ନିର୍ବାଚନ ପରେ ବଢିପାରେ ତୈଳ ଦର
ଇରାନ ଉପରେ ଆମେରିକା କଟକଣାର ପ୍ରଭାବ
ସମ୍ପ୍ରତି ବିଶ୍ବବଜାରରେ ଅଶୋଧିତ ତୈଳ ମୂଲ୍ୟ ରେ ବୃଦ୍ଧି ଘଟିଛି |ଇରାନ ରୁ ତୈଳ ଆମଦାନୀ କରୁଥିବା ରାଷ୍ଟ୍ର ଗୁଡିକୁ ରିହାତି ଦେବ ବନ୍ଦ କରି ଇରାନ ଉପରେ କଟକଣା ଲଗାଇବା ନେଇ ଆମେରିକା ଧମକ ଦେବା ପରେ ବଜାରରେ ଦର ଅହେତୁକ ବୃଦ୍ଧି ଘଟିଛି ଅସ୍ଥିର ପରିସ୍ଥିତି ସୃଷ୍ଟି ହୋଇଛି |ତେବେ ଶୁକ୍ରବାର ପେଟ୍ରୋଲିଅମ ରାଷ୍ଟ୍ର ସମୂହ ଓପେକ୍ ;ତାର ଉତ୍ପାଦନ ବୃଦ୍ଧି କରିବା ନେଇ ଆଶା ପ୍ରକାଶ ପରେ ବଜାରରେ ଅଶୋଧିତ ତୈଳ ମୂଲ୍ୟ କିଛି ମାତ୍ର ରେ ହ୍ରାସ ହୋଇଛି |ଏଥି ଯୋଗୁ ଆଜି ବ୍ରାଣ୍ଡକ୍ରୁଡ଼ ମୂଲ୍ୟରେ ୨୬ ସେଣ୍ଟସ ହ୍ରାସ ଘଟି ବ୍ୟାରେଲ ପିଛା ୭୪.୦୯ ଡଲାର ରେ ପହଞ୍ଚିଛି |ସେଇ ଭଳି ଆମେରିକୀୟ ୱେଷ୍ଟ ଟେକ୍ସସ ଇଣ୍ଟରମିଡିଏଟ (ଡବ୍ଲୁ ଟି ଆଇ ) ମୂଲ୍ୟରେ ବ୍ୟାରେଲ ପିଛା ୩୯ ସେନ୍ଟ ହ୍ରାସ ଘଟି ୬୪.୮୨ ଡଲାର ହୋଇଛି |
ବିଶ୍ୱ ବଜାରରେ ତୈଳ ଦର ବ୍ୟାରେଲ ପ୍ରତି ୫ ଡଲାର ବୃଦ୍ଧି ପାଇଥିଲେ ମଧ୍ୟ ଭାରତ ରେ ତୈଳ ଦର ସ୍ଥିର ରହିଛି |ପେଟ୍ରୋଲ ଓ ଡିଜେଲ ସରକାରୀ ନିୟନ୍ତ୍ରଣ ମୁକ୍ତ ବିଶ୍ୱ ବଜାର ଅନୁଯାୟୀ ତୈଳ ମୂଲ୍ୟରେ ହେଉଥିବା ହ୍ରାସ ଏବଂ ବୃଦ୍ଧି ର ପ୍ରଭାବ ଘରୋଇ ବଜାର ଉପରେ ପଡିଥାଏ କିନ୍ତୁ ଭାରତ ରେ ନିର୍ବାଚନ ସମୟରେ ତୈଳ ଦର ନିୟନ୍ତ୍ରଣ ରଖାଯାଇଥାଏ |ସମ୍ପ୍ରତି ଦେଶରେ ସାଧାରଣ ନିର୍ବାଚନ ଚାଲିଥିବା ଦୃଷ୍ଟି ରୁ ତୈଳ ଦର କୁ ସ୍ଥିର ରଖାଯାଇଛି |
ନିର୍ବାଚନ ପରେ ଅନ୍ତର୍ଜାତୀୟ ବଜାର ଅନୁଯାୟୀ ଆଗାମୀ ଦିନରେ ଭାରତ ର ଘରୋଇ ବଜାରରେ ତୈଳ ଦର ବୃଦ୍ଧି ପାଇବା ସମ୍ଭାବନା ରହିଛି |
Share your comments