ଡିଜେ ସାଉଣ୍ଡରେ ମରିଗଲେ ୬୩ କୁକୁଡା

63 Chickens Killed Due to Loud DJ Music

ବିବାହରେ ଜୋରରେ ଡିଜେ ବାଜିବା ହେତୁ କୁକୁଡ଼ାଙ୍କ ମୃତ୍ୟୁ କଥା ଓଡିଶାରେ ଚର୍ଚ୍ଚାର ବିଷୟ ପାଲଟିଛି । ଜଣେ ବ୍ୟକ୍ତି କହିଛନ୍ତି ଯେ ଡିଜେ ସାଉଣ୍ଡରେ ତାଙ୍କର 63 ଟି କୁକୁଡ଼ା ମରିଗଲେ, ତେଣୁ ତାଙ୍କୁ କ୍ଷତିପୂରଣ ମିଳିବା ଉଚିତ୍ । ଉକ୍ତ ବ୍ୟକ୍ତି ଜଣକ ପୋଲିସ ନିକଟରେ ଅଭିଯୋଗ ମଧ୍ୟ କରିଛନ୍ତି ।

 

କୋରୋନା ମହାମାରୀ ଯେଗୁଁ ଦୀର୍ଘଦିନ ଧରି ବନ୍ଦ ରହିଥିଲା ଡିଜେ, ବ୍ୟାଣ୍ଡ ବାଜା । ତେବେ ରାଜ୍ୟରେ ସଂକ୍ରମଣ କମୁଥିବାରୁ ସରକାର କିଛି ଦିନ ତଳେ ଏଗୁଡିକୁ ଅନୁମତି ଦେଇଥିଲେ ।  ତେବେ ଡିଜେ ବାଜିବାରୁ ମରିଗଲେ ୬୩ କୁକୁଡ଼ା । ଓଡିଶାରେ ରହୁଥିବା ଜଣେ ବ୍ୟକ୍ତି ଦାବି କରିଛନ୍ତି ଯେ ଡିଜେ ସାଉଣ୍ଡ ଯୋଗୁଁ  ତାଙ୍କର ପ୍ରାୟ 63 କୁକୁଡ଼ାଙ୍କର ମୃତ୍ୟୁ ହୋଇଛି ।

ଓଡିଶାର ବାଲେଶ୍ୱର ଜିଲ୍ଲା ନୀଳଗିରି ଥାନା ଅନ୍ତର୍ଗତ କାଣ୍ଡଗରଡ଼ି ଗା’ରେ ଜଣଙ୍କର ଝିଅ ବାହାଘରକୁ ବରଯାତ୍ରୀ ବହୁତ ଜୋର ସାଉଣ୍ଡରେ ଡିଜେ ବଜାଇ ଆସିଥିଲେ । କୁକୁଡ଼ା ଫାର୍ମ ନିକଟରେ ଡିଜେ ଗାଡି ରଖି ଅନେକ ସମୟ ଧରି ଉଚ୍ଚ ଶବ୍ଦରେ ସଂଗୀତ ବଜାଇଥିଲେ । ଏନେଇ କୁକୁଡ଼ା ଚାଷୀ ରଞ୍ଜିତ ପରିଡା ବରଯାତ୍ରୀଙ୍କୁ ଡିଜେ ସାଉଣ୍ଡ କମାଇବାକୁ ନେହୁରା ହୋଇଥିଲେ ବି କେହି ତାଙ୍କ କଥାକୁ ଶୁଣିନଥିଲେ ଓ ତାଙ୍କୁ ଓଲଟା ଗାଳିଗୁଲଜ କରିଥିଲେ । ଫଳରେ ଡିଜେ ଶବ୍ଦରେ ଫାର୍ମରେ ଥିବା ୨୦୦୦ କୁକୁଡା ଭୟରେ ଶଦ୍ଧ କରି ଏକଜୁଟ ହୋଇଯାଇଥିଲେ । ପରସ୍ପର ଚଢାଚଢି  ହେବାଫଳରେ ୬୩ଟି କୁକୁଡାର ମୃତ୍ୟୁ ଘଟିଥିବା ସୂଚନା ମିଳିଛି ।

ତେବେ ରଞ୍ଜିତ କ୍ଷତିପୂରଣ ପାଇଁ  କନ୍ୟା ଘର ଲୋକଙ୍କ ନିକଟରେ ଦାବି କରିଥିଲେ । ହେଲେ ତାଙ୍କ କଥା କେହି ନ ଶୁଣି ବାରୁ ରଞ୍ଜିତ ଥାନାରେ ଅଭିଯୋଗ କରିଥିଲେ । ନୀଳଗିରି ଥାନା ପୁଲିସ ମାମଲାର ତଦନ୍ତ କରୁଛି ।