ପାରିବା ମଧ୍ୟରେ ସ୍ୱାସ୍ଥ୍ୟ ପାଇଁ ସବୁଠୁ ହିତକର ପାରିବା କଲରା ହୋଇଥାଏ | କଲରାରେ ଔଷଧୀୟ ଗୁଣ ଭରପୁର ରହିଥାଏ | ବିଭିହ୍ନ ପ୍ରକାର ରୋଗ ପାଇଁ ଏହା ମହା ଔଷଧି ଭାବରେ କାମ କରେ କହିଲେ ଅତ୍ୟୁକ୍ତି ହେବ ନାହିଁ | କାଲରା ମଧ୍ୟରେ ସବୁ ପ୍ରକାର ଗୁଣ ଭରପୁର ରହିଥିଲେ ମଧ୍ୟ ଏହା ପାଟିକୁ ପିତା ଓ ଆସ୍ବାଦୀଷ୍ଟକର ଲାଗୁଥିବାରୁ ଅଧିକାଂଶ ଲୋକ ଏହାକୁ ଘୃଣା କରୁଥିବାର ଦେଖିବାକୁ ମିଳେ | ଆଜି ଆମେ ଆପଣଙ୍କୁ କହିବୁ କେଉଁ ଭଳି ଭାବେ କଲରା ଖାଇଲେ ଏହାର ପିତାପଣ ଦୂର ହେବା ସହ ପାଟିକୁ ସ୍ୱାଦିଷ୍ଟ ଲାଗିବ |
- କଲରାର(Bitter gourd) ପିତା ଅଂଶକୁ ଦୂର କରିବା ପାଇଁ ଏଥିରେ ଲୁଣ ଲଗାଇ କିଛି ସମୟ ରଖି ଦିଅନ୍ତୁ | ଏହାପରେ ଅଳ୍ପ ସିଝାଇ ସିଝା ପାଣିକୁ ବାହାର କରି ରୋଷେଇ କରନ୍ତୁ | ଦେଖିବେ କଲରା ଆଉ ପିତା ଲାଗିବ ନାହିଁ |
- କଲରାକୁ ରୋଷେଇ କରିବା ପୂର୍ବରୁ ଏହାକୁ ଚାଞ୍ଛି ଦିଅନ୍ତୁ | କଲରାର ମଞ୍ଜି (Bitter gourd) ଅଧିକ ପିତା ଲାଗିଥାଏ, ତେଣୁ ଏହାକୁ କାଟି ଭିତରେ ଥିବା ସମସ୍ତ ମଞ୍ଜିକୁ କାଢ଼ି ଦିଅନ୍ତୁ ଏହାପରେ ରୋଷେଇ କରନ୍ତୁ | ଏହା କରିବା ଦ୍ୱାରା କଲରାର ପିତାପଣ ଦୂର ହୋଇଯିବ |
– କଲରାରୁ (Bitter gourd) ପିତାପଣ ଦୂର କରିବା ପାଇଁ ପ୍ରଥମେ ତାକୁ ଛୋଟ ଛୋଟ କାଟି ନିଅନ୍ତୁ। ଏହାପରେ ସେଥିରେ ଦହି ମିଶାଇ ଏକ ଘଣ୍ଟା ଭିଜାଇ ରଖନ୍ତୁ। ଏଭଳି କରିବା ଦ୍ୱାରା ଆଉ କଲରା ପିତା ଲାଗିନଥାଏ।
– କଲରାରୁ ପିତା ଅଂଶ ଦୂର କରିବା ପାଇଁ ପ୍ରଥମେ ଏହାକୁ ଚାଞ୍ଛି ଦିଅନ୍ତୁ। ଏହାପରେ ସେଥିରେ ଲୁଣ ଏବଂ ଅଟା ଗୋଳାଇ ଏକ ଘଣ୍ଟା ରଖନ୍ତୁ। ପରେ ଏହାକୁ ଧୋଇ ରୋଷେଇ କରନ୍ତୁ।
– କଲରା (Bitter gourd) ରୋଷେଇ କରିବା ସମୟରେ ସେଥିରେ ପିଆ, ପାନମଧୁରୀ କିମ୍ବା ବାଦମା ନିଶ୍ଚିତ ରୂପେ ବ୍ୟବହାର କରନ୍ତୁ। ଏସବୁ କଲରାର ପିତା ଅଂଶକୁ ଦୂର କରିବାରେ ସାହାଯ୍ୟ କରିଥାଏ।