ଡିଜିଟାଲ୍ ଫସଲ ସର୍ବେକ୍ଷଣରେ କ'ଣ ରହିଛି ସୁବିଧା ?

What are the advantages of digital crop survey ?

ଚଳିତ ୨୦୨୪ ବର୍ଷରେ ୧୬ ଅଗଷ୍ଟ ରୁ ୧୫ ସେପ୍ଟେମ୍ବର ମଧ୍ୟରେ ଡିଜିଟାଲ୍ ଫସଲ ସର୍ବେକ୍ଷଣ ହୋଇଥିଲା l ରାଜ୍ୟରେ ସ୍ଥାନୀୟ ସର୍ବେକ୍ଷଣକାରୀମାନେ ନିଜ ମୋବାଇଲ୍ ଆପ୍ ମାଧ୍ୟମରେ ଫସଲର କ୍ଷେତ୍ରସ୍ତରୀୟ ପ୍ରକୃତ ଏବଂ ସଠିକ୍ ତଥ୍ୟ ସଂଗ୍ରହ କରିଥାନ୍ତି I ଏହି ସର୍ବେକ୍ଷଣରେ ସହଯୋଗ କରିବା ପାଇଁ ରାଜ୍ୟରେ ସମସ୍ତ ଚାଷୀ ଭାଇ ଓ ଭଉଣୀମାନଙ୍କୁ ସୂଚନା ପ୍ରଦାନ କରିଥାନ୍ତି ରାଜ୍ୟ ସରକାର I ତେବେ ଏହା କିପରି , କାହିଁକି ଏବଂ କ'ଣ ଲାଭ ସୁବିଧା ରହିଛି ଆସନ୍ତୁ ଜାଣିବା l

ସର୍ବେକ୍ଷଣରେ ସହଯୋଗ କରିବା କିପରି ?

- ରାଜ୍ୟର ସମସ୍ତ ଜିଲ୍ଲାରେ ଥିବା ଗ୍ରାମରେ ହେବ ଡିଜିଟାଲ୍ ଫସଲ ସର୍ବେକ୍ଷଣ

- ସ୍ଥାନୀୟ ସର୍ବେକ୍ଷଣକାରୀ ମୋବାଇଲ ମାଧ୍ୟମରେ ତଥ୍ୟ ସଂଗ୍ରହ କରିବେ

- ତେଣୁ ଚାଷୀ ନିଜର ନାମ , ଆଧାର କାର୍ଡ , ଜମି ତଥ୍ୟ ,ଫସଲ ତଥ୍ୟ ସର୍ବେକ୍ଷଣକାରୀଙ୍କୁ ପ୍ରଦାନ କରିବେ

- ଗ୍ରାମରେ ଥିବା ଭାଗ ଚାଷୀ ନିଜ ଜମି ମାଲିକଙ୍କ ଠାରୁ ଅନୁମତି ପତ୍ର ଆଣିବେ

- ଏଥିପାଇଁ କୃଷକ ଓଡ଼ିଶା ପୋର୍ଟାଲରେ ପଞ୍ଜିକରଣ କରାଇ ନିଅନ୍ତୁ

- ତଥ୍ୟରେ କୌଣସି ଆପତ୍ତି ରହିଥିଲେ agristack.gov.inରେ ଅଭିଯୋଗ କରନ୍ତୁ

ଡିଜିଟାଲ ଫସଲ ସର୍ବେକ୍ଷଣ କାର୍ଯ୍ୟ କୃଷି ବିଭାଗ, ରାଜସ୍ବ ବିଭାଗ ଏବଂ ଅନ୍ୟାନ୍ୟ ଆନୁଷଙ୍ଗିକ କୃଷି ବିଭାଗ ଯଥା- ମୃତ୍ତିକା ସଂରକ୍ଷଣ ବିଭାଗ, ଉଦ୍ୟାନ ବିଭାଗ, ଯୋଜନା ଓ ପରିସଂଖ୍ୟାନ ବିଭାଗର ପଞ୍ଚାୟତ ଓ ଜିଲ୍ଲା ସ୍ତରୀୟ ଅଧିକାରୀଙ୍କର ତତ୍ତ୍ଵାବଧାନରେ କରାଯାଇଥାଏ ।

ଡିଜିଟାଲ୍ ଫସଲ ସର୍ବେକ୍ଷଣ ମାଧ୍ୟମରେ ଚାଷୀଙ୍କ ଲାଭ :-

- କୃଷି କ୍ଷେତ୍ର ପରିମାଣ ଏବଂ ଫସଲ ପରିଚାଳନାର ସଠିକ ନିଷ୍ପତ୍ତି

- ସରଳ ହେବ ଫସଲ ବୀମା ଆବେଦନ ପ୍ରକ୍ରିୟା

- ସହଜ ହେବ ସୁଗମ ଯୋଗାଣ ଏବଂ ବିପଣନ ପ୍ରକ୍ରିୟା

- ଚାଷୀଙ୍କ ପାଇଁ ପ୍ରଚଳିତ ହୋଇଥିବା ସରକାରୀ ଯୋଜନାରେ ସାମିଲ ହେବା

- ଡିଜିଟାଲ ମାଧ୍ୟମରେ ଚାଷ ଓ ଆନୁସଙ୍ଗିକ ତଥ୍ୟକୁ ସୁରକ୍ଷିତ ଭାବେ ସଂରକ୍ଷଣ କରି ରଖିବା

ଡିଜିଟାଲ୍ ଫସଲ ସର୍ବେକ୍ଷଣରେ କ'ଣ ରହିଛି ସୁବିଧା ?

- ସହଜ ଏବଂ ସରଳ ଭାବେ ସମୟାନୁମୋଦିତ ଫସଲ କ୍ଷେତ୍ର ଆକଳନ

- ଚାଷୀଙ୍କ ପାଇଁ ସରଳ ଭାବେ ଋଣ ପ୍ରଦାନ ମାଧ୍ୟମ

- ପ୍ରକୃତ ବୀମାକରୀଙ୍କୁ ଚିହ୍ନଟ କରିବା ଏବଂ ଫସଲ ବୀମା କ୍ଷେତ୍ରରେ ସଠିକ ପ୍ରିମିୟମ ଗଣନା କରିବା

- ଫସଲର ସହଜ ବିବିଧିକରଣ ପ୍ରସ୍ତୁତି

- ଚାଷୀଙ୍କ ପାଇଁ ବିପଣନ କେନ୍ଦ୍ର ସ୍ଥାପନ କରିବା ନିମନ୍ତେ ଆଗୁଆ ଯୋଜନା

- ବିଭିନ୍ନ କୃଷି ଯୋଜନାର ତଦାରଖ , ଯେପରି କୌଣସି ଚାଷୀ ଠକାମୀର ଶିକାର ନ ହୁଅନ୍ତୁ

- ଚାଷ କରୁଥିବା ଚାଷୀଙ୍କୁ ଚାଷ ଆବଶ୍ୟକତା ଅନୁଯାୟୀ ବ୍ୟକ୍ତିଗତ ପରାମର୍ଶ ପ୍ରଦାନ

ଅଧିକ ପଢ଼ନ୍ତୁ

ଜାଣନ୍ତୁ, କୃଷି ମହାକୁମ୍ଭରେ କେଉଁ ବଡ଼ ବଡ଼ କମ୍ପାନୀ ହେଲେ ସାମିଲ !

ଦେଶର ରାଜଧାନୀ ଦିଲ୍ଲୀରେ ଆୟୋଜିତ ହେବ କୃଷି ମହାକୁମ୍ଭ