ସରକାରୀ କର୍ମଚାରୀଙ୍କୁ ଝଟକା, ମହଙ୍ଗା ଭତ୍ତାକୁ ନେଇ ଆସିଲା ଏହି ବଡ ଅପଡେଟ୍, ଜାଣନ୍ତୁ...

7th pay commission central government employees da hike modi government dearness allowance

ଯଦି ଆପଣ ଜଣେ କେନ୍ଦ୍ରୀୟ କର୍ମଚାରୀ, ତେବେ ଏହି ଖବରଟି ହିଁ ଆପଣଙ୍କ ପାଇଁ ରହିଛି । କେନ୍ଦ୍ରର ସରକାରୀ କର୍ମଚାରୀ (Central Government Employees)ଙ୍କୁ ଲାଗିଲା ଝଟକା । କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା ଓ ମହଙ୍ଗା ରିଲିଫର ହାରକୁ ସଂଶୋଧନ କରିବାକୁ ସରକାର ସମ୍ପୂର୍ଣ୍ଣ ରୂପେ ମନା କରି ଦେଇଛନ୍ତି ।

ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ କେନ୍ଦ୍ର ଅର୍ଥ ରାଜ୍ୟମନ୍ତ୍ରୀ ପଙ୍କଜ ଚୌଧରୀ (Minister of State for Finance Pankaj Choudhary)କହିଛନ୍ତି ଯେ, ମହଙ୍ଗା ଭତ୍ତା ଡିଏ (DA)କୁ ୩ ପ୍ରତିଶତରୁ ଅଧିକ ବୃଦ୍ଧି କରିବାର କୌଣସି ଆବଶ୍ୟକତା ନାହିଁ । ଡିଏ (DA)ବୃଦ୍ଧି ପାଇଁ କର୍ମଚାରୀମାନେ ଦୀର୍ଘ ସମୟ ଅପେକ୍ଷା କରିଥିଲେ ମଧ୍ୟ ସରକାରଙ୍କ ତରଫରୁ ସେମାନଙ୍କୁ ନିରାଶ ମିଳିଛି ।

ଡିଏ (DA) ଓ DR ବୃଦ୍ଧି ଉପରେ ଅର୍ଥ ରାଜ୍ୟମନ୍ତ୍ରୀ ପଙ୍କଜ ଚୌଧୁରୀ ରାଜ୍ୟସଭାରେ କହିଛନ୍ତି, କେନ୍ଦ୍ର ଶ୍ରମ ମନ୍ତ୍ରଣାଳୟ ଦ୍ୱାରା ଜାରି ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ (AICPI-IW)ଅନୁଯାୟୀ ହିଁ ମୁଦ୍ରାସ୍ଫୀତିକୁ ଆଧାର କରି ମହଙ୍ଗା ଭତ୍ତା (Dearness Allowance)ଓ ମହଙ୍ଗା ରିଲିଫ୍ (Dearness Relief)ବଢ଼ାଯିବ । ସରକାର ମଧ୍ୟ ସଂସଦକୁ କହିଛନ୍ତି ଯେ ଗତ ଦୁଇ ତ୍ରୈମାସରେ ମୁଦ୍ରାସ୍ଫୀତି ହାର ୫ ପ୍ରତିଶତରୁ ଅଧିକ ରହିଛି ।

ମଙ୍ଗଳବାର (Tuesday)ରାଜ୍ୟସଭା ସାଂସଦ ନରଣ ଭାଇ ଜେ ରାଠୱା ଅର୍ଥମନ୍ତ୍ରୀଙ୍କୁ ପଚାରିଥିଲେ ଯେ ମୁଦ୍ରାସ୍ଫୀତି ହାର ଅଧିକ ଥିବାବେଳେ କେନ୍ଦ୍ର ସରକାରୀ କର୍ମଚାରୀ (Central Government Employees) ଓ ପେନସନଭୋଗୀ (Pensioners) ଙ୍କ ମହଙ୍ଗା ଭତ୍ତା କାହିଁକି ୩ ପ୍ରତିଶତରେ ହିଁ ସ୍ଥିର ରହିଛି? ତେବେ ଏହାର ଜବାବରେ ପଙ୍କଜ ଚୌଧୁରୀ କହିଛନ୍ତି ଯେ ଡିଏ (DA) କୁ ୩ ପ୍ରତିଶତରୁ ଅଧିକ ବୃଦ୍ଧି କରିବାକୁ ସରକାର ଯୋଜନା କରୁନାହାଁନ୍ତି । କେନ୍ଦ୍ରୀୟ କର୍ମଚାରୀ (Central Government Employees) ଓ ପେନସନଭୋଗୀ (Pensioners)ମାନଙ୍କ ପାଇଁ ମହଙ୍ଗା ଭତ୍ତା ଓ ମହଙ୍ଗା ରିଲିଫ୍ ବୃଦ୍ଧି ହାରକୁ ପୁନର୍ବିଚାର କରିବାର କୌଣସି ଆବଶ୍ୟକତା ନାହିଁ ବୋଲି ସେ କହିଛନ୍ତି ।

ପ୍ରକାଶ ଥାଉ ଯେ, କେନ୍ଦ୍ରୀୟ କର୍ମଚାରୀମାନଙ୍କୁ ୩୧ ପ୍ରତିଶତ ମହଙ୍ଗା ଭତ୍ତା ଦିଆଯାଉଛି । ଯଦି ହୋଲି ପୂର୍ବରୁ ଡିଏ (DA)୩ ପ୍ରତିଶତ ବୃଦ୍ଧି ହୋଇଥାନ୍ତା, ତେବେ ମୋଟ ମହଙ୍ଗା ଭତ୍ତା ୩୪ ପ୍ରତିଶତକୁ ଯାଇଥାନ୍ତା । ସରକାରଙ୍କ ଏହି ନିଷ୍ପତ୍ତିରେ ୫୦ ଲକ୍ଷରୁ ଅଧିକ ସରକାରୀ କର୍ମଚାରୀ (Central Government Employees) ଓ ୬୫ ଲକ୍ଷରୁ ଅଧିକ ପେନସନଭୋଗୀ (Pensioners)ଉପକୃତ ହୋଇଥାନ୍ତେ । ସପ୍ତମ ବେତନ ଆୟୋଗ (7th Pay Commission) ର ସୁପାରିଶ ଆଧାରରେ କେନ୍ଦ୍ର ସରକାର ଡିଏ ବୃଦ୍ଧି କରନ୍ତି । ସାରା ଦେଶରେ ଲକ୍ଷ ଲକ୍ଷ କର୍ମଚାରୀ ଡିଏ (DA)ବୃଦ୍ଧି ପାଇଁ ଅପେକ୍ଷା କରିଥିଲେ, କିନ୍ତୁ ସେମାନେ ପୁଣି ନିରାଶ ହୋଇଛନ୍ତି ।

ଆଜି କେନ୍ଦ୍ର କର୍ମଚାରୀଙ୍କ ପାଇଁ ଖୁସିଖବର ; ୩ ପ୍ରତିଶତ ବଢ଼ିବ ଦରମା, ଜାଣନ୍ତୁ...

କେନ୍ଦ୍ର କର୍ମଚାରୀଙ୍କୁ ମିଳିଲା ବଡ଼ ଉପହାର, ବଢ଼ିଲା ମହଙ୍ଗା ଭତ୍ତା