ICAR ରିପୋର୍ଟ: ଚାଷୀଙ୍କ ଆୟରେ 125-272% ବୃଦ୍ଧି

An ICAR study shows a 125-272% increase in farmers’ incomes in four years

ବଢୁଛି ଚାଷୀଙ୍କ ଆୟ(farmers incomes) । ଚାଷୀଙ୍କ ଆୟରେ 125-272 ପ୍ରତିଶତ ବୃଦ୍ଧି । ଏନେଇ ଭାରତୀୟ କୃଷି ଅନୁସନ୍ଧାନ(ICAR)ର ରିପୋର୍ଟରୁ ଜଣାପଡିଛି । ICAR ରିପୋର୍ଟ ଅନୁଯାୟୀ, ଚାଷୀଙ୍କ ମୋଟ ଆୟ 125-272 ପ୍ରତିଶତ ମଧ୍ୟରେ ବୃଦ୍ଧି ପାଇଥିବାବେଳେ ଉତ୍ତରପ୍ରଦେଶ, ପଶ୍ଚିମବଙ୍ଗ ଏବଂ ଛତିଶଗଡ ଭଳି ରାଜ୍ୟ ଚାରି ବର୍ଷରେ 200 ପ୍ରତିଶତରୁ ଅଧିକ ବୃଦ୍ଧି ରେକର୍ଡ କରିଛନ୍ତି ।

ରିପୋର୍ଟରୁ ଏହା ପ୍ରମାଣିତ ଯେ ସମଗ୍ର ଦେଶରେ କୃଷି କ୍ଷେତ୍ରରେ ଚାଷୀଙ୍କ ଆୟ ଦ୍ୱିଗୁଣିତ ହେବା ସମ୍ଭବ ଅଟେ । ବିଜ୍ଞାନ ଏବଂ ବୈଷୟିକ ଜ୍ଞାନକୌଶଳ ଦ୍ବାରା ଆୟ ବୃଦ୍ଧି ଏକ ବାସ୍ତବତା ଏବଂ ଆବଶ୍ୟକ ପ୍ରଶାସନିକ ତଥା ନୀତିଗତ ସହଯୋଗରେ ହାସଲ କରାଯାଇପାରିବ ବୋଲି ଆଇସିଆର କୃଷି ବୈଜ୍ଞାନିକ କହିଛନ୍ତି ।

ଆୟ ହିସାବ ପାଇଁ, ଅଧ୍ୟୟନରେ 2016-17 କୁ ମୂଳ ବର୍ଷ ଏବଂ 2020-21କୁ ଅନୁସରଣ ବର୍ଷ ଭାବରେ ରଖାଯାଇଛି । ଲଦାଖରେ ଭୂମିହୀନ ଚାଷୀଙ୍କ ଆୟ ସର୍ବାଧିକ 390.6 ପ୍ରତିଶତ ଥିବାବେଳେ ଝଡଖଣ୍ଡରେ 366.59 ପ୍ରତିଶତ, ଆନ୍ଧ୍ରପ୍ରଦେଶ 342.97 ପ୍ରତିଶତ ଏବଂ ଗୋଆରେ 303.02 ପ୍ରତିଶତ ବୃଦ୍ଧି ପାଇଛି।

ସୀମାନ୍ତ କୃଷକଙ୍କ ଆୟ (2 ହେକ୍ଟରରୁ କମ୍) ହରିୟାଣାରେ 298.10 ପ୍ରତିଶତ ଏବଂ ଉତ୍ତରପ୍ରଦେଶ, ଛତିଶଗଡ, ରାଜସ୍ଥାନ ଏବଂ ଆସାମରେ 200 ପ୍ରତିଶତରୁ ଅଧିକ ବୃଦ୍ଧି ପାଇଛି। ପୁଡୁଚେରୀ, ଉତ୍ତରପ୍ରଦେଶ, ଆସାମ ଏବଂ ହିମାଚଳ ପ୍ରଦେଶର କ୍ଷୁଦ୍ର ଚାଷୀ (2-5 ହେକ୍ଟର ଜମିର ମାଲିକ) କୃଷି ବିଜ୍ଞାନ କେନ୍ଦ୍ରର ସହଯୋଗରେ ଅଧିକ ଲାଭ ପାଇଥିବା ରିପୋର୍ଟରେ ପ୍ରକାଶ ପାଇଛି ।

ସେହିପରି ପୁଡୁଚେରୀର ବୃହତ ଚାଷୀ (10 ହେକ୍ଟରରୁ ଅଧିକ ଜମି ଥିବା ଚାଷୀ)ଙ୍କ ଆୟର ସର୍ବାଧିକ ବୃଦ୍ଧି 405.26 ପ୍ରତିଶତ ଏବଂ ପଶ୍ଚିମବଙ୍ଗରେ 377.39 ପ୍ରତିଶତ ରେକର୍ଡ ହୋଇଛି ।

ଉଦ୍ୟାନ କୃଷି ଗ୍ରହଣ କରିଛି ଏକ ପ୍ରମୁଖ ଭୂମିକା

ଆଇସିଆର ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ 2016-17 ମସିହାରେ ଗୁଜୁରାଟ, ମହାରାଷ୍ଟ୍ର, ତାମିଲନାଡୁ, କର୍ଣ୍ଣାଟକ, କେରଳ, ଜାମ୍ମୁ କାଶ୍ମୀର, ହିମାଚଳ ପ୍ରଦେଶ, ସିକ୍କିମ ଭଳି 14ରୁ 17ଟି ରାଜ୍ୟରେ ମୋଟ ଆୟରେ ଉଦ୍ୟାନ କୃଷିର ପ୍ରମୁଖ ଅଂଶ ରହିଛି । ମେଘାଳୟ, ମିଜୋରାମ, ଗୋଆ ଏବଂ ତ୍ରିପୁରା, ହିମାଚଳ ପ୍ରଦେଶ, କେରଳ ଏବଂ ଗୋଆର କୃଷକମାନେ ଉଦ୍ୟାନ କୃଷିରୁ ମୋଟ ଆୟର 60 ପ୍ରତିଶତରୁ ଅଧିକ ଅଂଶ ହାସଲ କରିଛନ୍ତି ।

ଗୋଟିଏ ଗୁରୁତ୍ୱପୂର୍ଣ୍ଣ ପର୍ଯ୍ୟବେକ୍ଷଣ ହେଉଛି ଯେ କ୍ଷେତରେ ଫସଲର ଆୟ ହ୍ରାସ ପାଇଛି । ପଞ୍ଜାବ, ହରିୟାଣା, ରାଜସ୍ଥାନ, ଉତ୍ତରପ୍ରଦେଶ, ବିହାର, ଛତିଶଗଡ, ମଧ୍ୟପ୍ରଦେଶ, ଆନ୍ଧ୍ରପ୍ରଦେଶ ଭଳି ରାଜ୍ୟରେ ଆୟର ଏହା ପ୍ରମୁଖ ସ୍ରୋତ ।

ଆସାମ, ଅରୁଣାଚଳ ପ୍ରଦେଶ, ମଣିପୁର ଏବଂ ନାଗାଲାଣ୍ଡ ଭଳି ରାଜ୍ୟ, ପଶୁପାଳନ ହେଉଛି କୃଷି ଆୟର ମୁଖ୍ୟ ସ୍ରୋତ । ସେହିପରି ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ ଓ ଓଡିଶାର ଚାଷୀମାନଙ୍କ ପାଇଁ ମତ୍ସ୍ୟଚାଷ ଆୟର ମୁଖ୍ୟ ଉତ୍ସ ଥିଲା ।

ବଢୁଛି ଚାଷୀଙ୍କ ଆୟ: କୃଷିମନ୍ତ୍ରୀ

ଓଡିଶାକୁ କେନ୍ଦ୍ର କୃଷିମନ୍ତ୍ରୀଙ୍କ ପ୍ରଶଂସା