କୃଷି କ୍ଷେତ୍ରର ହେବ ଡିଜିଟାଇଜେସନ, କ୍ଲାଉଡ ପ୍ଲାଟଫର୍ମ ଲଞ୍ଚ କଲା କ୍ରପିନ

Agritech company Cropin launches its cloud platform to digitize the agricultural industry

ଡିଜିଟାଲ କ୍ଷେତ୍ରରେ ଏବେ ଆଗକୁ ବଢୁଛି ଭାରତ । ଏହି କ୍ରମରେ କୃଷି ଜଗତକୁ ଡିଜିଟାଇଜ କରିବାକୁ କ୍ରପିନ ଲଞ୍ଚ କରିଛି କ୍ଲାଉଡ ପ୍ଲାଟଫର୍ମ(cloud platform) । ବିଲ୍ ଏବଂ ମିଲିଣ୍ଡା ଗେଟ୍ସ ଫାଉଣ୍ଡେସନ୍(Bill and Melinda Gates Foundation) ଏବଂ ସିଡିସି ଗ୍ରୁପ୍(CDC Group) ସହିତ ନିବେଶକଙ୍କ ଦ୍ବାରା ସମର୍ଥିତ କ୍ରପିନ କୃଷି ଶିଳ୍ପକୁ ଡିଜିଟାଇଜେସନ୍ କରିବାକୁ ସ୍ଥିର କରିଛି । ଆଜି କମ୍ପାନୀ ଇଣ୍ଟିଗ୍ରେଟେଡ୍ ଆପ୍ ସହିତ କ୍ଲାଉଡ୍ ପ୍ଲାଟଫର୍ମ କ୍ରପିନ୍ କ୍ଲାଉଡ୍ ଲଞ୍ଚ କରିବାକୁ ଘୋଷଣା କରିଛି।

2010 ରେ ପ୍ରତିଷ୍ଠିତ ହୋଇଥିବା, କ୍ରପିନର ଅନ୍ୟାନ୍ୟ ଉତ୍ପାଦ 92 ଦେଶରେ ଲାଇଭ ରହିଛି । ଏହା 250 ବିଜନେସ ଟୁ ବିଜନେସ( B2B)ରୁ ଅଧିକ ଗ୍ରାହକଙ୍କ ସହ ସହଭାଗୀ ହୋଇଛି ଏବଂ 26 ନିୟୁତ ଏକର ଚାଷ ଜମିକୁ ଡିଜିଟାଇଜ୍ କରିଛି । ଏହା 500 ରୁ ଅଧିକ ଫସଲ ଏବଂ 10,000 ଫସଲ କିସମର ବିଶ୍ୱର ସର୍ବ ବୃହତ ଫସଲ ଜ୍ଞାନର ଗ୍ରାଫ ନେଇ ଦାବି କରେ ।

କ୍ରପିନର ପ୍ରତିଷ୍ଠାତା ତଥା ସିଇଓ କୃଷ୍ଣ କୁମାର କହିଛନ୍ତି ଯେ କ୍ରପିନ କ୍ଲାଉଡ୍ ବିକଶିତ ହୋଇଛି । କାରଣ କୃଷି ଶିଳ୍ପରେ ଏକୀକୃତ, ସମନ୍ୱିତ ପ୍ଲାଟଫର୍ମ ଉପଲବ୍ଧ ହୋଇପାରି ନାହିଁ । ତେଣୁ ଏହା ବିଭିନ୍ନ ପ୍ରକାରର ସମାଧାନର ସହାୟକ ହେବ। ଜଳବାୟୁ ପରିବର୍ତ୍ତନ, ଭୌଗୋଳିକ-ରାଜନୈତିକ ତିକ୍ତତା, ଖାଦ୍ୟ ଯୋଗାଣ ଶୃଙ୍ଖଳା ବ୍ୟାଘାତ ଏବଂ ବିଶ୍ୱବ୍ୟାପୀ ଜନସଂଖ୍ୟା ବୃଦ୍ଧି ଆଦି ସମସ୍ୟାର ସମାଧାନ ଦିଗରେ ସହାୟକ ହେବ ।

ଭାରତୀୟ କୃଷିରେ ଅନେକ ସୁଯୋଗ ରହିଛି । ଆଜିବି ଭାରତ କୃଷି କ୍ଷେତ୍ରରେ ବିଶ୍ବରେ ଆଗୁଆ । କୃଷି କ୍ଷେତ୍ରକୁ ବଳ ଯୋଗାଇବାକୁ ଅନେକ ଯୋଜନା ମଧ୍ୟ ଆଣୁଛନ୍ତି ସରକାର । ହେଲେ ଏସବୁର ସଫଳ ରୂପାୟନ ପାଇଁ ଡାଟା ସଂରକ୍ଷଣର ଆବଶ୍ୟକତା ରହିଛି । ତଥ୍ୟ ତ ଅନେକ ରହିଛି, ହେଲେ ଏହା ଗୋଟିଏ ସ୍ଥାନରେ ଉପଲବ୍ଧ ନଥିବାରୁ ଚାଷୀକୁ ଖୋଜିବାରେ ଅସୁବିଧାର ସାମ୍ନା କରିବାକୁପଡୁଛି । ତେବେ ଆଉ ଏହି ଡାଟା ସଂରକ୍ଷଣର ଟେନସନ ରହିବ ନାହିଁ । କାରଣ ଦଶନ୍ଧିର ଡାଟା ଯୋଗାଇବାକୁ ପ୍ରସ୍ତୁତ ହୋଇସାରିଛି ଏଗ୍ରିକଲଚ ଇଣ୍ଟେଲିଜେନ୍ସ କ୍ଲାଉଡ ।

ବିଶ୍ବର ପ୍ରଥମ ଏଗ୍ରି ଇଣ୍ଟେଲିଜେନ୍ସ କ୍ଲାଉଡ୍ ଲଞ୍ଚ କରିବ cropin