ପାଖରେ 2000 ଟଙ୍କିଆ ନୋଟ ରଖିଛନ୍ତି କି ? ଯାହାକୁ ନେଇ ଚିନ୍ତାରେ ପଡିଯାଇଛନ୍ତି କି ? ଚିନ୍ତା କରିବାର କୌଣସି କାରଣ ନାହିଁ । ଆଜି ମଙ୍ଗଳବାର (tuesday)ଠୁ ହିଁ ବ୍ୟାଙ୍କରେ ବଦଳ କରିପାରିବେ । କାରଣ ଆଜି ଠୁ 2000 ଟଙ୍କିଆ ନୋଟ ବଦଳ ସେବା ଆରମ୍ଭ ହେବ,ତେବେ ନିକଟସ୍ଥ ବ୍ଯାଙ୍କରେ ଏହାର ବଦଳ କରିପାରିବେ । ଏହି ସେବା କେବଳ ସେପ୍ଟେମ୍ବର 30 ଯାଏଁ ହିଁ ଉପଲବ୍ଧ । କିନ୍ତୁ ବ୍ଯାଙ୍କ ଯିବା ପୂର୍ବରୁ ଜାଣନ୍ତୁ RBIର ସୂଚନା...
RBIର ନିୟମ,ଜାଣନ୍ତୁ ....
-ସେପ୍ଟେମ୍ବର 30 ପର୍ଯ୍ୟନ୍ତ ବ୍ୟାଙ୍କଗୁଡିକରେ ନୋଟ୍ ଜମା / ପରିବର୍ତ୍ତନ କରାଯାଇପାରିବ
- ଏକ ସମୟରେ 2,000 ଟଙ୍କାର 10 ଟି ନୋଟ୍ ବଦଳାଯାଇପାରିବ
- ଏକ ଦିନରେ ବହୁ ଥର ନୋଟ୍ ଏକ୍ସଚେଞ୍ଜ କରିପାରିବ
-ଜମା ଉପରେ ନିୟମ, 50 ହଜାରରୁ ଅଧିକ ତେବେ ପାନ୍ ଆବଶ୍ୟକ ।
ସୂଚନା ଅନୁଯାୟୀ, ଲୋକମାନଙ୍କୁ ଟଙ୍କା ବଦଳାଇବା ପାଇଁ କୌଣସି ପରିଚୟ ପତ୍ରର ଆବଶ୍ୟକ ନାହିଁ । RBIର ମତ ଅନୁଯାୟୀ, ଟଙ୍କା ବଦଳାଇବା ପାଇଁ ଗ୍ରାହକମାନଙ୍କୁ ସବୁ ପ୍ରକାରର ସୁବିଧା ଯୋଗାଇ ଦିଆଯିବ।
ଆଜି ମଙ୍ଗଳବାର (tuesday) ଠାରୁ ବ୍ୟାଙ୍କରେ ଲୋକଙ୍କର ଜମିବ ପ୍ରବଳ ଭିଡ । ଲୋକମାନେ ଚାହିଁଲେ ବ୍ୟାଙ୍କରେ 2000 ଟଙ୍କିଆ ନୋଟ୍ ବଦଳାଇ 500 ଟଙ୍କିଆ, 200 ଟଙ୍କିଆ ଭଳି ଅନ୍ୟ ନୋଟ ମଧ୍ଯ ଆଣି ପାରିବେ ।
ପ୍ରକାଶ ଥାଉ ଯେ, ସୋମବାର(monday) ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ 2,000 ଟଙ୍କା ନୋଟ ପ୍ରତ୍ୟାହାର ନିଷ୍ପତ୍ତି ଦେଶର ଅର୍ଥନୀତିରେ ଅଧିକ ପ୍ରଭାବ ପକାଇବ ନାହିଁ।