Anand Mahindra has a request for union minister Nitin Gadkari
ସୋସିଆଲ ମିଡିଆରେ ବେଶ ସକ୍ରିୟ ନଜର ଆସିଥାନ୍ତି ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ମହିନ୍ଦ୍ରା(Anand Mahindra) । ସମୟ ସମୟରେ ଆନନ୍ଦ ମହିନ୍ଦ୍ରା ନିଜର ଟ୍ବିଟରେ ଅନେକ ଭିଡିଓ ପୋଷ୍ଟ କରୁଥିବା ଦେଖିବାକୁ ମିଳିଥାଏ । ଏଗୁଡିକ ମଧ୍ୟରୁ ଏଭଳି ପୋଷ୍ଟ ଥାଏ, ଯାହା ଭାଇରାଲ ମଧ୍ୟ ହୁଏ । ଏହି କ୍ରମରେ ଏକ ଟ୍ବିଟ କରି କେନ୍ଦ୍ରମନ୍ତ୍ରୀ ନୀତିନ ଗଡକରୀ( Nitin Gadkari)ଙ୍କୁ ଗୋଟିଏ ଅନୁରୋଧ କରିଛନ୍ତି ଆନନ୍ଦ ।
ଆନନ୍ଦ ମହିନ୍ଦ୍ରାଙ୍କ ଟ୍ବିଟ କେଇ ସେକେଣ୍ଡ ମଧ୍ୟରେ ଭାଇରାଲ ହୋଇଯାଇଛି । ମହିନ୍ଦ୍ରା ଗ୍ରୁପର ଅଧ୍ୟକ୍ଷ ନିଜର ଟ୍ବିଟରେ ମନ୍ତ୍ରୀଙ୍କୁ ନୂଆ କରି ନିର୍ମାଣ ହେଉଥିବା ଗ୍ରାମାଞ୍ଚଳ ସଡକରେ ଗଛ ଲଗାଇବାକୁ ଅନୁରୋଧ କରିଛନ୍ତି ।
I like tunnels, but frankly, I’d much rather go through this kind of ‘Trunnel’ …@nitin_gadkari ji, can we plan to purposefully plant some of these trunnels on the new rural roads you are building? https://t.co/6cE4njjGGi
— anand mahindra (@anandmahindra) August 27, 2022
27 ଅଗଷ୍ଟରେ ଶିଳ୍ପପତି ମହିନ୍ଦ୍ରା ଏକ ଭିଡିଓ ସେୟାର କରିଥିଲେ । ଏଥିରେ ଗଛ ଦ୍ବାରା ଘେରେଇ ହୋଇ ରହିଥିବା ସୁନ୍ଦର ରାସ୍ତାର ଦୃଶ୍ୟ ରହିଛି । ସେ ଏହି କ୍ଲିପ ସେୟାର କରି ଏଭଳି ନୂଆ ଗ୍ରାମାଞ୍ଚଳ ସଡକରେ ଗଛ ଲଗାଇ ଏହାକୁ ଟନେଲର ରୂପ ଦେବାକୁ କେନ୍ଦ୍ର ସଡକ ପରିବହନ ଓ ରାଜମାର୍ଗ ମନ୍ତ୍ରୀ ନୀତିନ ଗଡକରୀଙ୍କୁ ଅନୁରୋଧ କରିଛନ୍ତି ।
ଆନନ୍ଦ ମହିନ୍ଦ୍ରା ଟ୍ବିଟରେ ଲେଖିଛନ୍ତି ଯେ ତାଙ୍କୁ ଏହି ଟନେଲ ଅତ୍ୟନ୍ତ ପସନ୍ଦ । ହେଲେ ସତ କହିବାକୁଗଲେ ଭିଡିଓରେ ଦର୍ଶାଯାଇଥିବା ବୃକ୍ଷ ଆଚ୍ଛାଦିତ ଟନେଲ ଦେଇ ଯାତ୍ରା କରିବାକୁ ଅଧିକ ପସନ୍ଦ ହେବ ବୋଲି କହିଛନ୍ତି ଆନନ୍ଦ । ମହିନ୍ଦ୍ରା ଏହାକୁ Tree Tunnel ନାଁ ଦେଇଛନ୍ତି, ଯାହା ଗଛ ଓ ସୁଡଙ୍ଗ ଉଭୟ ଶବ୍ଦର ସମାହାର ।
Share your comments