ନିଜ ସରକାରଙ୍କ ଦୁର୍ନୀତି ପଦାରେ ପକାଇବା ପଡିଲା ମହଙ୍ଗା ! ଇସ୍ତଫା ଦେଲେ କୃଷିମନ୍ତ୍ରୀ

Bihar agriculture minister Sudhakar Singh, who criticised own govt, resigns

ବିହାର କୃଷି ମନ୍ତ୍ରୀ ସୁଧାକର ସିଂ ନିଜ ପଦରୁ ଇସ୍ତଫା ଦେଇଛନ୍ତି । ଏନେଇ ସ୍ପଷ୍ଟ କରିଛନ୍ତି ରାଷ୍ଟ୍ରୀୟ ଜନତା ଦଳ ପ୍ରଦେଶ ଅଧ୍ୟକ୍ଷ ଜଗଦାନନ୍ଦ ସିଂ । କୃଷକ, ଯବାନ ଏବଂ ଯୁବକଙ୍କ ସ୍ୱାର୍ଥ ପାଇଁ ବିହାର ସରକାରଙ୍କୁ କୃଷି ମନ୍ତ୍ରୀ ତାଙ୍କ ଇସ୍ତଫା ପତ୍ର ପଠାଇଛନ୍ତି । ସୁଧାକର ସିଂ ସ୍ପଷ୍ଟ ଭାବେ କହିଛନ୍ତି ଯେ ସେ କୃଷକଙ୍କ ଅଧିକାର ପାଇଁ ସଂଗ୍ରାମ ଜାରି ରଖିବେ।

ନିକଟରେ ନିଜକୁ ଚୋର କହି ଚର୍ଚ୍ଚାରେ ଅଛନ୍ତି ବିହାରର କୃଷିମନ୍ତ୍ରୀ ସୁଧାକର ସିଂହ । କୃଷି ମନ୍ତ୍ରୀ ନିଜ ବୟାନ ମାଧ୍ୟମରେ ମେଣ୍ଟ ସରକାରକୁ ଅଡୁଆ ମଧ୍ୟକୁ ଟାଣିଥିଲେ । ଏକ କାର୍ଯ୍ୟକ୍ରମରେ ସେ କୃଷି ବିଭାଗର ଅଧିକାରୀଙ୍କ ଉପରେ ଏକ ବ୍ୟଙ୍ଗାତ୍ମକ ଟିପ୍ପଣୀ କରିଥିଲେ ।

ସୁଧାକର ସିଂ କହିଥିଲେ ଯେ ଆମ ବିଭାଗର ଅନେକ ଅଫିସର ଚୋର । ତେଣୁ ଆମେ ସେହି ଚୋରମାନଙ୍କର ମୁଖିଆ ହୋଇଗଲୁ। ସେ ଏହା ମଧ୍ୟ କହିଥିଲେ ଯେ ଆମ ଉପରେ ମଧ୍ୟ ଅନେକ ସର୍ଦ୍ଦାର ଅଛନ୍ତି ।

କୈମୁରର ଚାନ୍ଦ ବ୍ଲକରେ କୃଷି ମନ୍ତ୍ରୀ ସୁଧାକର ସିଂହ ଏକ ସମାରୋହରେ ଜନସାଧାରଣଙ୍କୁ ସମ୍ବୋଧିତ କରୁଥିଲେ। କୃଷି ମନ୍ତ୍ରୀ କହିଥିଲେ, କୃଷି ବିଭାଗରେ ଏଭଳି କୌଣସି ବିଭାଗ ନାହିଁ ଯାହା ଚୋରି କରେ ନାହିଁ । ଏଭଳି ପରିସ୍ଥିତିରେ ଆମକୁ ଚୋରମାନଙ୍କର ମୁଖିଆ କୁହାଯିବ ନାହିଁ ତ କଣ କୁହାଯିବ ? ସୁଧାକର ସିଂହ ଏକ ବ୍ୟଙ୍ଗାତ୍ମକ ଟିପ୍ପଣୀ କରି କହିଥିଲେ ଯେ ଯଦି କୃଷକମାନେ ଏହା ବିରୁଦ୍ଧରେ ଆକ୍ରୋଶ ହୁଅନ୍ତୁ, ତେବେ ମୋର ଜଣାପଡିବ ଯେ ସେମାନେ ଅସନ୍ତୁଷ୍ଟ ଅଛନ୍ତି । ହେଲେ ଯଦି ସେମାନେ ପ୍ରଦର୍ଶନ କିମ୍ବା କୁଶପୁତ୍ତଳିକା ଦାହ ନକରନ୍ତି, ତେବେ ଆମେ ଅନୁଭବ କରିବୁ ଯେ ସବୁକିଛି ଠିକ ଅଛି ।

ସୁଧାକର ସିଂ କହିଥିଲେ ଯେ ସରକାର ବଦଳିଛନ୍ତି, କିନ୍ତୁ ଏହା ସମାନ ପୁରୁଣା ସରକାର। ଆଚରଣ ମଧ୍ୟ ପୁରୁଣା ସରକାର ସହିତ ସମାନ । ସୁଧାକରଙ୍କ ବୟାନ ପରେ କ୍ରମାଗତ ବିହାର ସରକାରଙ୍କ ଅଡୁଆ ବଢିଥିଲା ।

କୃଷିରେ ପରିବର୍ତ୍ତନ ଆଣିବ 5G, ଖୋଲିବ ଚାଷୀଙ୍କ ଭାଗ୍ୟ

ସ୍ବାସ୍ଥ୍ୟ ପାଇଁ କେତେ ଜରୁରୀ ଶାକାହାରୀ ଭୋଜନ ? ଜାଣନ୍ତୁ...