ରାଜସ୍ଥାନରେ ନୂଆ ଘୋଷଣା : ସୌର ପମ୍ପ ଯୋଜନା

Sugyan Kumar Nayak
Sugyan Kumar Nayak
Solar Pump Yojana

Solar Pump Yojana

ବିଜ୍ଞାନ ଏବଂ ବୈଷୟିକ ବିଦ୍ୟାକୁ କୃଷି କାର୍ଯ୍ୟ ସହିତ ସଂଯୋଗ କରିବାର ଲକ୍ଷ୍ୟ ନେଇ ରାଜସ୍ଥାନର ସରକାର ଏକ ବଳିଷ୍ଠ ପଦକ୍ଷେପ ଗ୍ରହଣ କରିଛନ୍ତି l ଏଇ ନିକଟରେ ରାଜ୍ୟରେ 'ସୌର ପମ୍ପ ଯୋଜନା' କାର୍ଯ୍ୟକରିବା ନିମନ୍ତେ ସରକାର ଘୋଷଣା କରିଛନ୍ତି l ବର୍ତ୍ତମାନ ସମୟରେ ଚାଲିଥିବା କୃଷକ ଆନ୍ଦୋଳନ ଭିତରେ ରାଜସ୍ଥାନ ସରକାର 'କୁସୁମ ଯୋଜନା' ଅଧୀନରେ ସୌର ପମ୍ପ ସ୍ଥାପନ କରିବା ନିମନ୍ତେ ଯୋଜନା କରୁଛନ୍ତି l ଯାହା ଫଳରେ ରାଜସ୍ଥାନର ଦୂରବର୍ତ୍ତୀ ଗ୍ରାମରେ ବିଜୁଳି ଶକ୍ତି ଉପଲବ୍ଧ କରାଯାଇପାରିବ ଏବଂ କୃଷକମାନେ କୃଷି କାର୍ଯ୍ୟ ନିମନ୍ତେ ଠିକ ସମୟରେ ବିଜୁଳି ଶକ୍ତି ପାଇପାରିବେ l

ରିପୋର୍ଟ ଅନୁସାରେ, ରାଜ୍ୟରେ ପମ୍ପଗୁଡ଼ିକ ସ୍ଥାପନ କରିବାକୁ ରାଜସ୍ଥାନ ସରକାର 11.85 କୋଟି ଟଙ୍କା ମଞ୍ଜୁର କରିବେ, 5000 ଜଣ କୃଷକ ଏହାର ଲାଭ ଉଠାଇବେ l ରାଜ୍ୟର ଅଧିକାଂଶ ଆଦିବାସୀ କୃଷକମାନଙ୍କର ଦୁର୍ବଳ ଆର୍ଥିକ ଅବସ୍ଥାକୁ ବିଚାରକୁ ନେଇ ମୁଖ୍ୟମନ୍ତ୍ରୀ, ଶ୍ରୀଯୁକ୍ତ ଅଶୋକ ଗେହଲଟ ସୌର ପମ୍ପଗୁଡ଼ିକ ସ୍ଥାପନ କରି 5 ହଜାର କୃଷକଙ୍କୁ ଲାଭ ପ୍ରଦାନ କରିବାକୁ 2020-2021 ବର୍ଷ ବଜେଟରେ ଘୋଷଣା କରିଛନ୍ତି l

11.85 କୋଟି ଟଙ୍କାର ଅର୍ଥ ମଞ୍ଜୁରୀ

ଏହି ସ୍କିମ ଅଧୀନରେ 4500 ଆଦିବାସୀ କୃଷକ 2ଟି କମ୍ପୋନେଣ୍ଟରେ ଲାଭ ପାଇବେ ଏବଂ ସେଥିପାଇଁ 11.85 କୋଟି ଟଙ୍କା ଖର୍ଚ୍ଚ ହେବ l କମ୍ପୋନେଣ୍ଟ B ଅଧୀନରେ ସୌର ପମ୍ପ ପ୍ଲାଣ୍ଟ ସ୍ଥାପନ କରିବାକୁ 1500 ଆଦିବାସୀ କୃଷକଙ୍କୁ 45 ହଜାର ଟଙ୍କାର ମଞ୍ଜୁରୀ ପ୍ରଦାନ କରାଯିବ ଏବଂ ଏଥି ନିମନ୍ତେ 6.75 କୋଟି ଟଙ୍କା ମଞ୍ଜୁର କରାଯାଇଛି l ଏହି ଯୋଜନାଟିକୁ ଟେକ୍ନୋଲୋଜି ବିଭାଗ ଦ୍ୱାରା ଲାଗୁ କରାଯିବ l

ଏହା ଦ୍ୱାରା କୃଷକମାନେ ବିଜୁଳି ନିମନ୍ତେ ଖର୍ଚ୍ଚରୁ ମୁକ୍ତି ପାଇବେ l ଏହି ଯୋଜନାରେ କୃଷକମାନେ ଚାଷରୁ ଅଧିକ ଅମଳ ପାଇ ପାରିବେ, ଯାହା ସେମାନଙ୍କର ରୋଜଗାର ବୃଦ୍ଧି କରିବ l କମ୍ପୋନେଣ୍ଟ C ଅଧୀନରେ ଆଦିବାସୀ ଅଧ୍ୟୁଷିତ ଅଞ୍ଚଳରେ ରହିଥିବା ଆଦିବାସୀ କୃଷକମାନଙ୍କର କୂଅଗୁଡ଼ିକୁ ସୌର ଶକ୍ତି ଦ୍ୱାରା ସଂଯୋଗ କରାଯିବ l ଏହା ଦ୍ୱାରା ଆଦିବାସୀ କୃଷକମାନଙ୍କୁ ବିଜୁଳୀ ଖର୍ଚ୍ଚରୁ ମୁକ୍ତି ଦେବ ଏବଂ ବଳକା ପାୱାରକୁ ଗ୍ରୀଡ଼କୁ ପଠାଯାଇ ପାରିବ l ଏଥିରୁ ମିଳିବା ଆୟରୁ କିସ୍ତି ଅନୁସାରେ ସୌର ପମ୍ପ ଋଣକୁ ସୁଝାଯିବ l କମ୍ପୋନେଣ୍ଟ C ଅଧୀନରେ 3000 ଜଣ ଆଦିବାସୀ  କୃଷକ ଉପକୃତ ହେବେ ଏବଂ କୃଷକଙ୍କ ପିଛା 17 ହଜାର ଟଙ୍କାର ମଞ୍ଜୁରୀ ପ୍ରଦାନ କରାଯିବ l ଏହି ନିମନ୍ତେ 5.10 କୋଟି ଟଙ୍କା ଅନୁମୋଦନ ଲାଭ କରିଛି l

Like this article?

Hey! I am Sugyan Kumar Nayak . Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran

Latest feeds

More News