ପିଜୁଳି ଚାଷରେ ମିଳିବ ସରକାରୀ ଅନୁଦାନ ....!

govt scheme facility in guava farming, image source - pexels

ଚାଷୀଙ୍କ ପାଇଁ ଖୁସି ଖବର l ଚାଷ କରିବାକୁ ଏଥର ସରକାର ଦେବେ ସହାୟତା l ବିହାର ସରକାର ଏବେ ନିଜ ରାଜ୍ୟର ଚାଷୀମାନଙ୍କୁ ପିଜୁଳି ଚାଷ ପାଇଁ ସବସିଡି ଦେବେ। ପ୍ରକୃତରେ, ରାଜ୍ୟର ନୀତିଶ କୁମାର ସରକାର ପିଜୁଳି ଚାଷକୁ ପ୍ରୋତ୍ସାହିତ କରୁଛନ୍ତି ଏବଂ ଏଥିପାଇଁ, ପିଜୁଳି ଚାଷ କରୁଥିବା ଚାଷୀମାନଙ୍କୁ ସରକାର ସବସିଡି ଦେଉଛନ୍ତି।

ଆପଣଙ୍କୁ କହିରଖୁଛୁ ଯେ ସରକାର କଦଳୀ ଏବଂ ପପିତା ଚାଷକୁ ମଧ୍ୟ ପ୍ରୋତ୍ସାହିତ କରୁଛନ୍ତି। ଯଦି ଆମେ ବିହାରର ଗୋପାଳଗଞ୍ଜ ବିଷୟରେ କହିବାକୁ ଗଲେ, ଚଳିତ ବର୍ଷ ଉଦ୍ୟାନ ବିଭାଗ ଜିଲ୍ଲାରେ ୧୦୦ ହେକ୍ଟର ଜମିରେ ପିଜୁଳି ବାଣିଜ୍ୟିକ ଚାଷ ପାଇଁ ପଦକ୍ଷେପ ନେଇଛି। ଏହି ଅଭିଯାନ ଅଧୀନରେ, କଦଳୀ ଏବଂ ପପିତା ସହିତ ପିଜୁଳି ଚାଷକୁ ପ୍ରୋତ୍ସାହିତ କରାଯିବ।

ଅନୁଦାନ ପରିମାଣ

ଏହି ଫଳ ଚାଷ କରୁଥିବା ଚାଷୀମାନଙ୍କୁ ମଧ୍ୟ ସବସିଡି ମିଳିବ। ପିଜୁଳି, ପପିତା ଏବଂ କଦଳୀ ପାଇଁ ଭିନ୍ନ ଭିନ୍ନ ସବସିଡି ପରିମାଣ ସ୍ଥିର କରାଯାଇଛି। ଏହି ଫଳ ଚାଷ କରୁଥିବା ଚାଷୀମାନଙ୍କୁ ସବସିଡି ଦେବା ସହିତ, ସେମାନଙ୍କୁ ଉନ୍ନତ ପଦ୍ଧତିରେ ଫଳ ଚାଷ କରିବା ପାଇଁ ତାଲିମ ମଧ୍ୟ ଦିଆଯିବ। ଜିଲ୍ଲା କୃଷି ଅଧିକାରୀ ଭୂପେନ୍ଦ୍ର ମଣି ତ୍ରିପାଠି କୁହନ୍ତି ଯେ ପ୍ରଥମ ପର୍ଯ୍ୟାୟରେ ଜିଲ୍ଲାରେ ୧୦୦ ହେକ୍ଟର ଜମିରେ ପିଜୁଳିର ବାଣିଜ୍ୟିକ ଚାଷ କରିବାକୁ ଲକ୍ଷ୍ୟ ରଖାଯାଇଛି। ଏଥିପାଇଁ ସମସ୍ତ ବ୍ଲକ ପାଇଁ ଲକ୍ଷ୍ୟ ମଧ୍ୟ ସ୍ଥିର କରାଯାଇଛି।

ସେ କହିଥିଲେ ଯେ ପ୍ରତି ହେକ୍ଟରରେ ୧୧୧୦ଟି ପିଜୁଳି ଗଛ ଲଗାଯିବ। ପ୍ରତି ଗଛର ମୂଲ୍ୟ ୩୦ ଟଙ୍କା। ଚାଷୀମାନଙ୍କୁ ସବସିଡିରେ ଗଛ ଉପଲବ୍ଧ କରାଯିବ। ପ୍ରଥମ ବର୍ଷ ଯେତେବେଳେ ୯୦ ପ୍ରତିଶତ ଗଛ ବଢ଼ିଯିବ, ସେତେବେଳେ ପିଜୁଳି ଚାଷ କରୁଥିବା ଚାଷୀମାନଙ୍କୁ ସବସିଡି ଦିଆଯିବ। ସବସିଡି ରାଶି ଚାଷୀଙ୍କ ଆକାଉଣ୍ଟକୁ ପଠାଯିବ। ଏହା ସହିତ, ଚାଷୀମାନଙ୍କୁ ଉନ୍ନତ ପଦ୍ଧତିରେ ପିଜୁଳି ଚାଷ କରିବା ପାଇଁ ତାଲିମ ମଧ୍ୟ ଦିଆଯିବ। ସେ କହିଛନ୍ତି ଯେ ପିଜୁଳି ଚାଷ ପାଇଁ ଚାଷୀ ଚୟନ ପ୍ରକ୍ରିୟା ଆରମ୍ଭ ହୋଇଛି ।

Read more

ଗୋଖାଦ୍ୟ ପାଇଁ ପୌଷ୍ଟିକ ଶସ୍ୟ ବିଲସୁଆଁ ବା ଜାଡ଼ି ...!

ଏହି ସ୍ୱାଦିଷ୍ଟ ଫଳର ରହିଛି ଚମତ୍କାର ଗୁଣ,ଉପକାରିତା ଜାଣିଲେ ଆଶ୍ଚର୍ଯ୍ୟ ହୋଇଯିବେ....