1. ସରକାରୀ ସ୍କିମ

ଏହି ରାଜ୍ୟଗୁଡ଼ିକରେ ସରକାର ବଢାଇଲେ ମହଙ୍ଗା ଭତ୍ତା

Tanushree Mahapatra
Tanushree Mahapatra
Good news for government employees, image source - twitter

Good news for government employees, image source - twitter

ମହଙ୍ଗା ଭତ୍ତା କେନ୍ଦ୍ର ଦ୍ୱାରା ବୃଦ୍ଧି ହୋଇଥାଏ l କେନ୍ଦ୍ର କର୍ମଚାରୀଙ୍କ ସପ୍ତମ ବେତନ ଆୟୋଗ ଅନ୍ତର୍ଗତ ବର୍ଷକୁ ଦୁଇଥର ହିଁ ମହଙ୍ଗା ଭତ୍ତା ବୃଦ୍ଧି କରାଯାଏ । ପ୍ରଥମ ଥର ଜାନୁଆରୀରେ ଓ ଦ୍ୱିତୀୟ ଥର ଜୁଲାଇରେ ହିଁ ମହଙ୍ଗା ଭତ୍ତା ବୃଦ୍ଧି ହୁଏ ଦେଶରେ । ମହଙ୍ଗା ଭତ୍ତାରେ ବୃଦ୍ଧିର ଅପେକ୍ଷା କରିଥାନ୍ତି ପ୍ରତ୍ୟେକ କେନ୍ଦ୍ର ସରକାରୀ କର୍ମଚାରୀ  ।

ତେବେ କିଛି ରାଜ୍ୟରେ ଏବେ ମହଙ୍ଗା ଭତ୍ତା ବୃଦ୍ଧି ମଧ୍ୟ କରାଯାଇଛି l ତେବେ ମହଙ୍ଗା ଭତ୍ତାରେ ବୃଦ୍ଧି ଯୋଗୁଁ ସରକାରୀ କର୍ମଚାରୀଙ୍କ ଦରମା ମଧ୍ୟ ବଢ଼ିଥାଏ ଓ ସେମାନେ ଏହା ଅଧୀନରେ ଅଧିକ ଟଙ୍କା ପାଆନ୍ତି ।  ଶ୍ରମ ମନ୍ତ୍ରଣାଳୟରୁ ମିଳିଥିବା ସୂଚନା ଅନୁଯାୟୀ, ଗ୍ରାହକ ମୂଲ୍ୟ ସୂଚକାଙ୍କ ଆଧାରରେ ଡିଏ ଗଣନା କରାଯାଏ । ସେହି ଅନୁଯାୟୀ, କର୍ମଚାରୀଙ୍କ ମହଙ୍ଗା ଭତ୍ତା ମଧ୍ୟ ବୃଦ୍ଧି କରାଯାଇଥାଏ । ତେବେ ସରକାର କିଛି ରାଜ୍ୟରେ ମହଙ୍ଗା ଭତ୍ତା ବଢ଼ାଇଛନ୍ତି l

ତେବେ ସୂଚନା ଅନୁଯାୟୀ କିଛି ମାସ ମଧ୍ୟରେ କିଛି କିଛି ରାଜ୍ୟର ସରକାରୀ କର୍ମଚାରୀଙ୍କ ଦରମା ବୃଦ୍ଧି ପାଇଛି । କେନ୍ଦ୍ର ସରକାରଙ୍କ ଡିଏ ହାଇକ ପରେ ଅନେକ ରାଜ୍ୟ କର୍ମଚାରୀଙ୍କ ପ୍ରିୟତା ଭତ୍ତା ଟଙ୍କା ବୃଦ୍ଧି କରିଛନ୍ତି । ଡିଏ ବର୍ତ୍ତମାନ କେନ୍ଦ୍ର ସରକାରଙ୍କ ଦ୍ୱାରା ୪୨ ପ୍ରତିଶତ ଦିଆଯାଉଛି ମହଙ୍ଗା ଭତ୍ତା , ଯାହା ପୂର୍ବରୁ ମାତ୍ର ୩୮ ପ୍ରତିଶତ ରହିଥିଲା । ଏହି ବୃଦ୍ଧି ୧ ଜାନୁଆରୀ ୨୦୨୩ରୁ ପ୍ରଯୁଜ୍ୟ । ବର୍ଷକୁ ଦୁଇଥର ମହଙ୍ଗା ଭତ୍ତା ବୃଦ୍ଧି କରାଯାଏ ।

ତେବେ କୌଣସି ପରିସ୍ଥିତି ଅନୁଯାୟୀ ସରକାର ଏହାକୁ ସ୍ଥଗିତ ମଧ୍ୟ ରଖିପାରିବେ । ଏହାରି ଭିତରେ ଏକ ବଡ ଖୁସି ଖବର ସାମ୍ମନାକୁ ଆସିଛି ୟୁପି, ତାମିଲନାଡୁ, ଆସାମ ଏବଂ ରାଜସ୍ଥାନ ଭଳି ରାଜ୍ୟ ଦ୍ୱାରା ଜାନୁଆରୀର ଡିଏ ବୃଦ୍ଧି କରାଯାଇଛି । ନିକଟରେ ତାମିଲନାଡୁ ସରକାର ଡିଏକୁ ୪ ପ୍ରତିଶତ ବୃଦ୍ଧି କରିଛନ୍ତି, ଅର୍ଥାତ ଏହି ରାଜ୍ୟର ବର୍ତ୍ତମାନ ମହଙ୍ଗା ଭତ୍ତା ୩୮ ପ୍ରତିଶତରୁ ୪୨ ପ୍ରତିଶତକୁ ବୃଦ୍ଧି କରାଯାଇଛି । ଏହାଦ୍ୱାରା ଏହି ରାଜ୍ୟରେ ପ୍ରାୟ ୧୬ ଲକ୍ଷ କର୍ମଚାରୀ ଏବଂ ପେନସନଭୋଗୀ ଉପକୃତ ହେବେ ବୋଲି ଜଣାପଡିଛି । ଏହି ନୂତନ ହାରଗୁଡିକ ଲାଗୁ କରାଗଲେ ଏପ୍ରିଲ୍ ୧, ୨୦୨୩ ରୁ ବିଚାର କରାଯିବ ବୋଲି ସୂଚନା ରହିଛି ।

ସେହିପରି ଉତ୍ତରପ୍ରଦେଶର କର୍ମଚାରୀଙ୍କ ପାଇଁ ମହଙ୍ଗା ଭତ୍ତା ମଧ୍ୟ ବୃଦ୍ଧି କରାଯାଇଛି । ଏଠାରେ ମଧ୍ୟ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ୪୨ ପ୍ରତିଶତ ପର୍ଯ୍ୟନ୍ତ ଡିଏ ଦିଆଯାଉଛି । ଏହି ନିଷ୍ପତ୍ତି ୧୬.୩୫ ଲକ୍ଷ କର୍ମଚାରୀ ଏବଂ ୧୧ ପେନସନଭୋଗୀଙ୍କୁ ଉପକୃତ କରିବ ବୋଲି ଆଶା କରାଯାଉଛି । କର୍ମଚାରୀମାନଙ୍କୁ ଏକ ବଡ ଉପହାର ଦେଇ ବିହାର ସରକାର ମଧ୍ୟ ଡିଏ ବୃଦ୍ଧି ଘୋଷଣା କରିଛନ୍ତି ଗତକାଲି । କର୍ମଚାରୀଙ୍କ ଡିଏ ଏଠାରେ ୪ ପ୍ରତିଶତ ବୃଦ୍ଧି କରାଯିବ ବୋଲି ସୂଚନା ମିଳିଛି  । ପେନସନଧାରୀମାନଙ୍କୁ ମଧ୍ୟ ଏହି ବୃଦ୍ଧିର ଲାଭ ଦିଆଯିବ ବୋଲି କୁହ ଯାଇଛି  । ସେହିପରି ଅନ୍ୟ ରାଜ୍ୟ ହିମାଚଳ, ଆସାମ ଏବଂ ରାଜସ୍ଥାନରେ ମଧ୍ୟ ଭତ୍ତା ବୃଦ୍ଧି ପାଇଛି ।

ତେବେ କେନ୍ଦ୍ର ସରକାରଙ୍କ ଦ୍ୱାରା ବର୍ଷକୁ ଦୁଇଥର ମହଙ୍ଗା ଭତ୍ତା ବୃଦ୍ଧି କରାଯାଏ । ଯାହାକି ଜାନୁଆରୀ ଓ ଜୁଲାଇରେ କାର୍ଯ୍ୟକାରୀ ହୋଇଥାଏ । ତେବେ ଏହି ଘୋଷଣା ପ୍ରତିବର୍ଷ ବିଳମ୍ବରେ ହିଁ ହୋଇଥାଏ । ଯେପରି ଜାନୁଆରୀ ପାଇଁ ମହଙ୍ଗା ଭତ୍ତା ନିଷ୍ପତ୍ତି ମାର୍ଚ୍ଚରେ ନିଆଯାଇଛି । ସେହିଭଳି ଜୁଲାଇ ପାଇଁ ନିଷ୍ପତ୍ତି ସେପ୍ଟେମ୍ବର-ଅକ୍ଟୋବରରେ ନିଆଯାଇଥାଏ । କିନ୍ତୁ ଏହା ବଢିବା ଦ୍ୱାରା ସରକାରୀ କର୍ମଚାରୀଙ୍କ ଦରମା ବୃଦ୍ଧି ହୋଇଥାଏ l

Like this article?

Hey! I am Tanushree Mahapatra. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News