ପ୍ରାୟତଃ ସମସ୍ତେ ଚାହାଁନ୍ତି ତାଙ୍କ ନାମ ବିଶ୍ୱ ରେକର୍ଡରେ ସାମିଲ୍ ହେଉ । ଏଥିପାଇଁ ଅନେକ ଲୋକ ଭିନ୍ନ ଭିନ୍ନ କାମ କରି ଦେଖାନ୍ତି । ହେଲେ ଜଣେ କୃଷକ ଏପରି କିଛି କରିଛନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରାଇବ । ସେ ତାଙ୍କ ନିଜର ପରିଶ୍ରମ ବଳରେ ପରିଚୟ ସୃଷ୍ଟି କରିଛନ୍ତି । ତାହା ପୁଣି ଟମାଟୋ (Tomato)ପ୍ଲାଣ୍ଟ ମାଧ୍ୟମରେ ଗିନିଜ ୱାର୍ଲ୍ଡ ରେକର୍ଡ (Guinness World Record) କରିଛନ୍ତି ।
ସୂଚନା ଅନୁଯାୟୀ, ଆପଣ ମଧ୍ୟ ଜାଣି ଆଶ୍ଚର୍ଯ୍ୟ ହେବେ ଯେ ଏହି କୃଷକ (FARMER) କେବଳ ଗୋଟିଏ ଗଛରେ ଏତେ ପରିମାଣର ଟମାଟୋ ଫଳାଇଛନ୍ତି, ଯାହା ଗଣନା କରିଲେ ମଧ୍ୟ ଆପଣଙ୍କ ଅବସ୍ଥା ଖରାପ ହୋଇଯିବ । କୃଷକ ଜଣଙ୍କ କେବଳ ଗୋଟିଏ ଗଛରେ ୧୨୬୯ ଟମାଟୋ ଫଳାଇଛନ୍ତି । ଏହି କାରଣରୁ ଗିନିଜ ୱାର୍ଲ୍ଡ ରେକର୍ଡରେ କୃଷକ ଏବଂ ତାଙ୍କ ଗଛର ନାମ ରେକର୍ଡ କରାଯାଇଥିଲା ।
ବ୍ରିଟେନର ଜଣେ କୃଷକ (FARMER)ଡଗଲାସ ସ୍ମିଥ ଏହି ଅନନ୍ୟ କୀର୍ତ୍ତି ମାଧ୍ୟମରେ ତାଙ୍କ ନାମରେ ଏକ ବିଶ୍ୱ ରେକର୍ଡ ସୃଷ୍ଟି କରିଛନ୍ତି ।
କୃଷକ ଡଗଲାସ୍ ସ୍ମିଥ୍ କେବଳ ଗୋଟିଏ ଟମାଟୋ ଷ୍ଟେମ୍ରେ ସର୍ବାଧିକ ଟମାଟୋ ଫଳାଇ ରେକର୍ଡ ଭାଙ୍ଗିଛନ୍ତି । ଏହା ପୂର୍ବରୁ ଗତ ବର୍ଷ ପର୍ଯ୍ୟନ୍ତ ଏହି ରେକର୍ଡ ୪୮୮ ଟମାଟୋ ଥିଲା । ଏହା ପରେ ଡଗଲାସ୍ ଏହି ରେକର୍ଡ ଭାଙ୍ଗିବାକୁ ଚିନ୍ତା କଲେ ଏବଂ ୮୩୯ଟି ଟମାଟୋ (Tomato) ଫଳାଇଥିଲେ । ହେଲେ ବର୍ତ୍ତମାନ ସେ ମଧ୍ୟ ଏହି ରେକର୍ଡ ଭାଙ୍ଗି ୧୨୬୯ ଟମାଟୋ କରି ନୂଆ ରେକର୍ଡ ସୃଷ୍ଟି କରିଛନ୍ତି ।
ତେବେ କହିବାକୁ ଗଲେ ଡଗଲାସ୍ ଉଦ୍ୟାନ କୃଷି ପ୍ରତି ବହୁତ ଆଗ୍ରହୀ । ଗତ ଚାରିବର୍ଷ ଧରି ସେ ପ୍ରତିଦିନ ନିଜ ବଗିଚାରେ ସମୟ ବିତାଉଛନ୍ତି । ତାଙ୍କର ହୃଦୟ ବା ଅନ୍ତରରୁ ଇଚ୍ଛା କି ଏହା ଦୁନିଆର ସର୍ବୋତ୍ତମ ବଗିଚା ବୋଲି କୁହାଯାଉ ।
ପ୍ରକାଶ ଥାଉ କି, ଟମାଟୋ (Tomato)ରେକର୍ଡ କରିବା ପାଇଁ ସ୍ମିଥ୍ ଅନେକ ବୈଜ୍ଞାନିକ କାଗଜ ପତ୍ର ପଢିଥିଲେ । ଏହା ବ୍ୟତୀତ, ମାଟିର ନମୁନା ସଂଗ୍ରହ କରି ପରୀକ୍ଷା ପାଇଁ ଲ୍ୟାବକୁ ପଠାଇଥିଲେ । ଏତେ ସବୁ ପରିଶ୍ରମ ପରେ, ଯେତେବେଳେ ତାଙ୍କ ନାମ ଗିନିଜ ୱାର୍ଲ୍ଡ ରେକର୍ଡରେ ରେକର୍ଡ (Guinness World Record)ହେଲା, ସେତେବେଳେ ତାଙ୍କ ଖୁସିର ସୀମା ନଥିଲା ।
ଗ୍ରୀଷ୍ମ ଋତୁରେ ମହଙ୍ଗା ହେଲା ଲେମ୍ବୁ, ଗୋଟାଏ କୁ 10 ଟଙ୍କା
ଭାରତର ଚାଷୀଙ୍କ ଉପରେ ପଡ଼ିଲା ଋଷ-ୟୁକ୍ରେନ ଯୁଦ୍ଧର ପ୍ରଭାବ,ଚାଷୀଙ୍କ ଉପରେ ବଢ଼ିବ ଆର୍ଥିକ ବୋଝ