ପ୍ରାକୃତିକ ଚାଷ ପାଇଁ ଲଞ୍ଚ ହେଲା ପୋର୍ଟାଲ, ମୃତ୍ତିକା ସଂରକ୍ଷଣରେ ମଧ୍ୟ ସହାୟକ ହେବ

agriculture-minister-narendra-singh-tomar-says-through-natural-farming-agriculture-will-attain-new-heights

ଭାରତ (India )ହେଉଛି  ବିଶ୍ୱର ଏକମାତ୍ର ଦେଶ ଯେଉଁଠାରେ ଜନସଂଖ୍ୟାର ପ୍ରାୟ ଚତୁର୍ଥାଂଶ କୃଷି କ୍ଷେତ୍ରରେ ନିୟୋଜିତ ଅଛନ୍ତି।  ଆମ ଅର୍ଥନୀତିରେ(Economy ) କୃଷି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି  | କୃଷି କ୍ଷେତ୍ର କେବଳ ଖାଦ୍ୟ ଶସ୍ୟ ଏବଂ କଞ୍ଚାମାଲ ( raw material ) ଯୋଗାଏ ନାହିଁ, ବରଂ ଏହା ଏକ ବଡ଼ ରୋଜଗାରର ଉତ୍ସ ଅଟେ ଯାହାକି ଆମ ଦେଶର ଆର୍ଥିକ ସ୍ଥିତି ରେ ମଧ୍ୟ ସାହାଯ୍ୟ କରିଥାଏ | ଦେଶରେ ପାରମ୍ପାରିକ  ପ୍ରାକୃତିକ ଚାଷର ଲାଭକୁ ଉପେକ୍ଷା ନକରିବାକୁ ସର୍ବଦା ସରକାର ଉତ୍ସାହିତ କରିଛନ୍ତି । ଏଥିପାଇଁ କେନ୍ଦ୍ର ଏବଂ ରାଜ୍ୟ ମାନଙ୍କରେ ସରକାର ଅନେକ ଯୋଜନା ଆରମ୍ଭ କରିଛନ୍ତି । ହରିୟାଣା, ଗୁଜୁରାଟ, ଆନ୍ଧ୍ରପ୍ରଦେଶ ଏବଂ ହିମାଚଳ ସମେତ କେତେକ ରାଜ୍ୟର କୃଷକମାନେ ବର୍ତ୍ତମାନ ପ୍ରାକୃତିକ ଚାଷ ( natural farming )କାର୍ଯ୍ୟ ଆରମ୍ଭ କରିଛନ୍ତି । ତେବେ ଏହାକୁ ଆହୁରି ସରଳ ସହଜ କରିବା ପାଇଁ ଗତକାଲି କେନ୍ଦ୍ର କୃଷି ମନ୍ତ୍ରୀ ଏକ ପୋର୍ଟାଲ ଉନ୍ମୋଚନ କରିଛନ୍ତି l

କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ( central agriculture minister narendra singh tomar )ଗୁରୁବାର ଦିନ କୃଷି ସମ୍ପ୍ରଦାୟର ହିତ ପାଇଁ ନ୍ୟାସନାଲ ମିଶନ ଅନ୍ ପ୍ରାକୃତିକ କୃଷି (NMNF) ଉପରେ ଏକ ପୋର୍ଟାଲ ଉନ୍ମୋଚନ କରିଛନ୍ତି। କୃଷି ମନ୍ତ୍ରଣାଳୟ ଦ୍ୱାରା ବିକଶିତ NMNF (natural mission on natural farming ) ପୋର୍ଟାଲ (http://naturalfarming.dac.gov.in) ଏହାକୁ  ଜାତୀୟ ପ୍ରାକୃତିକ କୃଷି ମିଶନର ପ୍ରଥମ ପରିଚାଳନା କମିଟି ବୈଠକରେ  ଆରମ୍ଭ କରାଯାଇଥିଲା l

ଏହି ପୋର୍ଟାଲରେ ମିଶନ୍, କାର୍ଯ୍ୟକାରିତା ବାହ୍ୟରେଖା, ଉତ୍ସ, କାର୍ଯ୍ୟାନ୍ୱୟନ ପ୍ରଗତି, କୃଷକ ପଞ୍ଜୀକରଣ, ବ୍ଲଗ୍ ଇତ୍ୟାଦି ସମ୍ବନ୍ଧୀୟ ସମସ୍ତ ସୂଚନା ରହିଛି, ଯାହା ଚାଷୀଙ୍କ ପାଇଁ ଉପଯୋଗୀ ହେବ | ଏଥିସହ ଏହି ୱେବସାଇଟ୍ ଦେଶରେ ପ୍ରାକୃତିକ ଚାଷକୁ ପ୍ରୋତ୍ସାହିତ କରିବାରେ ସାହାଯ୍ୟ କରିବ ବୋଲି ଏକ ସରକାରୀ ବିବୃତ୍ତିରେ କୁହାଯାଇଛି।

କମିଟିର ଅଧ୍ୟକ୍ଷ ଥିବା ତୋମାର କହିଛନ୍ତି ଯେ ସମସ୍ତଙ୍କ ସହଯୋଗରେ ଦେଶରେ ପ୍ରାକୃତିକ ଚାଷର ମିଶନକୁ ଆଗକୁ ନିଆଯିବ। ଏହି ପରିପ୍ରେକ୍ଷୀରେ ମନ୍ତ୍ରୀ ଅଧିକାରୀମାନଙ୍କୁ ରାଜ୍ୟ ସରକାର ଏବଂ କେନ୍ଦ୍ର ବିଭାଗ ସହ ସମନ୍ୱୟ ରକ୍ଷା କରିବାକୁ ଏବଂ ବଜାର ସଂଯୋଗକୁ ସକ୍ଷମ କରିବାକୁ କହିଥିଲେ ଯାହାଦ୍ୱାରା  କୃଷକମାନେ ସେମାନଙ୍କ ଉତ୍ପାଦ ବିକ୍ରୟ କରିବାରେ ଅଧିକ ସହଜ ହେବେ।

ଏହି ବୈଠକରେ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଗିରିରାଜ ସିଂ ଏବଂ ଜଳ ଶକ୍ତି ମନ୍ତ୍ରୀ ଗଜେନ୍ଦ୍ର ସିଂ ଶେଖୱାତ ଏବଂ ଉତ୍ତରପ୍ରଦେଶ କୃଷି ମନ୍ତ୍ରୀ ସୂର୍ଯ୍ୟ ପ୍ରତାପ ଶାହି, କେନ୍ଦ୍ର କୃଷି ସଚିବ ମନୋଜ ଅହୁଜା ଏବଂ ବିଭିନ୍ନ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

ଜଳ ଶକ୍ତି ମନ୍ତ୍ରୀ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ପ୍ରାକୃତିକ ଚାଷକୁ ପ୍ରୋତ୍ସାହିତ କରିବା ପାଇଁ ଏକ ରୋଡମ୍ୟାପ ପ୍ରସ୍ତୁତ କରିଛି ଏବଂ ସାହକର ଭାରତୀୟଙ୍କ ସହ ଏମଓୟୁ ସ୍ୱାକ୍ଷର କରି ପ୍ରଥମ ପର୍ଯ୍ୟାୟରେ ୭୫ ଟି ସାଗର ଗଙ୍ଗା ଗ୍ରାମ ଚିହ୍ନଟ କରିଛି ଏବଂ ଚାଷୀଙ୍କୁ ତାଲିମ ଦିଆଯାଇଛି ।

ୟୁପି କୃଷି ମନ୍ତ୍ରୀ କହିଛନ୍ତି ଯେ ନାମାମି ଗଙ୍ଗା  ପ୍ରକଳ୍ପ ( namami ganga project )ଅଧୀନରେ ରାଜ୍ୟରେ ପ୍ରାକୃତିକ ଚାଷର ପ୍ରଚାର ଆରମ୍ଭ ହୋଇଛି। ପ୍ରତ୍ୟେକ ବ୍ଲକରେ କାର୍ଯ୍ୟ କରିବାକୁ ଏକ ଲକ୍ଷ୍ୟ ଧାର୍ଯ୍ୟ କରାଯାଇଛି ଏବଂ ମାଷ୍ଟର ଟ୍ରେନିଂ ମଧ୍ୟ କରାଯାଇଛି |

ଏହି ବୈଠକରେ ସୂଚନା ଦିଆଯାଇଛି ଯେ ଡିସେମ୍ବର ୨୦୨୧ ରୁ  ୧୭ ଟି ରାଜ୍ୟରେ ୪.୭୮ ଲକ୍ଷ ହେକ୍ଟରରୁ ଅଧିକ ପ୍ରାକୃତିକ କ୍ଷେତ୍ର ୧୭ ଟି ରାଜ୍ୟରେ ପ୍ରାକୃତିକ ଚାଷ ଅଧୀନରେ ଅଣାଯାଇଛି । ୭.୩୩ ଲକ୍ଷ କୃଷକ ପ୍ରାକୃତିକ ଚାଷରେ ପଦକ୍ଷେପ ନେଇଛନ୍ତି।

Natural Farming: ଏହି ରାଜ୍ୟରେ 1.71 ଲକ୍ଷ ଚାଷୀ ଆପଣାଇଛନ୍ତି ପ୍ରାକୃତିକ ଚାଷ

ପ୍ରାକୃତିକ ଚାଷ ପ୍ରୋଜେକ୍ଟ ଲଞ୍ଚ କଲେ 2 ରାଜ୍ୟପାଳ