ଭାରତର ବିକାଶ ଯାତ୍ରାର ପ୍ରଥମ ଇଞ୍ଜିନ୍ ହେଉଛି କୃଷି: ବଜେଟ୍ ୨୦୨୫-୨୬

AGRICULTURE IS THE FIRST ENGINE FOR INDIA’S DEVELOPMENT JOURNEY: BUDGET 2025-26, pic credit-www.pexels.com

ବିହାରରେ ଏକ ମଖାନା (MAKHANA) ବୋର୍ଡ ପ୍ରତିଷ୍ଠା କରାଯିବ।ଅଧିକ ଅମଳକାରୀ ବିହନ ଉପରେ ଏକ ଜାତୀୟ ଅଭିଯାନ ଆରମ୍ଭ କରାଯିବ।ଆଉ ୧ ନିୟୁତ ଜର୍ମପ୍ଲାଜମ ଲାଇନ ସହ ଦ୍ୱିତୀୟ ଜିନ ବ୍ୟାଙ୍କ ପ୍ରତିଷ୍ଠା କରାଯିବ। କପା ଉତ୍ପାଦନ ପାଇଁ ପାଞ୍ଚ ବର୍ଷିଆ ଅଭିଯାନ ଘୋଷଣା। କୃଷକ କ୍ରେଡିଟ୍ କାର୍ଡ ଋଣ ସୀମା ୩ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି। ଆସାମର ନାମରୂପରେ ୧୨.୭ ଲକ୍ଷ ମେଟ୍ରିକ୍ ଟନ୍ ସାର କାରଖାନା ପ୍ରତିଷ୍ଠା କରାଯିବ।

କେନ୍ଦ୍ର ଅର୍ଥ ଓ କର୍ପୋରେଟ୍ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ ୨୦୨୫-୨୬ ଆର୍ଥିକ ବର୍ଷର ବଜେଟ୍ ଉପସ୍ଥାପନ କରି କୃଷିକୁ ଭାରତର ବିକାଶ ଯାତ୍ରାର ପ୍ରଥମ ଇଞ୍ଜିନ୍ ‘Agriculture as the first engine’ ବୋଲି ଉଲ୍ଲେଖ କରିବା ସହ କୃଷି କ୍ଷେତ୍ରର ବିକାଶ ଓ ଉତ୍ପାଦକତା ବୃଦ୍ଧି ପାଇଁ କୃଷକଙ୍କ ହିତ ପାଇଁ ଅନେକ ପଦକ୍ଷେପ ଘୋଷଣା କରିଛନ୍ତି।

ବିହାରରେ ଏକ ମଖାନା ବୋର୍ଡ ପ୍ରତିଷ୍ଠା ପାଇଁ ସରକାରଙ୍କ ନିଷ୍ପତ୍ତି ଘୋଷଣା କରି ଶ୍ରୀମତୀ ନିର୍ମଳା ସୀତାରମଣ କହିଛନ୍ତି ଯେ ବିହାରରେ ମଖାନାର ଉତ୍ପାଦନ, ପ୍ରକ୍ରିୟାକରଣ, ମୂଲ୍ୟ ବୃଦ୍ଧି ଏବଂ ମାର୍କେଟିଂରେ ଉନ୍ନତି ଆଣିବା ପାଇଁ ଏହି ବୋର୍ଡ ଗଠନ କରାଯିବ। ସେ ଉଲ୍ଲେଖ କରିଛନ୍ତି ଯେ ଏହି କାର୍ଯ୍ୟକଳାପରେ ନିୟୋଜିତ ଲୋକଙ୍କୁ ଏଫ୍ ପିଓରେ ସଂଗଠିତ କରାଯିବ। ଏହି ବୋର୍ଡ ମଖାନା କୃଷକମାନଙ୍କୁ ମାର୍ଗଦର୍ଶନ ଏବଂ ପ୍ରଶିକ୍ଷଣ ସହାୟତା ପ୍ରଦାନ କରିବ ଏବଂ ସେମାନେ ଯେପରି ସମସ୍ତ ପ୍ରାସଙ୍ଗିକ ସରକାରୀ ଯୋଜନାର ଲାଭ ପାଇବେ ତାହା ସୁନିଶ୍ଚିତ କରିବା ପାଇଁ ମଧ୍ୟ କାର୍ଯ୍ୟ କରିବ ।

ଶ୍ରୀମତୀ ନିର୍ମଳା ସୀତାରମଣ (nirmala sitharaman) କହିଥିଲେ ଯେ ଗବେଷଣା ପରିବେଶକୁ ପ୍ରୋତ୍ସାହିତ କରିବା, ଉଚ୍ଚ ଅମଳ, କୀଟ ପ୍ରତିରୋଧ ଏବଂ ଜଳବାୟୁ ଅନୁକୂଳ ଗୁଣରେ ସମୃଦ୍ଧ ବିହନର ଲକ୍ଷ୍ୟଭିତ୍ତିକ ବିକାଶ ଏବଂ ପ୍ରୋତ୍ସାହନ ଏବଂ ଜୁଲାଇ ୨୦୨୪ରୁ ପ୍ରକାଶିତ ୧୦୦ରୁ ଅଧିକ ପ୍ରକାରର ବିହନକୁ ବାଣିଜ୍ୟିକ ସ୍ତରରେ ଉପଲବ୍ଧ କରାଇବା ଉଦ୍ଦେଶ୍ୟରେ ଜାତୀୟ ଉଚ୍ଚ ଅମଳ ବିହନ ମିଶନର କାର୍ଯ୍ୟକାରିତା କରାଯିବ । ଭବିଷ୍ୟତରେ ୧୦ ଲକ୍ଷ ଜର୍ମପ୍ଲାଜମ ଲାଇନ ସହ ଖାଦ୍ୟ ଓ ପୋଷଣ ନିରାପତ୍ତା ପାଇଁ ଦ୍ୱିତୀୟ ଜିନ୍ ବ୍ୟାଙ୍କ ପ୍ରତିଷ୍ଠା କରାଯିବ ବୋଲି ସେ ଉଲ୍ଲେଖ କରିଛନ୍ତି। ଏହା ଦ୍ୱାରା ଉଭୟ ସରକାରୀ ଓ ବେସରକାରୀ କ୍ଷେତ୍ରରେ ଜେନେଟିକ ଗବେଷଣା ପାଇଁ ସଂରକ୍ଷଣ ସହାୟତା ମିଳିବ ।

କପା ଉତ୍ପାଦନ ପାଇଁ ଅଭିଯାନ ଘୋଷଣା କରିବା ଅବସରରେ ଶ୍ରୀମତୀ ନିର୍ମଳା ସୀତାରମଣ (nirmala sitharaman) କହିଥିଲେ ଯେ ଏହି ପାଞ୍ଚ ବର୍ଷିଆ ମିଶନ କପା କୃଷିର ଉତ୍ପାଦକତା ଏବଂ ସ୍ଥାୟୀତାରେ ଉଲ୍ଲେଖନୀୟ ଉନ୍ନତି ଆଣିବାରେ ସହାୟକ ହେବ ଏବଂ କପାର ଦୀର୍ଘକାଳୀନ ପ୍ରଜାତିକୁ ପ୍ରୋତ୍ସାହନ ଦେବ । କୃଷକମାନଙ୍କୁ ବିଜ୍ଞାନ ଓ ବୈଷୟିକ ଜ୍ଞାନକୌଶଳ ପକ୍ଷରୁ ସର୍ବୋତ୍ତମ ସହାୟତା ଯୋଗାଇ ଦିଆଯିବ। ବୟନ ଶିଳ୍ପ କ୍ଷେତ୍ର ପାଇଁ ୫ଏଫ୍ ର ଆମର ସମନ୍ବିତ ଦୃଷ୍ଟିକୋଣ ଅନୁଯାୟୀ, ଏହା କୃଷକଙ୍କ ଆୟ ବୃଦ୍ଧି କରିବାରେ ସହାୟକ ହେବ ଏବଂ ଭାରତର ପାରମ୍ପରିକ ବୟନଶିଳ୍ପ କ୍ଷେତ୍ରକୁ ପୁନର୍ଜୀବିତ କରିବା ପାଇଁ ଗୁଣାତ୍ମକ କପାର ନିରନ୍ତର ଯୋଗାଣ ସୁନିଶ୍ଚିତ କରିବ ।

ପ୍ରାୟ ୭୭ ନିୟୁତ କୃଷକ, ମତ୍ସ୍ୟଜୀବୀ ଏବଂ ଦୁଗ୍ଧ ଚାଷୀଙ୍କୁ ସ୍ୱଳ୍ପକାଳୀନ ଋଣ ପ୍ରଦାନ କରିବାରେ କିଷାନ କ୍ରେଡିଟ୍ କାର୍ଡ (କେସିସି)ର ଗୁରୁତ୍ୱ ଉପରେ ଆଲୋକପାତ କରି ମନ୍ତ୍ରୀ ସଂଶୋଧିତ ସୁଧ ସବସିଡି ଯୋଜନା ଅଧୀନରେ କିଷାନ କ୍ରେଡିଟ୍ କାର୍ଡ ମାଧ୍ୟମରେ ନିଆଯାଇଥିବା ଋଣ ପାଇଁ ଋଣ ସୀମାକୁ ୩ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କାକୁ ବୃଦ୍ଧି କରିବାକୁ ଘୋଷଣା କରିଥିଲେ।

ଶ୍ରୀମତୀ ନିର୍ମଳା ସୀତାରମଣ (nirmala sitharaman)ଆସାମର ନାମରୂପରେ ବାର୍ଷିକ ୧.୨୭ ନିୟୁତ ମେଟ୍ରିକ ଟନ୍ କ୍ଷମତା ବିଶିଷ୍ଟ ଏକ ସାର କାରଖାନା ସ୍ଥାପନ କରିବାକୁ ଘୋଷଣା କରିଥିଲେ। ଏହି କାରଖାନା ସହିତ ପୂର୍ବାଞ୍ଚଳରେ ଥିବା ୩ଟି ନିଷ୍କ୍ରିୟ ୟୁରିଆ ପ୍ଲାଣ୍ଟରେ ଉତ୍ପାଦନ ପୁନଃ ଆରମ୍ଭ ହେଲେ ୟୁରିଆ ଯୋଗାଣ ବୃଦ୍ଧି ହେବା ସହ ସାର ଉତ୍ପାଦନରେ ଆତ୍ମନିର୍ଭରଶୀଳତା ଆସିବ ବୋଲି ସେ କହିଛନ୍ତି।

ସାମୁଦ୍ରିକ ଖାଦ୍ୟ ରପ୍ତାନି ଦୃଷ୍ଟିରୁ ୬୦ ହଜାର କୋଟି ଟଙ୍କାର ମାଛ ଉତ୍ପାଦନ ଓ ଜଳଚାଷ କ୍ଷେତ୍ରରେ ଭାରତ ବିଶ୍ୱର ଦ୍ବିତୀୟ ବୃହତ୍ତମ ଉତ୍ପାଦକ ବୋଲି ଉଲ୍ଲେଖ କରି କେନ୍ଦ୍ରମନ୍ତ୍ରୀ କହିଥିଲେ ଯେ ସାମୁଦ୍ରିକ କ୍ଷେତ୍ରର ଅବ୍ୟବହୃତ ସମ୍ଭାବନାକୁ ଉନ୍ମୋଚନ କରିବା ପାଇଁ ଆମ ସରକାର ଭାରତୀୟ ସ୍ୱତନ୍ତ୍ର ଅର୍ଥନୈତିକ ଜୋନ୍ ଏବଂ ଗଭୀର ସମୁଦ୍ରରୁ ସ୍ଥାୟୀ ମାଛଧରାକୁ ପ୍ରୋତ୍ସାହିତ କରିବା ପାଇଁ ଏକ ଅନୁକୂଳ ଢାଞ୍ଚା ଆଣିବେ। ଆଣ୍ଡାମାନ ନିକୋବର ଏବଂ ଲାକ୍ଷାଦ୍ୱୀପ ଭଳି ଦ୍ୱୀପ ଉପରେ ବିଶେଷ ଧ୍ୟାନ ଦେଇ ।

pib.gov.in

ଜଳ ଜୀବନ ମିଶନ ପାଇଁ ବଜେଟ୍‍ ବ୍ୟୟବରାଦ ୬୭,୦୦୦ କୋଟି ଟଙ୍କାକୁ ବୃଦ୍ଧି

COTTON FARMING: କପା ଉତ୍ପାଦନ ପାଇଁ ପାଞ୍ଚ ବର୍ଷିଆ ଅଭିଯାନ !