ଉନ୍ନତମାନର ଚାଷ ପାଇଁ ବିଭିନ୍ନ ପ୍ରକାରର ଉନ୍ନତମାନର ମଞ୍ଜି ବା ବିହନର ଆବଶ୍ୟକତା ରହିଛି । କୃଷକମାନେ ବିଭିନ୍ନ ଗୁଣବତ୍ତା ଥିବା ବିଭିନ୍ନ ଫସଲର ମଞ୍ଜି ପାଇବା ଉଚିତ୍ ।ଏ ନେଇ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ସମୟରେ ସକ୍ରିୟତାର ସହ କାର୍ଯ୍ୟ କରି ଆସୁଛନ୍ତି । କୃଷି ବୈଜ୍ଞାନିକ ଏବଂ କୃଷି ବିଶେଷଜ୍ଞମାନେ ବିଭିନ୍ନ ଫସଲର ନୂତନ ଓ ଉନ୍ନତ କିସମର ଉଦ୍ଭାବନ ଓ ବିକାଶ ମଧ୍ୟ ଜାରି ରଖିଛନ୍ତି ।ଏହି ପର୍ଯ୍ୟାୟରେ ଚାଷୀଙ୍କ ପାଇଁ ଜାମ୍ମୁ କାଶ୍ମୀରରୁ ଏକ ଆଶ୍ୱସ୍ତି କଲା ଭଳି ଖବର ଆସିଛି। କୃଷକମାନଙ୍କ ପାଇଁ ଏଭଳି ଏକ ଭଲ ପ୍ରଜାତିର ଛତୁ ବିକଶିତ ହୋଇଛି ଯାହାଦ୍ୱାରା ଚାଷୀଙ୍କ ଆୟ ବୃଦ୍ଧି ପାଇବ।
ନୂତନ ପ୍ରଜାତିର NPS-5 ବିକଶିତ ହୋଇଛି-
ଗଣମାଧ୍ୟମ ରିପୋର୍ଟ ଅନୁଯାୟୀ ଜାମ୍ମୁ କାଶ୍ମୀରର କୃଷି ବିଭାଗ ଚାଷୀଙ୍କ ସ୍ୱାର୍ଥ ଦୃଷ୍ଟିରେ ରଖି ଏକ ପଦକ୍ଷେପ ନେଇଛି। ଛତୁ NPS-5ର ପ୍ରଜାତି କୃଷି ବିଭାଗ ସ୍ତରରୁ ବିକଶିତ ହୋଇଛି । ମଞ୍ଜି ସଫଳତାର ସହିତ ପରୀକ୍ଷା କରାଯାଇଛି ।ଏହି ପ୍ରଜାତିର ବିଶେଷତ୍ୱ ହେଉଛି ଏହା ଅତ୍ୟନ୍ତ ପ୍ରତିରୋଧକ ଏବଂ ଅତି ଶୀଘ୍ର ନଷ୍ଟ ହେବ ନାହିଁ ।
ସେପ୍ଟେମ୍ବରରେ ନୂଆ କିସମ ବଜାରକୁ ଆସିବ-
ସେପ୍ଟେମ୍ବରରେ ବଜାରରେ ଏହି ନୂତନ ପ୍ରକାରର ଛତୁ କିସମ ଉପଲବ୍ଧ ହେବାକୁ ଯାଉଛି ।ଜାମ୍ମୁ କାଶ୍ମୀରର କୃଷି ବିଭାଗ କୃଷକମାନଙ୍କୁ ବ୍ୟବସାୟିକ ଚାଷ ପାଇଁ ଉତ୍ସାହିତ କରୁଛି । ଏହି କାରଣରୁ ଏହାର ବିହନ ବଜାରରେ ଲଞ୍ଚ ହେବ। କୃଷି ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ବିକଶିତ ଦ୍ୱିତୀୟ ପ୍ରକାରର ଛତୁ ହେଉଛି NPS-5 । ଏହାର ଉନ୍ନତ କିସମ ମଧ୍ୟ ମଧ୍ୟ ତିଆରି କରାଯାଉଛି । ଚଳିତ ବର୍ଷ ସେପ୍ଟେମ୍ବର ମାସରୁ କୃଷକମାନଙ୍କୁ ଏହାର ବିହନ ବଣ୍ଟନ ଆରମ୍ଭ ହେବ ବୋଲି ଚେଷ୍ଟା କରୁଛନ୍ତି ରାଜ୍ୟ ସରକାର । ମଞ୍ଜି ଉପରେ ଏପର୍ଯ୍ୟନ୍ତ କରାଯାଇଥିବା ପରୀକ୍ଷା ସଫଳ ହୋଇଛି ।
ଏଗୁଡ଼ିକ ହେଉଛି NPS-5 ର ବିଶେଷତା-
-ନୂତନ କିସମର ଛତୁ NPS-5 କମ୍ କିମ୍ବା ଅଧିକ ଜଳ ଥିଲେ ମଧ୍ୟ ଅମଳ ଉପରେ ପ୍ରଭାବ ପକାଇବ ନାହିଁ ।
- ଅଧିକ ମାତ୍ରାରେ କାର୍ବନ ଡାଇଅକ୍ସାଇଡ୍ ଦ୍ୱାରା ଏହି ପ୍ରଜାତି ପ୍ରଭାବିତ ହୁଏ ନାହିଁ ।
-ସେଥିପାଇଁ ଏହା ନଷ୍ଟ ହେଉଥିବା ଫସଲ ଠାରୁ ଭିନ୍ନ ଅଟେ ।
- ବିଶେଷଜ୍ଞମାନଙ୍କ ମତରେ ବର୍ତ୍ତମାନ ପର୍ଯ୍ୟନ୍ତ ବଜାରରେ ଉପଲବ୍ଧ ଅଧିକାଂଶ ଛତୁ ଯଦି ଗୋଟିଏ କିମ୍ବା ଦୁଇ ଦିନ ବିକ୍ରି ନହୁଏ ତେବେ ଖରାପ ହେବାକୁ ଆରମ୍ଭ କରେ । କିନ୍ତୁ ନୂତନ କିସମ କ୍ଷେତ୍ରରେ ଏଭଳି ଦେଖାଯାଇ ନଥାଏ ।
- ଭଲ ଗୁଣବତ୍ତା ହେତୁ ଏହି ପ୍ରଜାତି ଛତୁର ବିହନ ଭଲ ମୂଲ୍ୟରେ ବିକ୍ରି ହେବା ନେଇ ଆଶା ରଖାଯାଇଛି ।
-ଏହାଦ୍ୱାରା ଚାଷୀଙ୍କ ଆୟ ବୃଦ୍ଧି ପାଇବ ।
ତେବେ ଦେଖିବାକୁ ଗଲେ ଛତୁ ଖାଇବା ବା କାହାକୁ ଭଲ ନ ଲାଗେ !ଛତୁ ଏକ ଫଙ୍ଗସ ଏବଂ ଏଥିରେ ଭରି ରହିଛି ପ୍ରଚୁର ମାତ୍ରାରେ ଭିଟାମିନ ଓ ମିନେରାଲ ।ଏଥିରେ ଉପଯୁକ୍ତ ମାତ୍ରାରେ ଫାଇବର ଓ ପ୍ରୋଟିନ ଥିବା ସହ ଏହା ଶରୀରର କୋଲେଷ୍ଟୋରେଲ କମାଏ ।ଛତୁ ନିରାମିଷ ବ୍ୟଞ୍ଜନର ଏକ ଗୁରୁତ୍ୱପୂର୍ଣ ଅଂଶ କହିଲେ ଭୁଲ ହେବ ନାହିଁ ।