ଆଖି ପାଇଁ ୪ଟି ବ୍ୟାୟାମ, ଜାଣନ୍ତୁ...

improve your vision naturally eye exercises

ବ୍ୟାୟାମ ଦ୍ୱାରା ମାନସିକ ସ୍ୱାସ୍ଥ୍ୟ ମଧ୍ୟ ଭଲ ରହେ, ବିଷାଦ ଦୂର ହୁଏ, ଯୁକ୍ତାତ୍ମକ ମନୋବଳ ବୃଦ୍ଧି ହୁଏ ଏବଂ ସୁସ୍ଥ ଶରୀରର ଯୌନକ୍ଷମତା ବୃଦ୍ଧି ହୁଏ । ବ୍ୟାୟାମ ଏକ ଶାରୀରିକ କ୍ରିୟା ଯାହାଦ୍ୱାରା ଦେହ ସୁସ୍ଥ ଓ କାର୍ଯ୍ୟକ୍ଷମ ହୋଇଥାଏ । ଶାରୀରିକ ଦକ୍ଷତା ବଜାୟ ରଖିବା ନିମନ୍ତେ ବ୍ୟାୟାମ ଅତି ଗୁରୁତ୍ତ୍ୱପୂର୍ଣ୍ଣ ଅଟେ । ସ୍ୱାସ୍ଥ୍ୟପ୍ରଦ ଓଜନ, ଶକ୍ତି ସମ୍ପର୍ଣ୍ଣ ମାଂସପେଶୀ, ଗଣ୍ଠିର ଚଳନ କ୍ଷମତା, ସଠିକ ଶରୀର କ୍ରିୟାତତ୍ତ୍ୱ ପ୍ରଦାନ ନିମନ୍ତେ ବ୍ୟାୟାମ ଆବଶ୍ୟକ ।

ଆଜିର ବ୍ୟସ୍ତବହୁଳ ଜୀବନଶୈଳୀରେ, ଦୁନିଆରେ ସବୁଠାରୁ ସାଧାରଣ ରୋଗ ହେଉଛି ଚିନ୍ତା ଏବଂ ଅସ୍ଥିରତା । ଯାହାକୁ ଏନ୍‌ଜାଇଟି ମଧ୍ୟ କୁହାଯାଏ । ସୂଚନା ଅନୁଯାୟୀ, ବର୍ତ୍ତମାନ ଏକ ଅନୁସନ୍ଧାନରୁ ଜଣାପଡିଛି ଯେ ନିୟମିତ ବ୍ୟାୟାମ କରିବା ଏନ୍‌ଜାଇଟିକୁ ରୋକିବାରେ ସାହାଯ୍ୟ କରିଥାଏ ।  ମନୁଷ୍ୟ ବିଭିନ୍ନ ଇଚ୍ଛା ପୁରଣ ନିମନ୍ତେ ବ୍ୟାୟାମ କରେ ଯଥା ଓଜନ କମେଇବା ବା ସ୍ଥିର ରଖିବା, ମାଂସପେଶୀ ସୁଦୃଢ଼ କରିବା, କ୍ରୀଡ଼ା କୌଶଳରେ ଶୀର୍ଷକୁ ଯିବା, ନିର୍ଦ୍ଦିଷ୍ଟ ଗଣ୍ଠିମାନଙ୍କୁ ଚଳନକ୍ଷମ ରଖିବା ଓ ଆନନ୍ଦ ପାଇବା ନିମନ୍ତେ କରାଯାଏ । ନିୟମିତ ଓ ବାରମ୍ବାର ବ୍ୟାୟାମ କଲେ ପ୍ରତିରେଧକ ଶକ୍ତି ବଢ଼ିଥାଏ ତଥା ହୃତ୍‌ପିଣ୍ଡ ଓ ରକ୍ତନଳି ରୋଗ, ଡାଏବେଟିସ ଓ ମେଦ ବହୁଳତା ଆଦି ରୋଗମାନଙ୍କୁ ପ୍ରତିରୋଧ ହୋଇଥାଏ ।

ଆମେ ଶରୀରର ଅନ୍ୟ ଅଙ୍ଗ ଉପରେ ଧ୍ୟାନ ଦେଇଥାଉ ହେଲେ ଅନେକ ସମୟରେ ଆଖିକୁ ଅଣଦେଖା କରିଥାଉ । ଆଖିକୁ ସୁସ୍ଥ ରଖିବା ପାଇଁ ବ୍ୟାୟାମ ନିହାତି ଆବଶ୍ୟକ । ଅଧିକ ସମୟ ଧରି ଫୋନ୍‌ ଦେଖିବା ଓ ନିଦ ସମ୍ପୂର୍ଣ୍ଣ ନହେଲେ ଆଖିକୁ ଆରାମ ମିଳିପାରେ ନାହିଁ । ଏଥିପାଇଁ କିଛି ଯୋଗ ଓ ବ୍ୟାୟାମ କରି ଆପଣ ଚାହିଁଲେ ଆଖିକୁ ସୁସ୍ଥ ରଖିପାରିବେ ।

ଆଖିର ୪ଟି ବ୍ୟାୟାମ ରହିଛି, ଯାହାକୁ ପ୍ରତିଦିନ କରିବା ଦ୍ୱାରା ଦୃଷ୍ଟିଶକ୍ତି ବୃଦ୍ଧି ପାଇବ । ଆସନ୍ତୁ ଜାଣିବା ଏସବୁ କିପରି କରିବେ ?

ଅଧିକ ସମୟ ବସି କାମ କରୁଥିଲେ, ପ୍ରତି ୩ କିମ୍ୱା ୪ ଘଣ୍ଟାରେ ଆଖିକୁ କିଛି ସମୟ ପାଇଁ ବନ୍ଦ କରନ୍ତୁ । କମ୍ପ୍ୟୁଟର ସାମ୍ନାରେ ବସୁଥିଲେ, ଏପରି ପୂରା ଦିନରେ ୪ରୁ ୫ ଥର କରନ୍ତୁ । ଏହାଦ୍ୱାରା ଆଖିକୁ ଆରାମ ମିଳିବ ।

ଆରାମଦାୟକ ମୁଦ୍ରାରେ ବସି ଆଖି ପତାକୁ ବାରମ୍ୱାର ପକାନ୍ତୁ । ଏହାପରେ ଆଖିକୁ କିଛି ସମୟ ବନ୍ଦ କରି ଲମ୍ୱା ନିଃଶ୍ୱାସ ନିଅନ୍ତୁ ।

ଲମ୍ୱା ନିଃଶ୍ୱାସ ନିଅନ୍ତୁ । ଦୁଇ ହାତ ପାପୁଲିକୁ ଗରମ ହେବା ପର୍ଯ୍ୟନ୍ତ ଘଷନ୍ତୁ । ଗରମ ହେବା ପରେ ପାପୁଲିକୁ ନେଇ ଆଖି ଉପରେ ରଖନ୍ତୁ । ଆଖିକୁ ବନ୍ଦ ରଖି ଏହିପରି ୨ରୁ ୩ ଥର କରନ୍ତୁ । ଏପରି କଲେ, ଆଖିକୁ ଆରାମ ମିଳିବ ।

ସିଧା ହୋଇ ବସନ୍ତୁ। ଦୁଇ ଆଖିର ଡୋଳାକୁ ମଝିରେ ରଖନ୍ତୁ । ଏହାପରେ ବାମ ହାତର ଆଙ୍ଗୁଳିକୁ ଦେଖି ଡୋଳାକୁ ମଝିକୁ ଆଣନ୍ତୁ। ପୁଣି ଥରେ ଡାହାଣ ହାତ ଆଙ୍ଗୁଳିକୁ ଦେଖି ଡୋଳାକୁ ମଝିକୁ ଆଣନ୍ତୁ। ଏହି ପ୍ରକ୍ରିୟାକୁ ବାରମ୍ୱାର କରନ୍ତୁ । ଏହି ବ୍ୟାୟାମ କରି ସାରିବା ପରେ ଆଖିକୁ କିଛି ସମୟ ବନ୍ଦ କରନ୍ତୁ । ଏହାକୁ ପ୍ରତିଦିନ କଲେ, ଦେଖିବେ ଆଖିର ଦୃଷ୍ଟିଶକ୍ତି ବୃଦ୍ଧି ପାଇବ ।