Junior teachers recruitment fair
ନିଯୁକ୍ତି କ୍ଷେତ୍ରରେ ଗତକାଲି ମୋହନ ସରକାର ନେଇଛନ୍ତି ଏକ ବଡ ପଦକ୍ଷେପ l ଯାହା ରାଜ୍ୟର ଅନେକ ବେୱାଙ୍କର ଯୁବକ ଯୁବତୀଙ୍କୁ ଚାକିରୀ ପ୍ରଦାନ କରିବ l ଏକାଧିକ ଖାଲି ପଡିଥିବା ସ୍ଥାନରେ ନିଯୁକ୍ତି ପ୍ରଦାନ କରାଯିବ l ଶିକ୍ଷା କ୍ଷେତ୍ରରେ କ୍ୟାରିୟର ପାଇଁ ଇଚ୍ଛା ରଖିଥିବା ଯୁବପିଢୀଙ୍କ ପାଇଁ ଖୁସି ଖବର । କାରଣ, ଓଡ଼ିଶା ସରକାରଙ୍କ ତରଫରୁ ନିଯୁକ୍ତି ମେଳା ଖୁବ ଶୀଘ୍ର ଆୟୋଜନ ହେବାକୁ ଯାଉଛି । ସମସ୍ତ ସ୍କୁଲରେ ଶିକ୍ଷକ-ଶିକ୍ଷୟତ୍ରୀଙ୍କୁ ନିୟୋଜିତ କରାଯିବ ।
ଏହି ନିଯୁକ୍ତି ମେଳା ଜରିଆରେ ରାଜ୍ୟର କନିଷ୍ଠ ଶିକ୍ଷକମାନଙ୍କୁ ସରକାର ନିଯୁକ୍ତି ପତ୍ର ପ୍ରଦାନ କରିବେ । ତେବେ ରାଜ୍ୟରେ ପ୍ରଥମ ପର୍ଯ୍ୟାୟରେ ମୋଟ ୨୧ ହଜାର ନିଯୁକ୍ତି ପତ୍ର ପ୍ରଦାନ କରାଯିବା ନେଇ ଯୋଜନା କରିଛନ୍ତି ସରକାର l ଏହାମଧ୍ୟରେ ୧୮ ହଜାର କନିଷ୍ଠ ଶିକ୍ଷକଙ୍କୁ ମଧ୍ୟ ନିଯୁକ୍ତି ପ୍ରଦାନ କରାଯିବ। ନିଯୁକ୍ତି ମେଳା ଜରିଆରେ ରାଜ୍ୟ ସରକାର ନିଯୁକ୍ତି ପତ୍ର ପ୍ରଦାନ କରିବେ। ବିଭିନ୍ନ ବିଭାଗରେ ଖାଲି ପଡ଼ିଥିବା ସ୍ଥାନକୁ ପୂରଣ କରାଯିବା ପାଇଁ ଏ ହେଉଛି ସରକାରଙ୍କ ପ୍ରୟାସ l
ରାଜ୍ୟରେ ନିଯୁକ୍ତି ପ୍ରକ୍ରିୟାକୁ ଆହୁରି ଅଧିକ ସରଳୀକରଣ କରାଯିବ । ନିଯୁକ୍ତି ପରୀକ୍ଷା କମାଇବା ପାଇଁ ବିଭିନ୍ନ ପରୀକ୍ଷାକୁ ମଧ୍ୟ ଏକତ୍ରୀକରଣ କରାଯିବ ବୋଲି କୁହାଯାଉଛି । ଯାହା ଯୁବ ପିଢିଙ୍କୁ ଅଶ୍ଵସ୍ତି ପ୍ରଦାନ କରିବ l ନିଯୁକ୍ତି ପ୍ରକ୍ରିୟା ସମ୍ପର୍କରେ ମୁଖ୍ୟ ଶାସନ ସଚିବଙ୍କ ସମୀକ୍ଷା ବୈଠକରେ ଏ ସମ୍ପର୍କରେ ଆଲେଚନା କରାଯାଇଛି । ନିଯୁକ୍ତି ନିୟମରେ ବହୁ ଅନାବଶ୍ୟକ ବ୍ୟବସ୍ଥା ରହିଛି ଯାହାକୁ ଖୁବ ଶୀଘ୍ର ସମାଧାନ କରାଯିବ । କିଛି ପରୀକ୍ଷାରେ ମଧ୍ୟ ବହୁ ଅନାବଶ୍ୟକ ଯୋଜନା ଏବଂ ପାଠ୍ୟକ୍ରମ ରହିଥିବା ଆଲୋଚନା କରାଯାଇଛି । ଯାହା ଖୁବ ଶୀଘ୍ର ଆଲୋଚନା କରିବା ସହିତ ସମାଧାନ ମଧ୍ୟ କରାଯିବ l
ଅନୁରୂପ ଭାବେ ରାଜ୍ୟରେ ଏ ପର୍ଯ୍ୟନ୍ତ ୧ ଲକ୍ଷ ୩୪ ହଜାର ୬୭ ଟି ପଦ ଖାଲି ରହିଛି। ସେହି ମଧ୍ୟରୁ ମୋଟ ୯୩ ହଜାର ୫୨୪ ପଦରେ ନିଯୁକ୍ତି କରିବା ପାଇଁ ନିଯୁକ୍ତି କମିଟି ତରଫରୁ ଅନୁମୋଦନ ମଧ୍ୟ କରାଯାଇଛି । ଅନ୍ୟପଟେ ୮୦ ହଜାର ୧୭୩ ଟି ପଦରେ ନିଯୁକ୍ତି କରିବା ପାଇଁ ନିଯୁକ୍ତି ପ୍ରଦାନକାରୀ ସଂସ୍ଥାକୁ ମଧ୍ୟ ପରୀକ୍ଷା କରିବା ପାଇଁ ଅନୁମତି ପ୍ରଦାନ କରାଯାଇଛି । ରାଜ୍ୟରେ ରହିଥିବା ସମସ୍ତ କ୍ୟାଡରର ରୁଲ୍ ସହିତ ନିଯୁକ୍ତି ନିୟମ ସମ୍ପର୍କରେ ଆସନ୍ତା ୭ ଦିନ ମଧ୍ୟରେ ସମୀକ୍ଷା କରିବା ପାଇଁ ଆୟୋଜନ କରାଯାଇଛି । ଯଦି ବିଭାଗ କୌଣସି ନିୟମକୁ ଅନାବଶ୍ୟକ ମନେକରେ ତେବେ ତାହାକୁ ସେ ନିଜେ ସଂଶୋଧନ କରିପାରିବେ l
ଅଧିକ ପଢ଼ନ୍ତୁ
Share your comments