![Olive oil](https://ocdn.krishijagran.com/media/4265/untitled.png)
Olive oil
ଅଲିଭ ଅଏଲର ଗୋଟିଏ ନୁହେଁ ବହୁତ ପ୍ରକାରର ଉପକାରିତା ଥାଏ l ଏଥିରେ ଥିବା ଭିଟାମିନ-ଇ ବଢୁଥିବା ବୟସର ପ୍ରଭାବକୁ ହ୍ରାସ କରିଥାଏ ଓ ସୂର୍ଯ୍ୟଙ୍କର ଅତିବାଇଗଣୀ ରଶ୍ମିରୁ ତ୍ୱଚାକୁ ରକ୍ଷା କରିଥାଏ l ଏହା ଆମ ତ୍ୱଚା ପାଇଁ ଏକ ମହୌଷଧୀର କାମ କରିଥାଏ l ଏହି ତେଲରେ ଆଣ୍ଟିଏଜିଙ୍ଗ୍ ଗୁଣ ରହିଥାଏ l
ଅଲିଭ ଅଏଲ ବ୍ୟବହାର କରିବାର ପ୍ରକ୍ରିୟା
ଯଦି ଆପଣମାନେ ଏହି ତେଲକୁ ସବୁଦିନ ଦେହରେ ଲଗାଇ ମାଲିଶ କରିବେ, ଏହା ଆପଣଙ୍କୁ ଲମ୍ବା ସମୟ ପର୍ଯ୍ୟନ୍ତ ସତେଜ ସୁନ୍ଦର ରଖିଥାଏ l
ଅଲିଭ ଅଏଲ ଓ ଗୋଲାପ ତୈଳର ମିଶ୍ରଣ
ଅଲିଭ ଅଏଲ ଓ ଗୋଲାପ ତୈଳକୁ ମିଶାଇ ଏହାକୁ ୧ଘଣ୍ଟା ପାଇଁ ଛାଡ଼ିଦିଅନ୍ତୁ l ଏହା ପରେ ଏକ ନରମ ତଉଲିଆରେ ପୋଛିଦିଅନ୍ତୁ l ଏହି ମିଶ୍ରଣ ଆପଣଙ୍କ ତ୍ୱଚା ପାଇଁ ଲାଭଦାୟକ ହୋଇଥାଏ l
ଅଲିଭ ଅଏଲ ଓ ଅଁଳା
ଆପଣ ଏହି ତେଲ ସହ ଅଁଳାକୁ ମଧ୍ୟ ମିଶ୍ରଣ କରି ଲଗାଇପାରିବେ l ଏହା ମଧ୍ୟ ଆପଣଙ୍କ ତ୍ୱଚାକୁ ସତେଜ ରଖିଥାଏ l ଏହି ମିଶ୍ରଣକୁ ବନାଇବା ପାଇଁ ଆପଣ ୧ଚାମଚ ଅଲିଭ ଅଏଲର କିଛି ବୁନ୍ଦା ଓ ଅଁଳାକୁ ମିଶାଇ ମସାଜ କରନ୍ତୁ l ୧୫ ରୁ ୨୦ ମିନିଟ ରହିଲା ପରେ ଏହାକୁ ଧୋଇଦିଅନ୍ତୁ l
ଅଲିଭ ଅଏଲ ଓ ନଡ଼ିଆ ତେଲ
ଅଲିଭ ଅଏଲ ଓ ନଡ଼ିଆ ତେଲକୁ ସମାନ ମାତ୍ରାରେ ନିଅନ୍ତୁ l ଏକାଠି ମିଶାନ୍ତୁ ଓ ନିଜ ତ୍ୱଚାରେ ଧୀରେ ଧୀରେ ମାଲିଶ କରନ୍ତୁ l ଏହା ତ୍ୱଚା ପାଇଁ ବହୁତ ଲାଭଦାୟକ ହୋଇଥାଏ l
ଅଲିଭ ଅଏଲ ଓ କଦଳୀର ମିଶ୍ରଣ
ଏହି ତେଲ ସହିତ ପାଚିଲା କଦଳୀକୁ ମିଶାଇ ଲଗାଇବା ଦ୍ଵାରା ଏହା ଆପଣଙ୍କ ବଢୁଥିବା ବୟସକୁ ଓ ସଙ୍କୁଚିତ ହେଉଥିବା ତ୍ୱଚାକୁ ଠିକ ରଖିଥାଏ l ଏହା କରିବା ପାଇଁ ଆପଣ କିଛି ପାଚିଲା କଦଳୀକୁ ତେଲ ସହ ମିଶେଇ ଏକ ପେଷ୍ଟ ତିଆରି କରନ୍ତୁ l ଏହାକୁ ମୁଁହ ଓ ବେକରେ ଲଗାଇ କିଛି ସମୟ ପରେ ଧୋଇଦିଅନ୍ତୁ l ଏହା ଆପଣଙ୍କ ଚେହେରାକୁ ସୁନ୍ଦର ଓ ସତେଜ ରଖିଥାଏ l
Share your comments