1. କୃଷି ଖବର

ପ୍ରବାସୀ ଭାରତୀୟଙ୍କ ପାଇଁ ଖୋଲିବ ଭାରତ ବିଲ ପେମେଣ୍ଟ ସିଷ୍ଟମ

Shuvanshu Kar
Shuvanshu Kar
Bharat Bill Payment System to be open to NRIs

Bharat Bill Payment System to be open to NRIs

ପ୍ରବାସୀ ଭାରତୀୟ(NRIs)ଙ୍କ ପାଇଁ ଖୋଲିବାକୁ ଯାଉଛି ଭାରତ ବିଲ ପେମେଣ୍ଟ ସିଷ୍ଟମ Bharat Bill Payment System (BBPS) । ମାନକୀକୃତ ବିଲ ପଇଠ ପାଇଁ ଭାରତ ବିଲ ପେମେଣ୍ଟ ସିଷ୍ଟମ (BBPS) ଏକ ଇଣ୍ଟରଅପରେବଲ (ଆନ୍ତଃପରିଚାଳନାଯୋଗ୍ୟ) ପ୍ଲାଟଫର୍ମ । ଏଣିକି ବିଦେଶରୁ ହେଉଥିବା ବିଲ ପରିଶୋଧ ଏହି ବ୍ୟବସ୍ଥାରେ ଗ୍ରହଣଯୋଗ୍ୟ ହୋଇପାରିବ ।

ଏହି ବ୍ୟବସ୍ଥାକୁ ବ୍ୟବହାର କରି ବିଦେଶରେ ଥିବା ପ୍ରବାସୀ ଭାରତୀୟମାନେ ଭାରତରେ ଥିବା ସେମାନଙ୍କ ପରିବାର ଲୋକଙ୍କ ପକ୍ଷରୁ ଉପଯୋଗିତା (ୟୁଟିଲିଟୀ), ଶିକ୍ଷା ଏବଂ ଏପରି ଅନ୍ୟ ସେବା ପାଇଁ ବିଲ୍‌ ପଇଠ କରିପାରିବେ । ବରିଷ୍ଠ ନାଗରିକମାନଙ୍କୁ ଏହା ବିଶେଷ ଭାବେ ସହାୟକ ହୋଇପାରିବ ।

ସେହିପରି ଆରବିଆଇଓଏସକୁ ଯୋଜନାକୁ ଅଧିକ ବିସ୍ତାରିତ କରିବା ଲାଗି, ଋଣ ସୂଚନା କମ୍ପାନୀ (ସିଆଇସି)ମାନଙ୍କୁ ଆରବି-ଆଇଓଏସ ବ୍ୟବସ୍ଥା ମଧ୍ୟକୁ ଅଣାଯାଉଛି । ଏଥିସହିତ, ଋଣ ସୂଚନା କମ୍ପାନୀମାନଙ୍କ ବିରୋଧରେ ରହିଥିବା ଅଭିଯୋଗଗୁଡ଼ିକର ସମାଧାନ ପାଇଁ ଆମକୁ ଏକ ମାଗଣା ବିକଳ୍ପ ବ୍ୟବସ୍ଥା ମିଳିପାରିବ ।

ଏହି କମ୍ପାନୀମାନଙ୍କର ଏକ ନିଜସ୍ବ ଅନ୍ତରୀଣ ଲୋକପାଳ (ଆଇଓ) ବ୍ୟବସ୍ଥା ରହିବ । ଏହା ସିଆଇସିମାନଙ୍କ ଅନ୍ତରୀଣ ଅଭିଯୋଗ ସମାଧାନ ବ୍ୟବସ୍ଥାକୁ ସୁଦୃଢ଼ କରିବ ବୋଲି ଭାରତୀୟ ରିଜର୍ଭ ବ୍ୟାଙ୍କ ଗଭର୍ଣ୍ଣର ସୂଚନା ଦେଇଛନ୍ତି ।

ଅନ୍ୟପକ୍ଷେ ସୁଧ ଦର ଡେରିଭେଟିଭସ୍‌ର ବିକାଶ ଏବଂ ଉପଯୋଗ ସହ ଜଡ଼ିତ ପ୍ରସଙ୍ଗର ଗଭୀର ଅନୁଧ୍ୟାନ ଲାଗି ଏକ ସମିତି ଗଠନ କରିବା ନିମନ୍ତେ ଭାରତୀୟ ରିଜର୍ଭ ବ୍ୟାଙ୍କ ନିଷ୍ପତ୍ତି ନେଇଛି । ଏଥିରେ ମୁମ୍ବାଇ ଆନ୍ତଃବ୍ୟାଙ୍କ ପ୍ରତ୍ୟକ୍ଷ ଦର (ମୁମ୍ବାଇ ଇଣ୍ଟରବ୍ୟାଙ୍କ ଆଉଟରାଇଟ୍‌ ରେଟ୍‌) ପାଇଁ ଏକ ବିକଳ୍ପ ବେଞ୍ଚମାର୍କକୁ ପରିବର୍ତ୍ତିତ ହେବାର ଆବଶ୍ୟକତା ସାମିଲ ରହିଛି । ଏହି ସମିତି ଭବିଷ୍ୟତର ପଦକ୍ଷେପ ସମ୍ପର୍କରେ ପରାମର୍ଶ ଦେବ । ବିକଳ୍ପ ବେଞ୍ଚମାର୍କ ଦର ବିକଶିତ କରିବା ଲାଗି ସାମ୍ପ୍ରତିକ ଅନ୍ତର୍ଜାତୀୟ ପ୍ରୟାସକୁ ଦୃଷ୍ଟିରେ ରଖି ଏହି ଅଧ୍ୟୟନ କରାଯାଉଛି ।

NPAs: କୃଷି ଋୁଣ 15% ବୃଦ୍ଧି

Repo Rate hike: ଆଉ 50 ବେସିସ ପଏଣ୍ଟ ରେପୋ ଦର ବଢାଇଲା RBI

Like this article?

Hey! I am Shuvanshu Kar. Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran