରୁ ଆରମ୍ଭ କରି ମାସିକ ସର୍ବାଧିକ ୫,୦୦୦ ଟଙ୍କା ପର୍ଯ୍ୟନ୍ତ ଅଟେ l ନାମାଙ୍କନ କରିବା ସମୟରେ ଜଣେ ସବସ୍କ୍ରାଇବର ମାସିକ କେତେ ପରିମାଣର ପେନସନ ଗ୍ରହଣ କରିବାକୁ ଇଛା କରନ୍ତି ତାହା ସେ ବାଛିବେ, ଯଥା; ୧,୦୦୦ ଟଙ୍କା, ୨,୦୦୦ ଟଙ୍କା, ୩,୦୦୦ ଟଙ୍କା, ୪,୦୦୦ ଟଙ୍କା କିମ୍ବା ୫,୦୦୦ ଟଙ୍କା l ସବସ୍କ୍ରାଇବର ବାଛିଥିବା ମାସିକ ପେନସନ ପରିମାଣ ଉପରେ ଭିତିକରି ତାଙ୍କର ବ୍ୟାଙ୍କ ଆକାଉଣ୍ଟରୁ ମାସିକ ଅର୍ଥରାଶି ବିଯୁକ୍ତ କରାଯିବ l ଅଟଳ ପେନସନ୍ ଯୋଜନା ନିମନ୍ତେ ଆପଣଙ୍କର ଆକାଉଣ୍ଟରୁ ଆପେ ଆପେ ମାସିକ ଅର୍ଥରାଶି ବିଯୁକ୍ତ ହେବ l

ମାସିକ ଅନୁଦାନ ଅର୍ଥ ପରିମାଣ ନାମାଙ୍କନ ସମୟରେ ସବସ୍କ୍ରାଇବରଙ୍କ ବୟସ ଉପରେ ନିର୍ଭର କରେ l ଏହି ସ୍କିମରେ ପ୍ରବେଶ କରିବାର ଆରମ୍ଭ ବୟସ ହେଉଛି ୧୮ ବର୍ଷ ଏବଂ ନାମାଙ୍କନର ସର୍ବାଧିକ ବୟସ ହେଉଛି ୪୦ ବର୍ଷ l ଯଦି ସବସ୍କ୍ରାଇବର ଖୁବ କମ ବୟସରୁ ନାମାଙ୍କନ କରନ୍ତି ତେବେ ଅନୁଦାନ ପରିମାଣ ଅଳ୍ପ ରହିବ, କିନ୍ତୁ ଯଦି ସବସ୍କ୍ରାଇବର ଅଧିକ ବୟସରେ ନାମାଙ୍କନ କରନ୍ତି ତେବେ ଅନୁଦାନ ପରିମାଣ ଅଧିକ ରହିବ l

ଉଦାହରଣ ସ୍ୱରୂପ ଜଣେ ସବସ୍କ୍ରାଇବର ୧୮ ବର୍ଷ ବୟସରେ ନାମାଙ୍କନ କରି ମାସିକ ୫,୦୦୦ ଟଙ୍କା ପେନସନ୍ ପାଇବା ପାଇଁ ତାଙ୍କୁ ପ୍ରତି ମାସରେ ୨୧୦ ଟଙ୍କା ଦେବାକୁ ପଡ଼ିବ l ଅନ୍ୟ ପକ୍ଷରେ, ଏହି ସମାନ ପରିମାଣର ପେନସନ୍ ପାଇବା ପାଇଁ ଯଦି ଜଣେ ବ୍ୟକ୍ତି ୩୦ ବର୍ଷରେ ନାମାଙ୍କନ କରନ୍ତି ତେବେ ତାଙ୍କୁ ପ୍ରତି ମାସରେ ୫୭୭ ଟଙ୍କା ଦେବାକୁ ପଡ଼ିବ l ସବସ୍କ୍ରାଇବର ୬୦ ବର୍ଷ ବୟସରୁ ମାସିକ ପେନସନ୍ ଗ୍ରହଣ କରିବା ଆରମ୍ଭ କରିବେ l

ଏପିୱାଇ ଆକାଉଣ୍ଟ ଖୋଲିବା ନିମନ୍ତେ ଆବଶ୍ୟକତାଗୁଡ଼ିକ

ପେନସନ୍ ସ୍କିମ୍ ନିମନ୍ତେ ଆବେଦନ କରିବା ପାଇଁ ଜଣେ ସବସ୍କ୍ରାଇବରଙ୍କର ସଞ୍ଚୟ ବ୍ୟାଙ୍କ୍ ଆକାଉଣ୍ଟ, ଆଧାର ନମ୍ବର, ଏବଂ ମୋବାଇଲ ନମ୍ବର ଥିବା ଦରକାର l

ଏପିୱାଇ ଆକାଉଣ୍ଟ ନିମନ୍ତେ ଆବେଦନ

ଏପିୱାଇ ଆକାଉଣ୍ଟ ଖୋଲିବା ନିମନ୍ତେ ଦୁଇଗୋଟି ଉପାୟ ରହିଛି l ଗୋଟିଏ ଉପାୟ ହେଉଛି, ବ୍ୟକ୍ତିଙ୍କର ଆକାଉଣ୍ଟ ରହିଥିବା ବ୍ୟାଙ୍କ୍କୁ ଯାଇକରି l ବ୍ୟାଙ୍କ ସଖାକୁ ଯାଇ ସବସ୍କ୍ରାଇବର ସଠିକ ଭାବରେ ଏପିୱାଇ ଆବେଦନ ଫର୍ମକୁ ପୂରଣ କରି ଦାଖଲ କରିବେ ଏବଂ କେୱାଇସି ପ୍ରକ୍ରିୟାକୁ ସମାପନ କରିବେ l ଏଚଡିଏଫସି ବ୍ୟାଙ୍କ୍ ୱେବସାଇଟ ଅନୁସାରେ ଯଦି ଆପଣଙ୍କର ସେହି ବ୍ୟାଙ୍କରେ ଆକାଉଣ୍ଟ ରହିଛି ତେବେ କେୱାଇସି  ବିବରଣୀ ବ୍ୟାଙ୍କ୍ ଆକାଉଣ୍ଟରୁ ନକଲ ହୋଇଯିବ l

ଜଣେ ବ୍ୟକ୍ତି ନିଜର ନେଟ୍ ବ୍ୟାଙ୍କିଙ୍ଗ ସୁବିଧାକୁ ବ୍ୟବହାର କରି ନିଜର ଏପିୱାଇ ଆକାଉଣ୍ଟ ଅନଲାଇନରେ ଖୋଲିପାରିବେ l ଷ୍ଟେଟ୍ ବ୍ୟାଙ୍କ୍ ଅଫ ଇଣ୍ଡିଆ, ଆଇସିଆଇସିଆଇ ବ୍ୟାଙ୍କ୍ ଭଳି ବ୍ୟାଙ୍କଗୁଡ଼ିକ ଇଣ୍ଟରନେଟ୍ ବ୍ୟାଙ୍କିଙ୍ଗ ସୁବିଧା ମାଧ୍ୟମରେ ଗ୍ରାହକମାନଙ୍କୁ ପେନସନ୍ ସ୍କିମ୍ ଆକାଉଣ୍ଟ ଖୋଲିବାକୁ ଅନୁମତି ଦେଉଛନ୍ତି l

ଏସବିଆଇ ନେଟ ବ୍ୟାଙ୍କିଙ୍ଗ ସୁବିଧା ମାଧ୍ୟମରେ ଏପିୱାଇ ଆକାଉଣ୍ଟ ଖୋଲିବାର ସୁବିଧା ଇ-ସର୍ଭିସେସ ଟ୍ୟାବରେ ସାମାଜିକ ସୁରକ୍ଷା ସ୍କିମ୍ଗୁଡ଼ିକର ବିକଳ୍ପ ଅଧୀନରେ ଉପଲବ୍ଧ ଅଟେ l

ଆଇସିଆଇସିଆଇ ବ୍ୟାଙ୍କ୍ ଆକାଉଣ୍ଟଧାରୀମାନେ ନିମ୍ନଲିଖିତ ସୋପାନଗୁଡ଼ିକୁ ଅନୁସରଣ କରି ଏପିୱାଇ ସ୍କିମ୍ ନିମନ୍ତେ ନାମାଙ୍କନ କରିପାରିବେ:

ସୋପାନ ୧: ICICIBank.comରେ ଲଗ ଇନ କରନ୍ତୁ

ସୋପାନ ୨: କଷ୍ଟୋମର ସର୍ଭିସ ଉପରେ କ୍ଲିକ କରନ୍ତୁ

ସୋପାନ ୩: 'ସର୍ଭିସ ରିକ୍ୱେଷ୍ଟ' ଉପରେ କ୍ଲିକ କରନ୍ତୁ

ସୋପାନ ୪: "ବ୍ୟାଙ୍କ୍ ଆକାଉଣ୍ଟସ" ବିଭାଗରୁ "ଏନରୋଲ ଫର ଅଟଳ ପେନସନ ଯୋଜନା" ଉପରେ କ୍ଲିକ କରନ୍ତୁ

ସୋପାନ ୫: ସମସ୍ତ ଆବଶ୍ୟକୀୟ ବିବରଣୀ ପୂରଣ କରନ୍ତୁ ଏବଂ ଦାଖଲ କରନ୍ତୁ l ୧ଟି କାର୍ଯ୍ୟଦିବସ ମଧ୍ୟରେ ଅଟଳ ପେନସନ ଯୋଜନା ଆକାଉଣ୍ଟକୁ ସକ୍ରିୟ କରାଯିବ l

ନାମାଙ୍କନ ପ୍ରକ୍ରିୟା ଆରମ୍ଭ କରିବା ପୂର୍ବରୁ ଆଇସିଆଇସିଆଇ ବ୍ୟାଙ୍କ ଆକାଉଣ୍ଟଧାରୀମାନେ ନିଶ୍ଚିତ କରିବା ଉଚିତ ଯେ, ସେମାନଙ୍କର ବ୍ୟାଙ୍କ୍ ଆକାଉଣ୍ଟ କେୱାଇସି ଅନୁପାଳନ କରୁଛି l

ଏପିୱାଇ ପ୍ରତି ଅନୁଦାନ

ପେନସନ ସ୍କିମ୍ ଆକାଉଣ୍ଟ ବ୍ୟାଙ୍କ ଶାଖା ମାଧ୍ୟମରେ ଖୋଲାଯାଉ ବା ଅନଲାଇନରେ ଖୋଲାଯାଉ, ସ୍କିମ୍ ନିମନ୍ତେ ଅନୁଦାନ ଆପଣଙ୍କର ବ୍ୟାଙ୍କ୍ ଆକାଉଣ୍ଟରୁ ଆପେ ଆପେ ବିଯୁକ୍ତ କରାଯିବ l

ଅନୁଦାନ ଖିଲାପ ହେବା କ୍ଷେତ୍ରରେ ଜୋରିମାନା ଲାଗୁ ହେବ l ନିମ୍ନ ଭାବରେ ଜୋରିମାନା ଲାଗୁ ହେବ:

(a) ମାସିକ ୧୦୦ ଟଙ୍କା ପର୍ଯ୍ୟନ୍ତ ଅନୁଦାନ ନିମନ୍ତେ ମାସିକ ୧ ଟଙ୍କା

(b) ମାସିକ ୧୦୧ ଟଙ୍କାରୁ ୫୦୦/-ଟଙ୍କା ପର୍ଯ୍ୟନ୍ତ ଅନୁଦାନ ନିମନ୍ତେ ମାସିକ ୨ ଟଙ୍କା

(c) ମାସିକ ୫୦୧ ଟଙ୍କାରୁ ୧୦୦୦/-ଟଙ୍କା ପର୍ଯ୍ୟନ୍ତ ଅନୁଦାନ ନିମନ୍ତେ ମାସିକ ୫ ଟଙ୍କା

(d) ମାସିକ ୧୦୦୧/- ଟଙ୍କାରୁ ଅଧିକ ଅନୁଦାନ ନିମନ୍ତେ ମାସିକ ୧୦ ଟଙ୍କା

ଯଦି କୌଣସି ଅନୁଦାନ ପ୍ରଦାନ କରାଯାଏ ନାହିଁ ତେବେ ଆପଣଙ୍କର ଏପିୱାଇ ଆକାଉଣ୍ଟ ପ୍ରତି ନିମ୍ନଲିଖିତ ପ୍ରତିବିଧାନ କରାଯିବ

a) ୬ ମାସ ପରେ ଆକାଉଣ୍ଟକୁ ରୁଦ୍ଧ କରାଯିବ l

b) ୧୨ ମାସ ପରେ ଆକାଉଣ୍ଟକୁ ନିଷ୍କ୍ରିୟ କରାଯିବ l

c) ୨୪ ମାସ ପରେ ଆକାଉଣ୍ଟକୁ ବନ୍ଦ କରାଯିବ l

Like this article?

Hey! I am Sugyan Kumar Nayak . Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran

Latest feeds

More News