ଯଦି ଆପଣଙ୍କ ରକ୍ତରେ ସୁଗାର ପରିମାଣ ଅଧିକ, ତେବେ ଅନ୍ୟାନ୍ୟ ସମସ୍ୟା ବଢିପାରେ । ଏପରି ପରିସ୍ଥିତିରେ ଆପଣମାନଙ୍କୁ ଏପରି ଜିନିଷ ଖାଇବାକୁ ପଡିବ ଯାହା ଦ୍ୱାରା ସୁଗାର ନିୟନ୍ତ୍ରିତ ଅବସ୍ଥାରେ ରହିବ । ଏହା ସହିତ, ବ୍ୟାୟାମ ପାଇଁ ମଧ୍ୟ ବିଶେଷ ଧ୍ୟାନ ଦେବାକୁ ପଡିବ ।
ଯଦି ଆପଣ ଶରୀରରେ ସୁଗାର୍ ଲେବଲ କମ୍ କରିବାକୁ ଚାହୁଁଛନ୍ତି, ତେବେ ପ୍ରତିଦିନ ସକାଳେ କ୍ଷୀର (Milk) ପିଅନ୍ତୁ । ସୁଗାର ନିୟନ୍ତ୍ରଣ କରିବା ସହିତ ଏହା ଶକ୍ତି ମଧ୍ୟ ଦେଇଥାଏ । ତେବେ ଚାଲନ୍ତୁ ଜାଣିବା ଆପଣ କ୍ଷୀରକୁ କିପରି ବ୍ୟବହାର କରିବେ…
ହଳଦୀ କ୍ଷୀର
କୋରୋନା କାଳରେ ରୋଗ ପ୍ରତିରୋଧକ ଶକ୍ତି ବଜାୟ ରଖିବା ପାଇଁ ହଳଦୀ କ୍ଷୀର ପିଅନ୍ତୁ । ରୋଗ ପ୍ରତିରୋଧକ ଶକ୍ତି ବୃଦ୍ଧି ସହିତ ଏହା ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ଅଟେ । ହଳଦୀରେ ଆଣ୍ଟି-ଇନ୍ଫ୍ଲାମେଟୋରୀ ଏବଂ ଆଣ୍ଟି-ଅକ୍ସିଡାଣ୍ଟ ଗୁଣ ରହିଥାଏ ଯାହା ମଧୁମେହର ଆଶଙ୍କା ହ୍ରାସ କରିବାରେ ସାହାଯ୍ୟ କରିଥାଏ । ଶରୀରରେ ଇନସୁଲିନର ପରିମାଣକୁ ନିୟନ୍ତ୍ରଣ କରିବା ସହିତ ଏହା ଔଷଧକୁ ମଧ୍ୟ ପ୍ରଭାବିତ କରିଥାଏ । ବିଶେଷଜ୍ଞଙ୍କ ଅନୁଯାୟୀ, ଦଳଦୀ କ୍ଷୀର ମଧୁମେହ ରୋଗୀଙ୍କ ପାଇଁ ଅତ୍ୟନ୍ତ ଲାଭଦାୟକ ।
ପ୍ରତିଦିନ ହଳଦୀ ମିଶ୍ରିତ କ୍ଷୀର ପିଇବା ଦ୍ଵାରା ରକ୍ତ ସଫା ହୋଇଥାଏ । ଏହା ସହିତ ଶରୀରରେ ରକ୍ତ ପ୍ରବାହ ବି ସଠିକ ରୂପରେ କାମ କରିଥାଏ ।
ହଳଦି ମିଶ୍ରିତ କ୍ଷୀରର ସେବନ କରିବା ଦ୍ଵାରା ହାଡ ବହୁତ ମଜବୁତ ହୋଇଥାଏ । ଏମିତିରେ ଗଣ୍ଠି ଓ ଶରୀରରେ ହେଉଥିବା ବ୍ୟଥାରୁ ବି ବହୁ ମୁକ୍ତି ମିଳିଥାଏ ।
ଏଥିରେ ଆନ୍ଟି-ଇଂଫ୍ଲେମେଟରୀ, ଆନ୍ଟି-ଅକ୍ସୀଡେଂଟ, ଆନ୍ଟି- ବ୍ୟାକ୍ଟେରିୟଲ ଗୁଣ ଭରପୁର ମାତ୍ରାରେ ମିଳିଥାଏ । ଯାହା ଦ୍ଵାରା ଏହାର ସେବନ କରିବା ଦ୍ଵାରା ରୋଗପ୍ରତିରୋଧକ ଶକ୍ତି ବି ବଢିଥାଏ । ଏହା ସହିତ ଶରୀରରେ ଇନଫେକସନ ଓ ରୋଗ ଗୁଡିକ ବି କମ ହୋଇଥାଏ ।
ଡାଲଚିନ କ୍ଷୀର
ଡାଲଚିନ ସ୍ୱାସ୍ଥ୍ୟ ପାଇଁ ବହୁତ ଉତ୍ତମ ହୋଇଥାଏ । ଏଥିରେ ଆଣ୍ଟି ଅକ୍ସିଡାଣ୍ଟ ଏବଂ ଆଣ୍ଟି ଇନ୍ଫ୍ଲାମେଟୋରୀ ଗୁଣ ଭରପୁର ରହିଥାଏ । ଯାହା ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଉଭୟ କ୍ଷୀର ଏବଂ ଡାଲଚିନରେ କ୍ୟାଲସିୟମ୍, ଆଇରନ୍, ପୋଟାସିୟମ୍ ଏବଂ ଭିଟାମିନରେ ଭରପୂର ରହିଥାଏ । ଏହା ବ୍ୟତୀତ ବିଟା କାରୋଟିନ୍, ଆଲଫା କାରୋଟିନ୍, ଲାଇକୋପିନ୍ ରହିଥାଏ ଯାହା ସୁଗାର ଲେବଲକୁ ବଜାୟ ରଖିବାରେ ସାହାଯ୍ୟ କରିଥାଏ । ଏହା ବ୍ୟତୀତ ଏହା ସଂକ୍ରମଣର ବିପଦକୁ ହ୍ରାସ କରିବାରେ ମଧ୍ୟ ସହାୟକ ହୋଇଥାଏ ।
ବାଦାମ କ୍ଷୀର
ବାଦାମ କ୍ଷୀର ଆପଣମାନଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ଆପଣ ସହଜରେ ଘରେ ବାଦାମ କ୍ଷୀର ତିଆରି କରିପାରିବେ । ବାଦାମ କ୍ଷୀରରେ କ୍ୟାଲୋରୀ କମ୍ ରହିଥାଏ ଏବଂ ଭିଟାମିନ୍ ଡି, ଇ ଏବଂ ଅନ୍ୟାନ୍ୟ ପୋଷକ ତତ୍ତ୍ୱରେ ଭରପୂର ହୋଇଥାଏ । ଏହା ପ୍ରୋଟିନ୍ ଏବଂ ଫାଇବରରେ ଭରପୂର ଅଟେ ଯାହା ଶରୀରରେ ଗ୍ଲୁକୋଜ୍ ସ୍ତରକୁ ବଜାୟ ରଖିବାରେ ସାହାଯ୍ୟ କରିଥାଏ ।
ଚାହା ସହ ଖାଆନ୍ତୁ ନାହିଁ ଏହି ୫ଟି ଜିନିଷ; ହୋଇପାରେ ବଡ଼ ଅସୁବିଧା
ଖାଲି ପେଟରେ ଖାଆନ୍ତୁ ନାହିଁ ଏସବୁ ଜିନିଷ, ନଚେତ ଭୋଗିବାକୁ ପଡିବ ବହୁ ସମସ୍ୟା