ବର୍ତ୍ତମାନ ଆମ ଲାଇଫଷ୍ଟାଇଲ୍ ଏଭଳି ଭାବେ ପରିବର୍ତ୍ତନ ହୋଇଛି ଯେ ବୟସ ବଢ଼ିବା ପୂର୍ବରୁ ହିଁ ବିଭିନ୍ନ ପ୍ରକାରର ରୋଗ ମାଡ଼ି ବସୁଥିବା ଦେଖିବାକୁ ମିଳୁଛି । ବିଶେଷ କରି ଆପଣ ଯଦି ଦେଖିବେ ଛୋଟ ଛୋଟ ପିଲାମାନଙ୍କ ଦୃଷ୍ଟି ଶକ୍ତି ଏବେକା ସମୟରେ ଖୁବ୍ କମଜୋର ହୋଇ ପଡ଼ୁଥିବା ଦେଖିବାକୁ ମିଳୁଛି । ପ୍ରଥମତଃ ପ୍ରଦୂଷଣର ପ୍ରଭାବ ପୂର୍ବ ତୁଳନାରେ ଖୁବ୍ ଅଧିକ ବଢ଼ି ଯାଇଛି । ଦ୍ୱିତୀୟତଃ ଆଜିକାଲି ଅନେକ ମୋବାଇଲ୍, ଲାପଟପ୍, ଟିଭି ସ୍କ୍ରିନ୍ ଇତ୍ୟାଦି ଅଧିକ ବ୍ୟବହାର କରିବା ଦ୍ୱାରା ଏହା ଆଖିକୁ ଅଧିକ ପ୍ରଭାବିତ କରିଥାଏ ।
ଏପରି ସମୟରେ, ଦୃଷ୍ଟି ଶକ୍ତିକୁ ତୀକ୍ଷ୍ଣ କରିବା ଏକ ଚ୍ୟାଲେଞ୍ଜଠାରୁ କମ୍ ନୁହେଁ । ଏଭଳି ପରିସ୍ଥିତିରେ ଆଖିକୁ ସୁସ୍ଥ ରଖିବା ପାଇଁ ଆମକୁ ପର୍ଯ୍ୟାପ୍ତ ପରିମାଣରେ ପୁଷ୍ଟିକର ଖାଦ୍ୟ ଖାଇବା ଆବଶ୍ୟକ ।ବାସ୍ତବରେ, ଅଧିକାଂଶ ଲୋକ ବିଶ୍ୱାସ କରନ୍ତି ଯେ ଆଖିକୁ ସୁସ୍ଥ ରଖିବା ପାଇଁ କେବଳ ଭିଟାମିନ୍ ଯଥେଷ୍ଟ, କିନ୍ତୁ ବିଶେଷଜ୍ଞଙ୍କ ଅନୁଯାୟୀ ଆଖିକୁ ସୁସ୍ଥ ରଖିବା ପାଇଁ ଦୃଷ୍ଟି ଶକ୍ତିକୁ ଶସକ୍ତ କରିବା ପାଇଁ ୯ ପ୍ରକାରର ଭିଟାମିନ୍ ଏବଂ ଅନ୍ୟାନ୍ୟ ପୁଷ୍ଟିକର ଖାଦ୍ୟ ଆବଶ୍ୟକ ।ହେଲ୍ଥଲାଇନ ସମ୍ବାଦ ଅନୁଯାୟୀ, ଭିଟାମିନ୍ ଏ ବ୍ୟତୀତ ଭିଟାମିନ୍ ଇ, ଭିଟାମିନ୍ ସି, ଭିଟାମିନ୍ ବି 6, ବି 9, ବି 12, ରାଇବୋଫ୍ଲାଭିନ, ନିୟାସିନ୍, ଲ୍ୟୁଟିନ୍, ଜିଆକ୍ସାଣ୍ଟିନ୍, ଓମେଗା ଫ୍ୟାଟି ଏସିଡ୍, ଥିଏମାଇନ୍ ଦୃଷ୍ଟିଶକ୍ତିରେ ଉନ୍ନତି ଆଣିବା ଆବଶ୍ୟକ ।
ଆଖି ପାଇଁ ଅତ୍ୟାବଶ୍ୟକ ଭିଟାମିନ୍-
- ଭିଟାମିନ୍-A: ଭିଟାମିନ୍ ଏ ଆଖିକୁ ସୁସ୍ଥ ରଖିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଭିଟାମିନ୍ ଏ ଆଖିର ବାହ୍ୟ ସ୍ତର କର୍ଣ୍ଣିଆକୁ ମଜବୁତ କରିଥାଏ ।ଏହା ବ୍ୟତୀତ ଭିଟାମିନ୍ ଏ କାରଣରୁ ଆମେ କମ୍ ଆଲୋକରେ ମଧ୍ୟ ଦେଖିବାରେ ସକ୍ଷମ ହୋଇଥାଉ ।ଭିଟାମିନ୍ ଏ ଅଭାବରୁ ଅନେକ ଲୋକ ଅନ୍ଧାରକଣା ରୋଗର ମଧ୍ୟ ଶୀକାର ହୋଇଥାନ୍ତି । ଭିଟାମିନ୍ ଏ ପାଇଁ ଆଳୁ, ସବୁଜ ପନିପରିବା, ସାଗ, କଖାରୁ, କ୍ୟାପସିକମ୍ ଖାଇବା ଉଚିତ୍ ।
- ଭିଟାମିନ୍-E: ଭିଟାମିନ୍ ଇ ହେଉଛି ଏକ ପ୍ରକାର ଆଣ୍ଟିଅକ୍ସିଡାଣ୍ଟ ଯାହା ଆଖିର କୋଷକୁ ସୁରକ୍ଷା ଦେଇଥାଏ । ଏହା ମୁକ୍ତ ରେଡିକାଲ୍ ଏବଂ ଅକ୍ସିଡେଟିଭ୍ ଚାପ ଦ୍ୱାରା ଆଖିକୁ କ୍ଷତି ପହଞ୍ଚାଇବାରୁ ରକ୍ଷା କରିଥାଏ । ଭିଟାମିନ୍ ଇ ପାଇଁ ବାଦାମ, ସେଲମନ, ଆଭୋକାଡୋ, ସବୁଜ ପତ୍ରଯୁକ୍ତ ପନିପରିବା ଖାଇବା ଉଚିତ୍ ।
- ଭିଟାମିନ୍-C: ଭିଟାମିନ୍ ସି ମଧ୍ୟ ଭିଟାମିନ୍ ଇ ପରି ଏକ ଆଣ୍ଟିଅକ୍ସିଡାଣ୍ଟ ଯାହା ଆଖିକୁ ମୁକ୍ତ ରେଡିକାଲର କ୍ଷତିକାରକ ପ୍ରଭାବରୁ ରକ୍ଷା କରିଥାଏ ।ଭିଟାମିନ୍ ସି କୋଲାଜେନ୍ ଉତ୍ପାଦନକୁ ବଢ଼ାଇଥାଏ ଯାହା ଆଖିର ଗଠନକୁ ସୁନ୍ଦର କରିବା ପାଇଁ କାର୍ଯ୍ୟ କରିଥାଏ । ଭିଟାମିନ୍ ସି ମୋତିଆବିନ୍ଦୁ ହେବାର ଆଶଙ୍କାକୁ ହ୍ରାସ କରିଥାଏ। ଭିଟାମିନ୍ ସି ପାଇଁ ସାଇଟ୍ରସ୍ ଫଳ, କ୍ୟାପସିକମ୍, ଫୁଲକୋବି, ବନ୍ଧାକୋବି ଇତ୍ୟାଦି ଖାଇବା ଉଚିତ୍ ।
- ଭିଟାମିନ୍-B6, 9 ଏବଂ B12: ଭିଟାମିନ୍ B6, 9 ଏବଂ ଭିଟାମିନ୍ B12 ଆଖି ଫୁଲିବାରୁ ରକ୍ଷା କରିଥାଏ ।ଯଦି ଆଖିରେ ଫୁଲା ଥାଏ, ତେବେ AMD ରୋଗ ହେବାର ଆଶଙ୍କା ବଢ଼ିଯାଏ । ଏହି ଭିଟାମିନ୍ ପାଇଁ ମଟନ୍, ସାର୍ଡିନ୍ ମାଛ, ବାଦାମ, କଖାରୁ ମଞ୍ଜି, ଭାତ ଖାଇବା ଉଚିତ୍ ।
- ରାଇବୋଫ୍ଲାଭିନ: ରିବୋଫ୍ଲାଭିନ ହେଉଛି ଏକ ପ୍ରକାର ଭିଟାମିନ୍ ବି । ଏହାକୁ ଭିଟାମିନ୍ B2 କୁହାଯାଏ । ଏହାର ଆଣ୍ଟିଅକ୍ସିଡାଣ୍ଟ ଶରୀରରେ ଅକ୍ସିଡେଟିଭ୍ ଚାପକୁ ହ୍ରାସ କରିଥାଏ । ହ୍ରାସ ହୋଇଥିବା ଅକ୍ସିଡେଟିଭ୍ ଚାପ ଆଖିକୁ ଆରାମ ଦେଇଥାଏ । ଭିଟାମିନ୍ B2 ପାଇଁ କ୍ଷୀର, ଓଟସ୍, ବଟରମିଲ୍କ, ମଟନ୍, ପୁରା ଶସ୍ୟ ଖାଇବା ଉଚିତ୍ ।