ଆମ ରୋଷେଇ ଘରେ ଏମିତି ଅନେକ ମସଲା ରହିଛି, ଯେଉଁଥିରେ ଔଷଧୀୟ ଗୁଣ ଭରପୁର ମାତ୍ରାରେ ରହିଅଛି । ସ୍ୱାସ୍ଥ୍ୟ ପାଇଁ ଖୁବ୍ ଉପକାରୀ ଏହି ସବୁ ମସଲା ମଧ୍ୟରୁ ଡାଲଚିନି ହେଉଛି ଅନ୍ୟତମ । ଡାଲଚିନିରେ ଅଧିକ ମାତ୍ରାରେ ଔଷଧୀୟ ଗୁଣ ରହିଛି ।
ଡାଲଚିନିର ଗୁଣ୍ଡକୁ କ୍ଷୀରରେ (Cinnamon milk)ମିଶାଇ ପିଇଲେ, ଏହାର ଉପକାରିତା ଦୁଇ ଗୁଣା ବଢ଼ିଯାଏ । ଏବେ ଚାଲନ୍ତୁ ଜାଣିବା, ଡାଲିଚିନି ଗୁଣ୍ଡକୁ କ୍ଷୀର ସହ ମିଶାଇ ପିଇଲେ ଶରୀରକୁ କି କି ଫାଇଦା ସବୁ ମିଳିଥାଏ...
-ଡାଲ୍ଚିନି ଗୁଣ୍ଡକୁ କ୍ଷୀରରେ (Cinnamon milk)ମିଶାଇ ପିଇଲେ କ୍ଷୀରରେ ଥିବା ଆଣ୍ଟି ବ୍ୟାକ୍ଟେରିଆଲ ଗୁଣ ବଢ଼ିଯାଏ । ଏହା ଦ୍ୱାରା ଶରୀରରେ ରୋଗ ପ୍ରତିରୋଧ କ୍ଷମତା ବୃଦ୍ଧି ପାଇଥାଏ ।
-ଡାଲଚିନି ଗୁଣ୍ଡ ସହ କ୍ଷୀରର ମିଶ୍ରଣ ମଧୁମେହ ସମସ୍ୟା ଦୂର କରିବା ସହ ଇମ୍ୟୁନୋ ସିଷ୍ଟମ୍କୁ ମଧ୍ଯ ମଜବୁତ୍ କରିଥାଏ ।
-ଗଣ୍ଠି ଦରଜ ଓ ଅସ୍ଥି ଦୁର୍ବଳତାକୁ ଦୂର କରିବା ପାଇଁ କ୍ଷୀରରେ ଗୋଟିଏ ଚାମଚ ଡାଲ୍ଚିନି ଗୁଣ୍ଡ ଓ ଗୋଟିଏ ଚାମଚ ମହୁ ପକେଇ ପ୍ରତିଦିନ ପିଅନ୍ତୁ । ଏହା କର୍କଟ ଭଳି ରୋଗରୁ ମଧ୍ୟ ରକ୍ଷା କରିଥାଏ ।
-ଡାଲଚିନି ମିଶ୍ରିତ କ୍ଷୀରରେ କର୍କଟ ରୋଗ ନିରାକରଣ ଗୁଣ ରହିଛି। ଏହା ପିଇଲେ ଗଳାର ସମସ୍ୟା ତଥା ଗଳା ଦରଜ ଓ ଗଳା ପଡ଼ିଯିବାରୁ ମୁକ୍ତି ମିଳିଥାଏ।
-ଡାଲଚିନି ଗୁଣ୍ଡ ମିଶ୍ରିତ କ୍ଷୀର (Cinnamon milk) ଶରୀର ଓ କେଶର ବିଭିନ୍ନ ସମସ୍ୟାକୁ ସୁଧାରି ଦିଏ ।
-ଡାଇବେଟିସ ଆକ୍ରାନ୍ତମାନଙ୍କ ପାଇଁ ଡାଲଚିନି ଗୁଣ୍ଡ ସହ କ୍ଷୀର ମିଶାଇ ପିଇବା ଖୁବ୍ ଲାଭଦାୟକ । ଡାଲଚିନି ମିଶ୍ରିତ କ୍ଷୀର ବ୍ଲଡ୍ ସୁଗର ଲେବଲ୍କୁ ନିୟନ୍ତ୍ରଣ କରିଥାଏ ।
-ଖାସ କରି ରାତିରେ ଶୋଇବା ପୂର୍ବରୁ ଆପଣ ଗୋଟିଏ କପ ଡାଲଚିନି ଗୁଣ୍ଡ ମିଶ୍ରିତ କ୍ଷୀର ସେବନ କରନ୍ତୁ । ଏହା ଦ୍ୱାରା ଖୁବ୍ ଭଲ ନିଦ ହେବ ।
ପ୍ରସ୍ତୁତି ପ୍ରଣାଳୀ,ଜାଣନ୍ତୁ...
ଡାଲଚିନି ଗୁଣ୍ଡ ଓ କ୍ଷୀରର (Cinnamon milk) ମିଶ୍ରଣ ତିଆରି କରିବା ପାଇଁ କ୍ଷୀରକୁ ସିଝାଇ ରଖନ୍ତୁ । ଏଥିରେ ଅଳ୍ପ ଡାଲଚିନି ଗୁଣ୍ଡ ପକାଇ ସିଝାଇ ଦିଅନ୍ତୁ । ତାକୁ ଅଧିକ ସିଝାଇବେନି । ଅଳ୍ପ ମିଠା କରିବା ପାଇଁ ଏଥିରେ ମହୁ ପକାଇ ପାରିବେ । ଏବେ ଏହାକୁ ପିଅନ୍ତୁ ।