ରକ୍ତହୀନତା ସମସ୍ୟାରୁ ମୁକ୍ତି ଦିଏ ଧନିଆ ପତ୍ର

Health benefits of coriander leaf

ଉତ୍ତମ ଶରୀର ପାଇଁ ପ୍ରତିଦିନ ଖାଆନ୍ତୁ ଧନିଆ ପତ୍ରସାଧାରଣତଃ ତରକାରୀରେ ସ୍ୱାଦ ବଢ଼ାଇବା ପାଇଁ ଧନିଆ ପତ୍ରର ବ୍ୟବହାର କରାଯାଏ । ଏହାକୁ ପକାଇବା ଦ୍ୱାରା ତାରକାରୀର ସ୍ୱାଦ ଦ୍ୱିଗୁଣିତ ହୋଇଯାଏ । କିନ୍ତୁ ଆପଣ ଜାଣିଛନ୍ତି କି ଏହା ଶରୀର ପାଇଁ ମଧ୍ୟ ଖୁବ ଲାଭଦାୟକ ହୋଇଥାଏ। କେବଳ ସ୍ୱାଦ ନୁହେଁ ବରଂ ଏହା ଶରୀରରେ ଥିବା ରୋଗ ପ୍ରତିରୋଧକ ଶକ୍ତିକୁ ମଧ୍ୟ ବଢ଼ାଇଥାଏ । ନିମ୍ନଲିଖିତ ଏହି ରୋଗ ପାଇଁ ଶରୀର ପାଇଁ ଫଇଦାମନ୍ଦ ହୋଇଥାଏ ଧନିଆ ପତ୍ର । ଧନିଆ ଏକ ଗୁଳ୍ମ ଜାତୀୟ ଉଦ୍ଭିଦ ଯାହା ୩୦ରୁ ୯୦ ସେ.ମି. ଯାଏ ବଢ଼ିଥାଏ । ଏହା ଏକ ଭଲ ମସଲା ଭାବେ ଲୋକପ୍ରିୟ । ଏହାର ପତ୍ର ଓ ଫଳ ଭଭୟକୁ ମସଲା ରୂପେ ବ୍ୟବହାର କରାଯାଏ ।

ଧନିଆପତ୍ର କେବଳ ଯେ ଖାଦ୍ୟର ସ୍ୱାଦ ବଢ଼ାଇ ଥାଏ ତାହା ନୁହେଁ, ଏଥିରେ ସିଲାଣ୍ଟ୍ରୋ ମାଙ୍ଗାନିଜ, ଡାଇଟାରି ଫାଇବର, ମାଗ୍ନେସିୟମ, ଆଇରନ, ଭିଟାମିନ୍‌ ସି, ଭିଟାମିନ୍‌ କେ ଏବଂ ପୁଷ୍ଟିସାର ଭରି ରହିଛି । ତେବେ ଆସନ୍ତୁ ଜାଣିବା ପ୍ରତିଦିନ ଧନିଆ ପତ୍ର ଖାଇବା ଦ୍ୱାରା ଶରୀରକୁ କେଉଁ ସବୁ ଲାଭ ମିଳିଥାଏ । 

ଧନିଆ ପତ୍ର ମଧୁମେହ ରୋଗୀଙ୍କ ପାଇଁ ବେଶ ଭଲ ହୋଇଥାଏ । ଏହା ଶରୀରରେ ରକ୍ତ ସର୍କରାର ସ୍ତରକୁ ନିୟନ୍ତ୍ରଣରେ ରଖିଥାଏ । ଏହାକୁ ନିୟମିତ ଖାଇବା ଦ୍ୱାରା ବ୍ଲଡରେ ଇନସୁଲିନର ମାତ୍ରା ନିୟନ୍ତ୍ରଣ ରହିଥାଏ ।

ଧନିଆ ଏକ ଭଲ ମସଲା । ଏହାର ମଞ୍ଜିକୁ ଓ ପତ୍ରକୁ ମସଲା ରୂପେ ଅନେକ ପ୍ରକାରର ଭାରତୀୟ ବ୍ୟଞ୍ଜନରେ ବ୍ୟବହାର କରାଯାଏ । ଏହାର ପତ୍ର ସହିତ ତେନ୍ତୁଳି ମିଶାଇ ସ୍ୱାଦିଷ୍ଠ ଚଟଣୀ ମଧ୍ୟ କରାଯାଏ ।  ଧନିଆ ମଞ୍ଜିକୁ ପାନର ମସଲା ରୂପେ ମଧ୍ୟ ଉପଯୋଗ କରାଯାଏ ।

ଧନିଆ ପତ୍ର ସେବନ ଦ୍ୱାରା ଏହି ସବୁ ସମସ୍ୟାକୁ ଉପଶମ ମିଳିଥାଏ

• ଧନିଆପତ୍ର ରକ୍ତହୀନତା ସହ ହୃତପିଣ୍ଡ ରୋଗୀଙ୍କ ପାଇଁ ମଧ୍ୟ ଲାଭଦାୟକ ହୋଇଥାଏ ।
• ଧନିଆପତ୍ର ଏନିମିଆ ଭୋଗୁଥିବା ରୋଗୀମାନଙ୍କ ପାଇଁ ଉତ୍କୃଷ୍ଟ ହୋଇଥାଏ। ଏଥିରେ ପ୍ରଚୁର ପରିମାଣରେ ଆଇରନ୍‌ ଥାଏ ଯାହା ଏନିମିଆକୁ ଦୂର କରିଥାଏ ।
• ଧନିଆପତ୍ର ହାନିକାରକ କୋଲେଷ୍ଟ୍ରୋଲର ମାତ୍ରାକୁ କମ୍‌ କରି ଲାଭଦାୟକ କୋଲେଷ୍ଟ୍ରୋଲର ମାତ୍ରାକୁ ବଢ଼ାଇଥାଏ । ଏଥିସହିତ ଏହା ହଜମ ପ୍ରକ୍ରିୟାପାଇଁ ଅତ୍ୟନ୍ତ ଫଳପ୍ରଦ ହୋଇଥାଏ ।
• ମଧୁମେହ ରୋଗୀଙ୍କ ପାଇଁ ଧନିଆଁପତ୍ର ଉପଯୋଗୀ ସାବ୍ୟସ୍ତ ହୋଇଥାଏ । ଏହା ଶରୀରରୁ ଇନସୁଲିନ କ୍ଷରଣକୁ ଉତ୍ତେଜିତ କରିଥାଏ ଏବଂ ବ୍ଲଡ୍‌ ସୁଗାର ମାତ୍ରାକୁ କମ୍‌ କରିଥାଏ ।
• ଧନିଆପତ୍ର ସ୍ନାୟୁଗତ ସମସ୍ୟା ପାଇଁ ମଧ୍ୟ ଉପଯୁକ୍ତ ହୋଇଥାଏ ।

କିନ୍ତୁ ଆପଣମାନେ ଜାଣନ୍ତି କି, ମୁଖ କୁଞ୍ଚନରୁ ଦୂରେଇ ରଖିବାରେ କେମିତି ସାହାଯ୍ୟ କରେ ଧନିଆ ପତ୍ର । ତେବେ ଆସନ୍ତୁ ଜାଣିବା ସେ ବିଷୟରେ ।

ଚାଉଳ ଚୂନା ସହିତ ଧନିଆ ପତ୍ର ପେଷ୍ଟ ଏବଂ ଅଳ୍ପ ଲେମ୍ବୁ ରସ ମିଶାଇ ତ୍ବଚାରେ ଲଗାଇବେ । ଏହା ଶୁଖିବା ପରେ, ତ୍ବଚାକୁ ଧୋଇ ସଫା କରିବେ ।ଏହା ଦ୍ବାରା , ମୁଖ କୁଞ୍ଚନ ସମସ୍ୟା କମ୍ ହୋଇଥାଏ ।

ଧନିଆ ପତ୍ରରୁ ପ୍ରସ୍ତୁତ ପେଷ୍ଟରେ , ଆଲୋଭେରା ଜେଲ ଏବଂ ଲେମ୍ବୁ ରସ ମିଶାଇ ଏକ ପେଷ୍ଟ ପ୍ରସ୍ତୁତ କରିବେ । ତାପରେ ଏହି ପେଷ୍ଟକୁ ନେଇ ତ୍ବଚାରେ ଲଗାଇ ୨୦ ରୁ ୨୫ ମିନିଟ ଯାଏଁ ଛାଡିବେ । ତାପରେ ସଫା ପାଣିରେ ତ୍ବଚାକୁ ଧୋଇବେ । ସପ୍ତାହକୁ ୨ ରୁ ୩ ଥର ଏହାକୁ ତ୍ବଚାରେ ବ୍ୟବହାର କରି ପାରିବେ । ଯାହା ଦ୍ବାରା, ମୁଖ କୁଞ୍ଚନ ସମସ୍ୟା କମ ହୁଏ ।