Krishi Jagran odia
Menu Close Menu

ନଡ଼ିଆ ଷଡ଼େଇ ରେ ଲଗାନ୍ତୁ ଗଛ ..

Wednesday, 01 May 2019 07:06 AM
ଖରା ଦିନ ରେ ରାସ୍ତା ରେ ଆପଣ ପଇଡ ବିକାଳୀ ଙ୍କୁ ନିଶ୍ଚିନ୍ତ ଦେଖୁଥିବେ ଏବଂ ଏହା ସହ ଗ୍ରୀଷ୍ମ ଦାଉ ରୁ ରକ୍ଷା ପାଇବା ଲାଗି ପଇଡ ପାଣି କୁ ସଂଜୀବନୀ ପରି ନିଶ୍ଚିନ୍ତ ପିଇବାକୁ ଭଲପାଉଥିବେ |ତେବେ ଏହି ପଇଡ ପିଇଲା ପରେ ଆପଣ ଷଡ଼େଇ ଟିକୁ ଫୋପାଡ଼ି ଦେଉଥିବେ ମାତ୍ର ଏହାକୁ ବ୍ୟବହାର କରିବା ଲାଗି ଏକ ପ୍ରକୃଷ୍ଟ ଉପାୟ ହେଉଛି ସେଥିରେ ଗଛ ଲଗାଇବା |

ଏନେଇ ଗୁଜୁରାଟ ର ଏକ ଛୋଟ ଜିଲା ରେ ପ୍ଲାଷ୍ଟିକ ବ୍ୟବହାର ଉପରେ ସମ୍ପୂର୍ଣ କଟକଣା ଲଗାଇବା ଲାଗି ଆରମ୍ଭ କରାଯାଇଛି ଏହିପରି କିଛି ନୂତନ ପ୍ରକଳ୍ପ |ସେହି ଜିଲା ର ବନ ବିଭାଗ ଦ୍ୱାରା ଆରମ୍ଭ ହେଇଥିବା ଏହି ନୂତନ ପ୍ରଯୁକ୍ତି ଦ୍ୱାରା ପ୍ଲାଷ୍ଟିକ ରୁ ମୁକ୍ତି ମିଳିବ ସହ ,ଏହି ଅଦରକାରୀ ସଢ଼େଇ ମାନଙ୍କର ଏକ ଭିନ୍ନତମ ବ୍ୟବହାର କରାଯାଇପାରିବ |


ପୂର୍ବରୁ ବନ ବିଭାଗ ର ଅଧିକାରୀ ମାନେ ଜଙ୍ଗଲୀ ଗଛ ର ଚାରା ପ୍ରସ୍ତୁତି ଲାଗି ପତଳା ପ୍ଲାଷ୍ଟିକ ବିଶିଷ୍ଟ ଜରି ର ବ୍ୟବହାର କରୁଥିଲେ |ମାତ୍ର ପ୍ଲାଷ୍ଟିକ ହେତୁ ହେଉଥିବା ପ୍ରଦୂଷଣ କୁ ନଜର ରେ ରଖି ବର୍ତ୍ତମାନ ସେମାନେ ଏହି ନଡ଼ିଆ ଷଡ଼େଇ ର ବ୍ୟବହାର କରିବା ଆରମ୍ଭ କରିଛନ୍ତି ଏବଂ ଏଥିରେ ଚାରା ଗଛ ଅଧିକ ଉତ୍ତମ ମାନ ର ହୋଇଥିବାର ପ୍ରକାଶ ହୋଇଛି |

ଏଠାରେ ଉଲ୍ଲେଖନୀୟ ଯେ ବନ ବିଭାଗ ର ଅଧିକାରୀ ମାନେ ପ୍ରଥମେ ନୀଳଗିରି ,ତୁଳସୀ ,ଇତ୍ୟାଦି ୧୫୦୦ ଟି ଚାରା ନଡ଼ିଆ ଷଡ଼େଇ ରେ ମଞ୍ଜି ଲଗାଇଥିଲେ |
ବନ ବିଭାଗ ର ଡେପୁଟି କନ୍ସରଭେଟର ଏସ.କେ .ପାୱାର ଙ୍କ ଅନୁଯାୟୀ ପ୍ରଥମେଏହି ଷଡ଼େଇ ର ତଳ ଭାଗ କୁ କାଟି ଦିଆଯାଏ ଯାହା ଫଳରେ ,ଚାରା କୁ ସେଇ ନଡ଼ିଆ ଷଡ଼େଇ ସହ ଜମି ରେ ରୋପଣ କରି ହେବ |


ଏହା ଦ୍ୱାରା ଗଛ ର ଚେର ନଷ୍ଟ ହୁଏ ନାହିଁ ଏବଂ ତାକୁ ବଢିବା କୁ ଉଚିତ ଜାଗା ମଧ୍ୟ ମିଳିଥାଏ |ଏହା ବ୍ୟତୀତ ଏହି ନଡ଼ିଆ ଷଡ଼େଇ ୧୦୦ % ବାୟୋ- ଡିଗ୍ରେଡେଵଲ ମଧ୍ୟ ତେଣୁ ଏହା ଦ୍ୱାରା ପ୍ରଦୂଷଣ ମଧ୍ୟ ହୁଏ ନାହିଁ |

ତେଣୁ ନଡ଼ିଆ ଷଡ଼େଇ କୁ ନ ଫୋପାଡ଼ି ଏବେ ତା ମାଧ୍ୟମ ରେ ଏକ ନୂତନ ଜୀବନ ର ଆରମ୍ଭ କରିବା ସହ ଆପଣ ପରିବେଶ ର ସୁରକ୍ଷା ମଧ୍ୟ କରିପାରିବେ |

Share your comments


CopyRight - 2019 Krishi Jagran Media Group. All Rights Reserved.