ଯୋଜନାଗୁଡ଼ିକର କାର୍ଯ୍ୟାନ୍ୱୟନ ସମୟୋଚିତ, ସ୍ୱଚ୍ଛ ଏବଂ ଚାଷୀ-କୈନ୍ଦ୍ରିକ ହେବା ଉଚିତ - କେନ୍ଦ୍ର ମନ୍ତ୍ରୀ ଶ୍ରୀ ଶିବରାଜ ସିଂହ (Shri Shivraj Singh Chouhan)। ଛୋଟ ଚାଷୀମାନେ ସର୍ବାଧିକ ଲାଭ ପାଇବା ସହ ସେମାନଙ୍କର ଆୟ ବୃଦ୍ଧି କରିବା ଉଚିତ - ଶ୍ରୀ ଶିବରାଜ ସିଂହ। ଉଦ୍ୟାନ ଉତ୍ପାଦକୁ ଶୀଘ୍ର ନଷ୍ଟହେବାରୁ ରୋକିବା ତଥା ଜୀବନକାଳ ବୃଦ୍ଧି ପାଇଁ ରଣନୀତି ବିକଶିତ କରିବା ଉଚିତ - ଶ୍ରୀ ଶିବରାଜ ସିଂହ। କୃଷକମାନଙ୍କୁ କ୍ଷତି ରୋକିବା ପାଇଁ ଏନଏଚବି ସଚେତନତା କାର୍ଯ୍ୟକ୍ରମ କରିବା ଉଚିତ - ଶ୍ରୀ ଶିବରାଜ ସିଂହ ।
କେନ୍ଦ୍ର କୃଷି ଓ କୃଷକ କଲ୍ୟାଣ ଏବଂ ଗ୍ରାମୀଣ ବିକାଶ ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନଙ୍କ ଅଧ୍ୟକ୍ଷତାରେ ଜାତୀୟ ଉଦ୍ୟାନ କୃଷି ବୋର୍ଡ (ଏନଏଚବି) (NHB)ର ନିର୍ଦ୍ଦେଶକ ମଣ୍ଡଳୀର ୩୩ତମ ବୈଠକ ଆଜି ନୂଆଦିଲ୍ଲୀର କୃଷି ଭବନରେ ଅନୁଷ୍ଠିତ ହୋଇଥିଲା। ବୈଠକରେ କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ ଶ୍ରୀ ରାମ ନାଥ ଠାକୁର ମଧ୍ୟ ଉପସ୍ଥିତ ଥିଲେ।
ପ୍ରମୁଖ କାର୍ଯ୍ୟକ୍ରମ ଏବଂ ରଣନୀତି ପ୍ରସ୍ତୁତର ସମୀକ୍ଷା - ଶ୍ରୀ ଶିବରାଜ ସିଂହ ଚୌହାନ ବୈଠକରେ ଏନଏଚବିର ଯୋଜନାଗୁଡ଼ିକର ସମୀକ୍ଷା କରିଥିଲେ। ବିଶେଷକରି, ବ୍ୟବସାୟିକ ଉଦ୍ୟାନ କୃଷି ବିକାଶ ଯୋଜନା, କୋଲ୍ଡ-ଚେନ୍ ଭିତ୍ତିଭୂମି ପ୍ରକଳ୍ପ, କ୍ଲଷ୍ଟର ବିକାଶ କାର୍ଯ୍ୟକ୍ରମ (ସିଡିପି) (CDP)- କ୍ଷେତ୍ର-ନିର୍ଦ୍ଦିଷ୍ଟ ଉଦ୍ୟାନ କୃଷି କ୍ଲଷ୍ଟର ମାଧ୍ୟମରେ ଉତ୍ପାଦକତା ଏବଂ ବଜାର ସଂଯୋଗ ବୃଦ୍ଧି କରିବା ପାଇଁ ଏକ ନୂତନ ପଦକ୍ଷେପ, ଏବଂ ସ୍ୱଚ୍ଛ ଉଦ୍ଭିଦ କାର୍ଯ୍ୟକ୍ରମ - ଉଚ୍ଚ ମୂଲ୍ୟର ଫସଲ ପାଇଁ ରୋଗମୁକ୍ତ ଚାରା ସାମଗ୍ରୀ ପ୍ରଦାନ କରିବା ବିଷୟରେ ଆଲୋଚନା କରାଯାଇଥିଲା।
କେନ୍ଦ୍ରମନ୍ତ୍ରୀ ଶ୍ରୀ ଶିବରାଜ ସିଂହ ନିର୍ଦ୍ଦେଶ ଦେଇଛନ୍ତି ଯେ, ଯୋଜନାଗୁଡ଼ିକର କାର୍ଯ୍ୟାନ୍ୱୟନ ସମୟସୀମା, ସ୍ୱଚ୍ଛ ଓ ଚାଷୀ-କୈନ୍ଦ୍ରିକ ହେବା ଏବଂ ଚାଷୀମାନଙ୍କୁ ସମୟସୀମାରେ ସବସିଡି ବଣ୍ଟନ କରାଯିବା ସହ ଏହି ସମ୍ପର୍କରେ ଯେପରି କୌଣସି ଅଭିଯୋଗ ନ ହେବା ଉଚିତ୍। ଏହା ବ୍ୟତୀତ, କୃଷକମାନଙ୍କ ସ୍ୱାର୍ଥକୁ ଦୃଷ୍ଟିରେ ରଖି, ଶ୍ରୀ ଶିବରାଜ ସିଂହ ଶୀଘ୍ର ଖରାପ ହୋଇଯାଉଥିବା ଉଦ୍ୟାନ କୃଷି ଉତ୍ପାଦଗୁଡ଼ିକର ଜୀବନ କାଳ ବୃଦ୍ଧି କରିବା, କ୍ଷତି ନହେବା ଏବଂ କ୍ଷତିକୁ ରୋକିବା ପାଇଁ ସଚେତନତା କାର୍ଯ୍ୟକ୍ରମ ପରିଚାଳନା କରିବା ପାଇଁ ଏକ ନିର୍ଦ୍ଦିଷ୍ଟ ରଣନୀତି ବିକଶିତ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି।
ଏନଏଚବିର ଭୂମିକାକୁ ସୁଦୃଢ଼ କରିବା ପାଇଁ ମାର୍ଗଦର୍ଶନ - ବୈଠକ ସମୟରେ, କେନ୍ଦ୍ରମନ୍ତ୍ରୀ ଶ୍ରୀ ଚୌହାନ ଉଦ୍ୟାନ କୃଷି କ୍ଷେତ୍ରର ଉତ୍ପାଦକତା, ଗୁଣବତ୍ତା ଏବଂ ପ୍ରତିଯୋଗିତାମୂଳକତା ବୃଦ୍ଧି କରିବା ପାଇଁ ଅନେକ ରଣନୈତିକ ପରାମର୍ଶ ପ୍ରଦାନ କରିଥିଲେ। ସେ ଗୁଣାତ୍ମକ ରୋପଣ ଯନ୍ତ୍ରପାତି, ଅମଳ ପରବର୍ତ୍ତୀ ପରିଚାଳନା ଏବଂ ଉତ୍ପାଦକତା ବୃଦ୍ଧି ଉପରେ ବିଶେଷ ଧ୍ୟାନ ଦେବାକୁ ଅନୁରୋଧ କରିଥିଲେ। ଶ୍ରୀ ଶିବରାଜ ସିଂହ ସମ୍ପୂର୍ଣ୍ଣ ସମନ୍ୱୟ ମାଧ୍ୟମରେ ଚାଷୀମାନଙ୍କୁ ବଜାର, କୋଲ୍ଡ ଚେନ୍ ନେଟୱାର୍କ ଏବଂ ମୂଲ୍ୟ-ସଂଯୋଜନ ସୁଯୋଗ ସହିତ ଯୋଡି ହେଉଥିବା ବ୍ୟବସ୍ଥାକୁ ସୁଦୃଢ଼ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ସେ କୃଷକମାନଙ୍କ ଲାଭ ପାଇଁ ରାଜ୍ୟୱାରୀ ଏବଂ କ୍ଷେତ୍ରୱାରୀ ରୋଡମ୍ୟାପ୍ ବିକଶିତ କରି ଏନଏଚବିକୁ ଏହାର ପୂର୍ଣ୍ଣ ସମ୍ଭାବନା ଅନୁଯାୟୀ କାର୍ଯ୍ୟ କରିବାକୁ ଅନୁରୋଧ କରିଥିଲେ।
ବୈଷୟିକ ପ୍ରକାଶନର ଉନ୍ମୋଚନ - କେନ୍ଦ୍ରମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ ଜାତୀୟ ଉଦ୍ୟାନ କୃଷି ବୋର୍ଡ ଦ୍ୱାରା ଉତ୍ତମ କୃଷି ଅଭ୍ୟାସ, ଜୈବିକ କୃଷି ମଡେଲ ଏବଂ ଉନ୍ନତ ଉଦ୍ୟାନ କୃଷି କୌଶଳ ଉପରେ ପ୍ରସ୍ତୁତ ବୈଷୟିକ ପ୍ରକାଶନଗୁଡ଼ିକର ଉନ୍ମୋଚନ କରିଛନ୍ତି। ଏହି ସମ୍ବଳଗୁଡ଼ିକ ଚାଷୀ, ଉଦ୍ୟୋଗୀ ଏବଂ କୃଷି ବିଶେଷଜ୍ଞଙ୍କ ପାଇଁ ଉପଯୋଗୀ ସନ୍ଦର୍ଭ ସାମଗ୍ରୀ ଭାବରେ କାର୍ଯ୍ୟ କରିବ। ବୈଠକରେ କେନ୍ଦ୍ର କୃଷି ସଚିବ ଡକ୍ଟର ଦେବେଶ ଚତୁର୍ବେଦୀ, ଆଇସିଏଆରର ମହାନିର୍ଦ୍ଦେଶକ ଡକ୍ଟର ମାଙ୍ଗିଲାଲ ଜାଟ, କୃଷିର ବିଭିନ୍ନ ବିଭାଗର ବରିଷ୍ଠ ଅଧିକାରୀ ଏବଂ ଉଦ୍ୟାନ କୃଷି ଶିଳ୍ପର ଅଣ-ସରକାରୀ ସଦସ୍ୟମାନେ ଉପସ୍ଥିତ ଥିଲେ। ଏହି ବ୍ୟାପକ ପ୍ରତିନିଧିତ୍ୱ ବୈଠକରେ ଆଞ୍ଚଳିକ ଦୃଷ୍ଟିକୋଣ ଏବଂ ଅଂଶଗ୍ରହଣକାରୀ ଆଲୋଚନାକୁ ସୁଦୃଢ଼ କରିଥିଲା। କୃଷି ଏବଂ କୃଷକ କଲ୍ୟାଣ ବିଭାଗ ଅଧୀନରେ ଏକ ସ୍ୱୟଂଶାସିତ ସଂଗଠନ, ଜାତୀୟ ଉଦ୍ୟାନ କୃଷି ବୋର୍ଡ, ସାରା ଦେଶରେ ବାଣିଜ୍ୟିକ ଉଦ୍ୟାନ କୃଷି ଏବଂ କୋଲ୍ଡ ଚେନ୍ (cold-chain)ଭିତ୍ତିଭୂମିର ଦୃଢ଼ ବିକାଶ ପାଇଁ ପ୍ରତିବଦ୍ଧ।
pib.gov.in
RFOI Award 2025: ୟୁପିର ସଫଳ ଚାଷୀ ମନୋହର ସିଂହ ଚୌହାନଙ୍କୁ RFOI ଆଓ୍ବାର୍ଡ
ବ୍ଲକସ୍ତରୀୟ ମତ୍ସ୍ୟ ଏବଂ ପ୍ରାଣୀ ସମ୍ପଦ ମେଳା- ୨୦୨୫ ରେ ନୋଭେଲଟେକ୍ ର ଅଂଶଗ୍ରହଣ