ଶ୍ରୀମନ୍ଦିର ବର୍ଜ୍ୟରୁ ତିଆରି ହେବ ଜୈବିକ ସାର!

biofix plant set up in puri

ଜୈବିକ ସାର l ବର୍ତ୍ତମାନ ଶ୍ରୀମନ୍ଦିର ବର୍ଜ୍ୟରୁ ପ୍ରସ୍ତୁତ ହେବ ଜୈବିକ ସାର । ପୂଜା ଫୁଲ ଏବଂ ମନ୍ଦିରରେ ବ୍ୟବହାର ହେଉଥିବା ତୁଳସୀଠୁ ରୋଷଘର ଆବର୍ଜନାରେ ଏହାକୁ ପ୍ରସ୍ତୁତ କରାଯିବ । ଜୈବ ବର୍ଜ୍ୟରୁ ପ୍ରସ୍ତୁତ ହେବ କମ୍ପୋଷ୍ଟ ଓ ବାୟୋଗ୍ୟାସ୍ । ପୁରୀ ମାଳତୀପାଟପୁରରେ ସ୍ଥାପିତ ହୋଇଛି ବାୟୋଫିକ୍ସ ପ୍ଲାଣ୍ଟ। ଶ୍ରୀମନ୍ଦିରରୁ ବାହାରୁଥିବା ମହାପ୍ରସାଦ, ବାସି ଫୁଲ , ତୁଳସୀ, ରୋଷଘରରୁ ବାହାରୁଥିବା ପନିପରିବା ଚୋପା, ନଡ଼ିଆ କତା ଏବଂ ଷଢ଼େଇ କୁ ପ୍ରକ୍ରିୟାକରଣ କରି କମ୍ପୋଷ୍ଟ ଖତ ଓ ବାୟୋଗ୍ୟାସ୍ ପ୍ରସ୍ତୁତ ହେବ।

ଚାଷଜମିକୁ ଉର୍ବର କରିବ ଏହି ବର୍ଜ୍ୟବସ୍ତୁ ରୁ ପ୍ରସ୍ତୁତ ହେବାକୁ ଥିବା ଜୈବିକ ସାର । ଚାଷୀଙ୍କ ଚାଷ କାମରେ ଲାଗିବ ଏହା । ଏ ସମସ୍ତ ବର୍ଜ୍ୟରୁ ଜୈବିକ ସାର ପ୍ରସ୍ତୁତ କରିବାକୁ ପୁରୀ ମାଳତିପାଟପୁରରେ ପ୍ରତିଷ୍ଠା କରାଯାଇଛି ବାୟୋଫିକ୍ସ ପ୍ଲାଣ୍ଟ। ପୁରୀ ଶ୍ରୀମନ୍ଦିର ର ସ୍ବଚ୍ଛତା ବଜାୟ ରଖିବାକୁ  ଏହା ସ୍ବାଗତ ଯୋଗ୍ୟ ପଦକ୍ଷେପ ।

ରାଜ୍ୟ ସରକାରଙ୍କ କୃଷି ବିଭାଗ ଏବଂ ଶ୍ରୀମନ୍ଦିର ପ୍ରଶାସନର ମିଳିତ ସହଯୋଗରେ ଦୈନିକ ୩ ଟନ୍ କ୍ଷମତା ବିଶିଷ୍ଟ ବର୍ଜ୍ୟ ପ୍ରସ୍ତୁତ କରିବାକୁ ଏହି ପ୍ଲାଣ୍ଟ ସ୍ଥାପିତ ହୋଇଛି l ଏହି ପ୍ଲାଣ୍ଟ୍ କାର୍ଯ୍ୟକାରୀ ହେଲେ ପରୋକ୍ଷରେ ମହାପ୍ରଭୁଙ୍କ ସେବା କରିବାର ସୌଭାଗ୍ୟ ମିଳିବ ବୋଲି କହିଛନ୍ତି ବାୟୋଫିକ୍ସ ଯନ୍ତ୍ରୀ ଓ ଅଧିକାରୀ।

ପ୍ରଥମେ ଗୋବରରୁ ବାୟୋଗ୍ୟାସ୍ ପରେ ବିଦ୍ୟୁତ ଉତ୍ପାଦନ କରି, ଏହାକୁ ସେହି ପ୍ଲାଣ୍ଟରେ ଉପଯୋଗ କରାଯିବାକୁ ଯୋଜନା କରାଯାଇଛି । ଏହାପରେ ଶ୍ରୀମନ୍ଦିର ବର୍ଜ୍ୟରୁ ତିଆରି କରାଯିବ ଜୈବିକ ସାର । ଏହାଦ୍ବାରା ଶ୍ରୀମନ୍ଦିର ପରିସର ପରିଷ୍କାର ପରିଚ୍ଛନ୍ନ ରହିବ l ଆଗକୁ ଜୈବିକ ଚାଉଳରେ ଶ୍ରୀଅନ୍ନ ପ୍ରସ୍ତୁତ ହେବାକୁ ଯାଉଥିବା ବେଳେ, ଜୈବିକ ସାର ପ୍ରସ୍ତୁତ ଏକ ସ୍ବାଗତ ଯୋଗ୍ୟ ପଦକ୍ଷେପ l

Read more 

Heart attack: ଲକ୍ଷଣ ରୁ ଜାଣନ୍ତୁ ହୃଦଘାତ ସମସ୍ୟା!