ଓଡ଼ିଶାର ଜନଜାତି ବହୁଳ ଅଞ୍ଚଳରେ ସ୍ୱତନ୍ତ୍ର କୃଷି ଉତ୍ପାଦନ କ୍ଲଷ୍ଟର ପ୍ରତିଷ୍ଠା ପାଇଁ ଗୁରୁତ୍ବ ଦେଉଛନ୍ତି ରାଜ୍ୟ ସରକାର । ଏହାରି ମଧ୍ୟରେ ଆଦିବାସୀ ବହୁଳ ବ୍ଲକକୁ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାର ଏହି ସ୍ୱତନ୍ତ୍ର କାର୍ଯ୍ୟକ୍ରମକୁ ଆହୁରି ବିସ୍ତାର କରିଛନ୍ତି । ଏହି ଯ଼ୋଜନା ଅଧିନରେ ଚାରିଟି ଜିଲ୍ଲାର ଜନଜାତି ବହୁଳ 14ଟି ବ୍ଲକ ସାମିଲ ହୋଇଛି ।
350ଟି ଉତ୍ପାଦକ ଗୋଷ୍ଠୀ (PGs)ଏବଂ 14 ଟି ଉତ୍ପାଦକ କମ୍ପାନୀ (PC)କୁ ପ୍ରୋତ୍ସାହିତ କରି 14 ଟି ଅତିରିକ୍ତ ବ୍ଲକର 4,200 ମହିଳା ସ୍ବଯଂସହାଯକ ଗୋଷ୍ଠୀ (WSHGs)ରୁ 42,000 ମହିଳା କୃଷକଙ୍କୁ ସହାୟତା କରିବାକୁ ଏହି ପ୍ରକଳ୍ପର ଲକ୍ଷ୍ୟ ରହିଛି । ଏହା ବ୍ୟତୀତ ବାର୍ଷିକ 14,000 ଏକର ଜମିରେ ଉଚ୍ଚମାନର ଫସଲ ଉତ୍ପାଦନ, 2800 ଏକର ଜମିରେ ଫଳ ବୃକ୍ଷରୋପଣ ଏବଂ 5,600 ଏକର ଜମି ପାଇଁ ଜଳସେଚନ ସମ୍ଭାବନା ସୃଷ୍ଟି କରିବା ଓ ପ୍ରାୟ 70 ପ୍ରତିଶତ ମହିଳା ଚାଷୀଙ୍କ ଆୟକୁ ଦ୍ୱିଗୁଣିତ କରିବା ଏହାର ଅନ୍ୟ ଉଦ୍ଦେଶ୍ୟ ।
ଏହି ଯୋଜନା ପାଇଁ 222 କୋଟି ଟଙ୍କା ଖର୍ଚ୍ଚ ହେବ । ସେଥିମଧ୍ୟରୁ DMF ଅଂଶ 27.75 କୋଟିରୁ ଅଧିକ ହେବ (ପ୍ରତି ବ୍ଲକ ପାଇଁ 1.91 କୋଟି ଟଙ୍କା)। 196.29 କୋଟି ଟଙ୍କା ବିଭିନ୍ନ ବିଭାଗ ଏବଂ ଯୋଜନାବଦ୍ଧ ଅନୁଷ୍ଠାନ ନିର୍ମାଣ ଏବଂ ଜୀବିକା ଭିତ୍ତିଭୂମି ସୃଷ୍ଟି ପାଇଁ ଯୋଜନାରୁ ସଂଗ୍ରହ କରାଯିବ ।
ସମ୍ପ୍ରତି ରାଜ୍ୟର 14 ଟି ଜିଲ୍ଲାର 72ଟି ବ୍ଲକରେ ଏପିସି ପ୍ରକଳ୍ପ କାର୍ଯ୍ୟକାରୀ ହୋଇଛି ଯାହାକି ପ୍ରାୟ 21,000 WSHG ରୁ 2,16,000 ମହିଳା ଚାଷୀଙ୍କୁ ସାମିଲ କରିବାକୁ ଲକ୍ଷ୍ୟ ରଖିଛି । ବିବିଧ ଫସଲ ଉତ୍ପାଦନ, ବଜାର ଲିଙ୍କେଜ୍ ପ୍ରତିଷ୍ଠା ଏବଂ ମହିଳା ସ୍ବଯଂ ସହାୟକ ଗୋଷ୍ଠୀ( WSHG)ସଦସ୍ୟଙ୍କ ଜୀବିକା ଉପରେ ପ୍ରଭାବ ପକାଇବା ପାଇଁ ରାଜ୍ୟର ଧ୍ୟାନକୁ ବିଚାରକୁ ନେଇ, ଏପିସି ପ୍ରକଳ୍ପ ନିର୍ଦ୍ଦିଷ୍ଟ ପରିମାଣରେ ବିଶେଷ ଅବଦାନ ଦେଉଛି ।
2018ରେ ଏହି ଯ଼ୋଜନା ଲଞ୍ଚ କରିଥିଲେ ରାଜ୍ୟ ସରକାର । କୃଷି ଉତ୍ପାଦନ କ୍ଲଷ୍ଟର ଯୋଜନା ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଢ଼ିପ ଜମିରେ ଉଦ୍ୟାନ କୃଷି ଭିତ୍ତିକ ଚାଷ ପାଇଁ ଏହି କ୍ଲଷ୍ଟର କାର୍ଯ୍ୟକାରୀ କରିବାର ଲକ୍ଷ ରହିଥଇଲା । ୪ ବର୍ଷ ମଧ୍ୟରେ ଢ଼ିପ ଜମି ଥିବା ୧୨ଟି ଜିଲ୍ଲାର ୪୦ଟି ବ୍ଲକରେ କ୍ଲଷ୍ଟର ପ୍ରତିଷ୍ଠା ପାଇଁ ଯୋଜନା ରହିଥଇଲା । ଏହାଦ୍ୱାରା ୧ ଲକ୍ଷ କ୍ଷୁଦ୍ର ଚାଷୀଙ୍କ ଆୟ ବୃଦ୍ଧି ସହ ୪୦୧ କୋଟି ଟଙ୍କା ଖର୍ଚ୍ଚ ଅଟକଳ ରଖିଛନ୍ତି ରାଜ୍ୟ ସରକାର ।
ସ୍ୱାବଲମ୍ବୀ ଓଡିଶା ଲାଗି ଶିଳ୍ପ ମହାକୁମ୍ଭ; ମେକ ଇନ ଓଡିଶା କନକ୍ଳେଭ ୨୦୧୮: