1. ଉଦ୍ୟାନ କୃଷି

ବିଶ୍ବ ବଜାରରେ ବଢୁଛି ଭାରତୀୟ ଡ୍ରାଗନ ଫଳର ଚାହିଦା

Shuvanshu Kar
Shuvanshu Kar
Dragon fruit Is the next big thing in Indian horticulture

Dragon fruit Is the next big thing in Indian horticulture

ଦେଶରେ ଉଦ୍ୟାନ କୃଷି(Indian horticulture ) ଫସଲ ଚାଷ ପାଇଁ ପାରମ୍ପାରିକ ପଦ୍ଧତି ଗ୍ରହଣ କରାଯାଉଥିଲା । ଏଥିରେ ଉତ୍ପାଦନ ଭଲ ହେଉଥଇଲା, କିନ୍ତୁ ପାଣିପାଗ ବଦଳିବା ଏବଂ ଅଦିନିଆ ବର୍ଷା ହେତୁ ଫସଲ ନଷ୍ଟ ହେବାର ଆଶଙ୍କା ରହିଥିଲା । ବର୍ତ୍ତମାନ ଚାଷୀମାନେ ଉନ୍ନତ କୌଶଳ ଆପଣାଉଛନ୍ତି । କେବଳ ଭାରତରେ ନୁହେଁ, ବୈଦେଶିକ ବଜାରରେ ମଧ୍ୟ ଭାରତର ଫଳ ଏବଂ ପନିପରିବାର ଚାହିଦା ବଢୁ ।

ଏହି ଉଦ୍ୟାନ କୃଷି ମଧ୍ୟରୁ କେତେକ ଉର୍ବର ଜମି ଆବଶ୍ୟକ କରନ୍ତି ନାହିଁ । ଆସନ୍ତୁ ଡ୍ରାଗନ୍ ଫଳର ଚାଷ ବିଷୟରେ ଆଲୋଚନା କରିବା । ବର୍ତ୍ତମାନ ପର୍ଯ୍ୟନ୍ତ ଥାଇଲ୍ୟାଣ୍ଡ, ଭିଏତନାମ, ଇସ୍ରାଏଲ୍, ଶ୍ରୀଲଙ୍କା ଏବଂ ଆମେରିକା ଭଳି ଦେଶରେ ଡ୍ରାଗନ୍ ଫଳ ଚାଷ କରାଯାଉଥିଲା । ହେଲେ ଏବେ ଭାରତର ତାମିଲନାଡୁ, ଆନ୍ଧ୍ରପ୍ରଦେଶ, କର୍ଣ୍ଣାଟକ, ମହାରାଷ୍ଟ୍ର, ଗୁଜୁରାଟ ଏବଂ ରାଜସ୍ଥାନର ଗରମ, ବାଲିଆ ଏବଂ ଆଦ୍ର ଜଳବାୟୁ ଅଞ୍ଚଳରେ ମଧ୍ୟ ଚାଷ କରାଯାଉଛି ।

ଡ୍ରାଗନ୍ ଫଳ ମୂଳତଃ ଏକ ଭାରତୀୟ ଫଳ ନୁହେଁ, କିନ୍ତୁ ପଦ୍ମ ଭଳି ଦେଖାଯାଉଥିବା ଏହି ଫଳ ଭାରତର ଅଧିକାଂଶ ଅଞ୍ଚଳରେ ଚାଷ କରାଯାଏ ଏବଂ ବିଦେଶକୁ ରପ୍ତାନି ହୁଏ । ବାସ୍ତବରେ, ଡ୍ରାଗନ୍ ଫଳ ବାଲିଆ ମାଟି ବ୍ୟତୀତ କମ୍ ଉର୍ବର ମୃତ୍ତିକାରେ ଚାଷ କରାଯାଇପାରେ । ଭାରତର ଅଧିକାଂଶ ଅଞ୍ଚଳର ମାଟି ଏବଂ ଜଳବାୟୁ ଏହି ଚାଷ ପାଇଁ ଉପଯୁକ୍ତ । ଡ୍ରାଗନ୍ ଫଳରେ ଫାଇବର, ଭିଟାମିନ୍, ମିନେରାଲ୍ସ ଏବଂ ଆଣ୍ଟି-ଅକ୍ସିଡାଣ୍ଟ ପରି ପୋଷକ ତତ୍ତ୍ୱରେ ଭରପୂର ରହିଛି । ଏହା ଉଚ୍ଚରକ୍ତଚାପ, ମଧୁମେହ, ସଂକ୍ରମଣ ଏବଂ କୋରୋନା ଭଳି ରୋଗ ଦୂର କରି ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ । କୋରୋନା ମହାମାରୀ ସମୟରେ ଏହାର ଚାହିଦାକୁ ଦୃଷ୍ଟିରେ ରଖି ଭାରତର କୃଷକମାନେ ମଧ୍ୟ ଏହାର ଚାଷ ଆରମ୍ଭ କରିଛନ୍ତି ।

ପ୍ରଚୁର ଲାଭ ପାଇଁ ଡ୍ରାଗନ ଫ୍ରୁଟ ଚାଷ

ଡ୍ରାଗନ୍ ଫ୍ରୁଟ୍ ବିଷୟରେ ଆପଣ ଜାଣନ୍ତି କି ? ?

ଡ୍ରାଗନ୍ ଫଳର ଚାଷ ପାଇଁ, ଆପଣ ମାତ୍ର 1 ଏକର ଜମିରେ 1700 ଗଛ ଲଗାଇ ଆରମ୍ଭ କରିପାରିବେ । ସଠିକ୍ ଭାବରେ ମଞ୍ଜି ବୁଣିବା ଏବଂ ପ୍ରତିରୋପଣ କରିବା ପରେ ଦ୍ୱିତୀୟ ବର୍ଷରେ ଫଳ ଧରିବା ଆରମ୍ଭ କରେ । ଯଦି ସଠିକ୍ ଟେକ୍ନୋଲୋଜି ସହିତ ଚାଷ କରାଯାଏ, ଡ୍ରାଗନ୍ ଫଳର କେବଳ ଗୋଟିଏ ଗଛରୁ 50ରୁ 60 ଫଳ ମିଳିପାରିବ, ଯେଉଁଥିରେ ଗୋଟିଏ ଫଳର ଓଜନ 400 ଗ୍ରାମ ଅଟେ ।

ଏହି ଉପାୟରେ, ସଠିକ୍ ଟେକ୍ନୋଲୋଜି ଏବଂ ଯତ୍ନ ସହିତ, ଏକ ଏକର ବଗିଚାରୁ ପ୍ରାୟ 10 ଟନ୍ ଉତ୍ପାଦନ କରି 10 ଲକ୍ଷ ରୋଜଗାର କରିପାରିବ । ମାର୍ଚ୍ଚ-ଜୁଲାଇ ପର୍ଯ୍ୟନ୍ତ ସମୟ ଡ୍ରାଗନ ଫଳ ଚାଷ ପାଇଁ ସର୍ବୋତ୍ତମ ବୋଲି ବିବେଚନା କରାଯାଏ । ମାର୍ଚ୍ଚରେ ମଞ୍ଜି ବୁଣିବା ଏବଂ ପ୍ରତିରୋପଣ କରିବା ପରେ, ଡ୍ରାଗନ୍ ଫଳ ଗଛରେ ମେ-ଜୁନଠାରୁ ଫୁଲ ଧରିବା ଆରମ୍ଭ ହୁଏ ଏବଂ ଡିସେମ୍ବର ସୁଦ୍ଧା ଏଥିରେ ଫଳ ଧରିଥାଏ ।

Like this article?

Hey! I am Shuvanshu Kar. Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran