![Akshaya Tritiya celebrates in OUAT](https://ocdn.krishijagran.com/media/10055/portal_thumbnail_9-may-2024-10.jpg)
Akshaya Tritiya celebrates in OUAT
ଆଜି ହେଉଛି ପବିତ୍ର ଅକ୍ଷୟ ତୃତୀୟା l ବୈଶାଖ ମାସ ଦିନ ଶୁକ୍ଳପକ୍ଷ ତୃତୀୟା ତିଥ୍ୟକୁ ଅକ୍ଷୟ ତୃତୀୟା ଭାବେ ପାଳନ କରାଯାଇଥାଏ l ଏହା ମୁଖ୍ୟତଃ ଏକ କୃଷିଭିତ୍ତିକ ପର୍ବ ହୋଇଥିବାରୁ ଓଡ଼ିଶାର ଗାଁ ଗାଁ ରେ କୃଷକମାନେ ଏହାକୁ ବେଶ୍ ଆନନ୍ଦ ଉତ୍ସାହର ସହିତ ପାଳନ କରିଥାନ୍ତି ।
ଏହିଦିନ କୃଷକମାନେ ଭଲ ତିଥି ଓ ଉପଯୁକ୍ତ ସମୟ ଯୋଗ ଦେଖି ଅକ୍ଷିମୁଠି ଅନୁକୂଳ କରି କୃଷିକାର୍ଯ୍ୟର ଶୁଭାରମ୍ଭ କରିଥାନ୍ତି । ଅକ୍ଷୟ ତୃତୀୟା ଜଣେ କୃଷକ ସମାଜ ପାଇଁ ଏକ ମହାନ ପର୍ବ ବୋଲି ବିଶ୍ୱାସ କରାଯାଏ ।
ସେହିପରି ଆଜି ଓଡ଼ିଶା ବୈଷୟିକ କୃଷି ବିଶ୍ୱବିଦ୍ୟାଳୟରେ ମଧ୍ୟ ଏହି ପର୍ବ ବଡ ଧୂମଧାମରେ ପାଳିତ ହୋଇଛି l ଧରିତ୍ରୀ ମାତାର ପୂଜା ଓ ବନ୍ଦନର ସ୍ମାରକୀ ତଥା କୃଷି ଓ କୃଷକ ପର୍ବ ପବିତ୍ର ଅକ୍ଷୟ ତୃତୀୟା ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଆଗରୋନମି ମେନ ରିସର୍ଚ୍ଚ ଫାର୍ମଠାରେ ପାଳିତ ହୋଇଯାଇଛି I ପ୍ରତିବର୍ଷ ପରି ବୈଶାଖ ଶୁକ୍ଲପକ୍ଷ ତୃତୀୟା ତିଥିରେ ବିଶ୍ୱବିଦ୍ୟାଳୟ ପକ୍ଷରୁ ଅକ୍ଷି ତୃତୀୟା ପାଳନ ହୋଇଛି I ବିଶ୍ୱବିଦ୍ୟାଳୟର କୁଳପତି ପ୍ରଫେସର ପ୍ରଭାତ କୁମାର ରାଉଳ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଅକ୍ଷି ମୁଠି ଅନୁକୂଳ ସହ ଭୂମି ପୂଜନ କରିଥିଲେ I
ଏହା ସହ ସମଗ୍ର ଚାଷୀକୁଳଙ୍କ ସୁଖ ଓ ସମୃଦ୍ଧି କାମନା କରିଛନ୍ତି କୁଳପତି ପ୍ରଫେସର ପ୍ରଭାତ କୁମାର ରାଉଳ । ଚଳିତ ବର୍ଷ ଯେପରି ଚାଷୀ କ୍ଷେତରେ ସୁନାର ଫସଲ ଅମଳ ହେବ ଏବଂ ଉନ୍ନତ ଧରଣ ଯନ୍ତ୍ରପାତି ଓ ବିହନ ଦ୍ୱାରା ଚାଷ କାର୍ଯ୍ୟ ସୁଗମ କରାଯାଇପାରିବ ସେ ନେଇ ବିଶ୍ୱବିଦ୍ୟାଳୟ ପକ୍ଷରୁ ଚେଷ୍ଟା ଜାରି ରହିବ ବୋଲି କୁଳପତି କହିଛନ୍ତି I ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟକ୍ଷ, ନିର୍ଦେଶକ, ବୈଜ୍ଞାନିକମାନେ ଯୋଗ ଦେଇଥିଲେ I
Share your comments